RASUL 3:25 - PEJANJIAN EMPAI CERITAU ILUAK

²⁵ Janji-janji Allah diau la dikiciakka nabi senitu dijanjika batan endak kamu. Dalam janji diau la dibuat Allah ngan niniak puyang kitau Allah bekatau ngan Abraham luak ini, ‘Karnau pengadau kaba Aku ka iluak ngan gegalau bangsau di deniauni.’

RASUL 3:25 Iomraidhean Croise

LUKAS 1:72

Diau endak nginakka keilu'an atiAu ngan niniak puyang kitau. JanjiAu diau suci ka ditepatiNyau.

RASUL 13:26

Ui, kapu dighi pengadau Abraham ngan kapu dighi diau lain diau ta'at ngan Allah. Ceritau keselamatan la dikiciakka ngan kitau.

RASUL 2:39

Karnau inila setu diau dijanjika Allahtu batan endak kapu dighi ngan pengadau kapu dighi ngan batan endak jemau diau di bada jawua diau ka dipilia Allah, Tuhan kitautu.”

RUM 15:8

Ingatkala, bansau Keristus datang endak nulung jemau Yahudi, supayau ngerti, bansau Allah itu pacak dipercayaui ngan nepati janjiAu ngan niniak puyang kitau.

RUM 4:13

Allah bejanji ngan Abraham ngan pengadaunyau, bansau deniau njadi ha'au. Allah bejanji luak itu ukan karnau Abraham ta'at ngan ukum Taurat, tapitu karnau diau percayau mangku dibenaghka Allah.

GALATIA 3:16

Janji-janji Allah dijanjikaNyau ngan Abraham ngan jemau pengadau Abraham. Di Injil nidau ditulis, “ngan pengadau-pengadau Abraham”, retiau banyak jemau. Diau ditulis di situ, “ngan jemau pengadau kaba”, retiau gi sughang ajau, diautu Keristus.

GALATIA 3:29

Mangku amun kamu hak Keristus, kamu pulau pengadau Abraham, mangku kamu behak nerimau setu diau dijanjika Allahtu.

GALATIA 3:8

Jak di senitu kitab Injil la keruan, bansau Allah mbenaghka jemau diau ukan Yahudi karnau percayau ngan Diau. Ceritau iluak itu la dikiciakka senitu ngan Abraham ngan janji ini, “Karnau kaba, Allah ka iluak ngan gegalau bangsau.”

PENGINA'AN 14:6

Mangku aku nginak sughang malaikat lain terbang tinggi di langit. Di diau adau ceritau iluak diau selelamaunyau batan endak dikiciakka ngan jemau diau adau di deniau, gegalau bangsau ngan jungku ngan basau ngan pemili.

PENGINA'AN 5:9

Ughangtu benyanyi nyanyika nyanyian empai, kataunyau, “Dighi pantas ngan behak nerimau gulungan kitabtu ngan mbukak sigilau, karnau Dighi la disembelia. Mangku ngan dagha Dighi jemau jak di gegalau jungku, basau, pemili ngan bangsau la dibeli batan endak Allah.

PENGINA'AN 7:9

La udim itu aku nginak, mangku adau tunggalan jemau banyak diau nidau kebilangan agi. Ughangtu jak di gegalau bangsau ngan jungku ngan pemili ngan basau betegak di adapan kerusi rajau ngan di adapan Anak Bebiritu. Ughangtu makai baju putia, mangku adau daun paku bindu di tanganau.