RASUL 4:29 - PEJANJIAN EMPAI CERITAU ILUAK

²⁹ Mbak kini, Tuhan, kina'ila luak manau ughangtu ngancam kami. Beghanikala kami diau njadi budak Dighi ngiciakka ceritau Dighi.

RASUL 4:29 Iomraidhean Croise

RASUL 13:46

Ngan beghani Paulus ngan Barnabas ngiciak terang-terangan, kataunyau, “Katau Allah mesti dikiciakka ngan kapu dighi kudai. Anyautu kapu dighi nidau nerimaunyau, mangku kapu dighi nidau dianggap pantas bulia idup selelamaunyau. Mangku kami pegi ke bangsau lain.

RASUL 14:3

Karnau itu Paulus ngan Barnabas lamau mendam di situ. Ngan beghani ughang duautu ngiciakka ceritau Tuhan. Mangku Tuhan pulau mbuktika, bansau ceritau iluak itu benagh. Diau ngenjuakka kuasau ngan ughang duautu ngadauka tandau nyelia.

RASUL 19:8

Selamau tigau bulan Paulus maju pegi ke ghuma sembayang ngajagh jemau di situ ngan beghani. Ngan ajaghannyautu diau ngajung ughangtu percayau ngan kici'annyau ceritau Allah endak merinta.

RASUL 26:26

Rajau pulau keruan nian gegalau ceritau itu. Karnau itu aku ngiciak terang-terangan ngan rajau. Aku percayau rajau cetau la ndengagh gegalau ceritautu, karnau gegalaunyautu nidau tejadi di bada diau tuasing.

RASUL 28:31

Ngan beghani diau ngiciakka ngan ughangtu ceritau Allah endak merinta ngan ceritau Tuhan Yesus Keristus. Paulus ngerjaukanyau ngan bibas, nidau dialang-alangi.

RASUL 4:13

Jemau diau ngikut sidangtu kemangan nginak Pitrus ngan Yuhanis ngiciak ngan beghani nian, apau agi ughangtu keruan ughang duautu jemau biasau, nidau sekul, mangku ughangtu keruan, bansau ughang duautu kantin Yesus senitu.

RASUL 4:21

Rumbungan sidangtu nidau dapat salahau endak ngukum Pitrus ngan Yuhanis. Ughangtu tamba ngancam duau rasultu mangku dilepaskanyau. Jemau banyak ngagungka Allah karnau kejadian itu.

RASUL 4:31

La udim ughangtu bedu'a, bada ughangtu betunggal begugak, gegalau ughangtu dikuasaui Rua Allah, mangku ughangtu ngiciakka ceritau Allah ngan beghani nianan.

RASUL 9:27

Mangku Barnabas nulung diau, dibata'inyau njenguak rasul-rasul, dikiciakkanyau ngan ughangtu ceritau Saulus nginak Tuhan di tenga jalan ngan Tuhan ngiciak ngan diau. Dikiciakka pulau ceritau Saulus diau beghani nian ngajagh di Damsik pakai namau Yesus.

RASUL 9:28

Mangku Saulus mendam ngan ughangtu di Yerusalim ngajaghka namau Tuhan ngan beghani.

1 KURINTUS 14:13

Karnau itu jemau diau ngiciak basau rua mesti bedu'a, supayau diau pulau dienjuakka kuasau endak meretika setu diau dikiciakkanyautu.

2 KURINTUS 3:12

Karnau kami adau aghapan luak itu, mangku kami beghani ngiciak luak itu.

PILIPI 1:14

Karnau aku dijilka, banyak jemau Keristen di sini tamba percayau ngan Tuhan, mangku tamba beghani ngiciakka katau Allah ngan nidau takut.

1 TESALUNIKA 2:2

Kamu keruan, antak ka kami datang, kami la dibuati ngan digelakka jemau di Pilipi. Anyautu empuak banyak jemau melawan kami, Allah mbeghanika kami endak ngiciakka ngan kamu ceritau iluak diau asalau jak di Allah.

2 TIMUTIUS 4:17

Anyautu Tuhan la nulung ngan neguaka aku, mangku aku pacak ngiciakka gegalau ceritau iluak itu, mangku didengagh gegalau jemau diau ukan jemau Yahudi. Mangku aku luput jak di ukuman mati.