RASUL 26:16 - PEJANJIAN EMPAI CERITAU ILUAK

¹⁶ Mbak kini mela, betegakla! Aku ngancakka diriKu ngan kaba endak netapka kaba njadi tukang ngiciak ngiciakka gegalaunyau diau la kaba kinak ceritau Aku ngan setu diau ka Kutunjuakka ngan kaba nantitu.

RASUL 26:16 Iomraidhean Croise

LUKAS 1:2

Ughangtu nulis luak diau diceritauka ngan kitau jak di jemau diau la nginak nian ceritau itu tejadi jak di penembaiau, mangku disiarkanyau.

RASUL 1:17

Diautu senitu kantin kitau, diau pulau dipilia bekerjau serempak ngan kitau.” –

RASUL 1:25

batan endak penggenti Yudas diau la ninggalka tugasau ngan la mati.”

RASUL 20:24

Anyautu aku nidau nyanauka idupkuni, asal aku pacak ngudimi kerjauku diau la ditugaska Tuhan Yesus ngan aku ngan setia enggut mati, ngiciakka ceritau keilu'an Allahtu.

RASUL 21:19

Paulus ngiciakka pesan jak di jemau Keristen lain, mangku nceritauka ngan neghagi nian gegalaunyau diau dikerjauka Allah di guak jemau bangsau lain karnau kerjau Paulus.

RASUL 22:10

Mangku aku betanyau agi, ‘Tuapau mesti kukerjauka, Tuhan?’ Katau Tuhan, ‘Betegakla ngan pegila ke Damsik. Di situ nanti ka dikiciakka ngan kaba gegalaunyau diau Allah ajungka ngan kaba.’

RASUL 23:11

Malamautu Tuhan betegak guak Paulus ngan bekatau, “Teguakala ati kaba, karnau luak kaba la ngiciakka ceritau Aku di Yerusalim ngan beghani, luak itu pulau kaba mesti ngiciakkanyau nanti di Rum.”

RASUL 26:15

Mangku katauku, ‘Sapau Dighi, Tuhan?’ Katau Tuhan, ‘Akuni Yesus diau kaba aniayau.

RASUL 6:4

Mangku tugas kamini bedu'a ngan nceritauka katau Allah.”

RUM 1:5

Karnau Diau pulau kami disayangi Allah mangku dijadika rasul endak meregaui Keristus ngan mbimbing jemau jak di gegalau bangsau, supayau percayau ngan ta'at ngan Keristus.

RUM 15:16

Diautu ngajung aku bekerjau batan endak Yesus Keristus. Diau njadika aku imam batan endak ngiciakka ceritau iluak jak di Allah ngan jemau bangsau lain, supayau ughangtu nyeraka diriau ngan Allah endak idup melemakka ati Allah ngan diberesiaka Rua Allah.

2 KURINTUS 4:1

Kami nerimau tugas itu, karnau Allah itu iluak. Karnau itu kami nidau tekedan.

2 KURINTUS 5:18

Gegalaunyautu dikerjauka Allah. Mangku karnau Keristus Allah mbuat kitau seilu'an ngan Diau ngan ngenju'i kitau kerjau ngiciakka ceritau damaitu, supayau jemau lain pulau seilu'an ngan Diau.

GALATIA 1:12

Aku nidau nerimaunyau jak di manusiau. Nidau sughang kia ngajaghkanyau ngan aku, tapitu Yesus Keristus nyataukanyau ngan aku.

GALATIA 2:2

Aku pegi ke Yerusalim, karnau Allah la nyatauka ngan aku, bansau aku mesti pegi. Aku betemu ngan pengulu-pengulu jemau Keristen di situ, mangku aku ngiciakka ceritau iluak diau kukiciakka ngan jemau bangsau lain, supayau jangan kerjauku empuak senitu empuak mbak kini nidau bediau retiau.

IPISUS 3:3

Allah la nyatauka resiau rencanauNyau ngan dikiciakka ngan aku. Ceritau itu tadi la kutuliska dikit.

KULUSI 1:23

Karnau itu kamu mesti maju percayau ngan tegua, jangan sampai ninggalka aghapan diau dienjuakka ngan kamu, masau kamu ndengagh ceritau iluak. Ceritau itu la dikiciakka ngan gegalau deniau. Batan endak itula aku, Paulus, bekerjau.

KULUSI 1:25

Allah ngajung aku bekerjau batan endak jemau Keristen endak ngiciakka gegalau ceritau iluak ngan kamu.

KULUSI 1:7

Gegalaunyautu la dikiciakka Ipapras ngan kamu. Diautu kantin sekerjau kami diau kami sayangi. Diau rajin bekerjau batan endak Keristus endak nulung kamu.

1 TESALUNIKA 3:2

mangku kami ngajung Timutius, ading kitau. Diautu bekerjau ngan kami batan endak Tuhan ngiciakka ceritau Keristus. Kami ngajung Timutius, supayau diau neguaka ati kamu ngan ngajung kamu tamba percayau nian ngan Keristus,

1 TIMUTIUS 1:12

Aku beterimau-kasia ngan Yesus Keristus Tuhan kitau. Diautu nguatka aku bekerjau batan endak Diau, karnau Diau nganggap aku pantas ngerjauka titu.

1 TIMUTIUS 4:6

Amun kaba ngajaghka gegalaunyautu ngan kantin-kantin kitau diau percayau, kaba ka njadi budak Yesus Keristus diau bekerjau ngan iluak. Kaba mesti maju neguaka ati kaba ngan katau Allah diau kitau percayaui ngan ajaghan diau benagh diau kaba turuti selamau ini.

2 TIMUTIUS 4:5

Empuak luak itu kaba mesti nguasaui diri, empuak luak manau kila. Tanggungkala ngan ngaligh. Kerjaukala tugas kaba endak ngiciakka ceritau iluak jak di Allah. Kerjaukala titu iluak-iluak batan endak Allah.