RASUL 28:15 - PEJANJIAN EMPAI CERITAU ILUAK

¹⁵ Jemau diau percayau di Rum la ndengagh ceritau kami, mangku ughangtu datang njenguak kami di Purum Apius ngan Teris Taberni. Satu Paulus nginak ughangtu, diau beterimau-kasia ngan Allah mangku atiau diteguaka.

RASUL 28:15 Iomraidhean Croise

YUHANIS 12:13

Ughangtu ngambiak daun paku bindu, mangku pegi ngampak Yesus ngan besurak-surak, kataunyau, “Husana! Tepujila Jemau diau datang atas namau Tuhan. Tepujila Rajau Israil.”

RASUL 1:15

Masau itu Pitrus betegak endak ngiciak ngan kantin-kantinau diau dang betunggal itu, kekirau seratus duau pulua ughang. Katau Pitrus,

RASUL 10:23

Mangku Pitrus ngajak ughangtu masuak temalam di ghuma itu. Pagi di aghiau Pitrus pegi serempak ngan ughang tigautu. Adau pulau jemau percayau jak di Yupi ngantini diau.

RASUL 10:25

Satu Pitrus sampai, Kurnilius nyungsung nyambut diau ngan nunduak di adapannyau sampai ke tana nyemba diau.

RASUL 11:1

Rasul-rasul ngan jemau percayau di gegalau Yudia ndengagh, mbak bansau jemau diau ukan Yahudi nerimau pulau katau Allah.

RASUL 11:12

Mangku Rua Allah ngajung aku pegi serempak ngan ughangtu ngan nidau asau-asau. Ughang enam ini ngantini aku ke Kaisaria, mangku kami masuak ghuma Kurnilius.

RASUL 12:17

Pitrus ngenjuakka tandau ngan tanganau, supayau tenang, mangku diceritaukanyau, luak manau Tuhan mbata'inyau keluagh jak di jil, kataunyau, “Kiciakkala ceritau ini ngan Yakubus ngan kantin kitau lain.” La udim itu, diau pegi ke bada lain.

RASUL 21:5

Anyautu la abis masaunyau, kami pegi jak di situ melajuka pejalanan kami. Gegalau ughangtu ngan anak-biniau ngantat kami inggan luagh kuta. Di tepi pantai di situ kami nunduak galau ngan bedu'a.

RASUL 28:14

Di situ kami betemu bebeghapau jemau diau percayau ngan Yesus. Ughangtu ngajak kami, mangku kami singga ngan ughangtu selamau seminggu. La udim itu kami pegi ke Rum.

RUM 15:24

Nanti amun aku ke Sepanyul, aku pacak berayak ngan kamu, mangku betunggal jerang ngan kamu. Udim itu kamu pacak nulung aku melajuka pejalananku ke Sepanyul.

2 KURINTUS 2:14

Aku beterimau-kasia ngan Allah! Diau maju mbatak kami di jalan menang serempak ngan Keristus. Diau makai kami, supayau ceritau Keristus tesebar ke manau-manau luak embau ghum.

GALATIA 4:14

Masau itu kamu nidau gheging ngan aku, empuak badanku luak itu mangku njadi cubauan batan endak kamu. Anyautu kamu nerimau aku luak nerimau malaikat Allah, luak nerimau Yesus Keristus itula.

1 TESALUNIKA 3:7

Mangku dalam kemada'an ngan kesengsarauantu kami diriangka ndengagh ceritau kamu diau percayau nian.

IBRANI 13:3

Peratikala jemau diau dalam jil, mbak asau kamu pulau di dalam jil ngan ughangtu. Peratikala pulau jemau diau dibuati, mbak asau kamutu dibuati luak itu.