RASUL 27:21 - PEJANJIAN EMPAI CERITAU ILUAK

²¹ La lamau jugau ughangtu nidau makan, mangku Paulus pegi njenguak ughangtu ngan bekatau, “Amun kamu nuruti kici'anku ngan nidau belayar jak di Kerita, cengki kitau nidau meghasauka kerusakan ngan kerugian ini.

RASUL 27:21 Iomraidhean Croise

RASUL 27:12

Pelabuan di situ ngenian nidau iluak kapal mendam di situ musim dingin. Karnau itu banyak jemau kerjau kapal tetuju belayar agi ninggalka pelabuan itu, mangku ncubau njenguak kuta Penikes endak mendam di situ selamau musim dingin. Kuta Penikestu pelabuan di Kerita diau tebukak ke ara matau-aghi umban.

RASUL 27:13

Masau itu adau angin dikit jak di selatan. Ughangtu kirau rencanau ughangtu pacak dikerjauka. Alat mendamka kapal ditaghiak, mangku kapal belayar nurut tepi pulau Kerita.

RASUL 27:20

La buaghi-aghi kami nidau nginak matau-aghi ngan bintang, angin nyaghutu maju nempua kami, mangku kami nidau bediau agi aghapan ka idup.

RASUL 27:7

La bebeghapau aghi kami belayar, kami lambat, mangku ngan jeghia kami sampai di Kenidus. Angin maju karut melawan kami, mangku kami nidau pacak maju ara itu. Karnau itu kami belayar ke ara selatan wuan pulau Salmuni, mangku nurut tepi pulau Kerita diau bang telindung.