RASUL 24:24 - PEJANJIAN EMPAI CERITAU ILUAK

²⁴ La udim bebeghapau aghi Pelikes ngan biniau Derusila diau jemau Yahudi ngajung njenguak Paulus, mangku ndengagh diau ngiciak ngiciakka ceritau percayau ngan Yesus Keristus.

RASUL 24:24 Iomraidhean Croise

MARKUS 6:20

Herudis ngajung jemau njagaui Yuhanis iluak-iluak, karnau diau takut. Diau keruan, bansau Yuhanis sughang diau iluak, ajungan Allah. Diau galak ndengaghka Yuhanis ngiciak, empuak diau bingung ngan gelisa.

LUKAS 19:3

Diau endak nginak, sapau Yesustu, anyautu nidau pacak, karnau diau pandak, lagi jemau di situ banyak nianan.

LUKAS 23:8

Herudis riang nian nginak Yesus, karnau la lamau diau ndengagh ceritau Yesus, mangku endak ngina'Au, lagi ngaghapka pacak nginak Yesus mbuat tandau nyelia.

RASUL 16:31

Ughang duautu nimbal, “Percayaula ngan Tuhan Yesus, mangku dighi selamat, dighi seghuma ka selamat galau.”

RASUL 20:21

Empuak jemau Yahudi empuak jemau Yunani aku maju ngingatka nian, supayau ughangtu ngubai peremba'au, datang ngan Allah ngan percayau ngan Tuhan kitau Yesus Keristus.

RASUL 24:25

Anyautu Paulus ngiciakka carau jemau dibenaghka Allah ngan carau nguasaui diri ngan ukuman aghi kiamat. Pelikes penakut mangku bekatau, “Jadila kudai, mbak kini pegila. Aku ka ngajung njenguak kaba agi, amun adau luangan.”

RASUL 26:22

Anyautu enggut mbak kini aku dijagaui Allah, mangku aku pacak betegak di sini ngiciak ngan gegalau jemau, empuak besak empuak keciak. Setu diau kukiciakka itu semegi ngan setu diau la dikiciakka nabi-nabi ngan Musa.

GALATIA 2:16

Empuak luak itu kamu keruan, bansau nidau sughang kiala dibenaghka karnau nuruti ukum agamau, tapitu gegalau jemau dibenaghka karnau percayau ngan Yesus Keristus. Itula sebapau kamini pulau percayau ngan Keristus, supayau kami dibenaghka karnau percayau ngan Keristus ukan karnau na'ati ukum agamau. Karnau nidau sughang kiala dibenaghka karnau nuruti ukum agamau.

GALATIA 2:20

Mbak kini ukan agi aku diau idup, tapitu Keristus idup dalam diriku. Mangku mbak kini aku idup karnau percayau ngan Anak Allah diau la nyayangi aku ngan nyeraka nyawauNyau batan endak aku.

GALATIA 3:2

Cubau kiciakka ngan aku diau sutiak ini: Apu kamu nerimau Rua Allah karnau na'ati ukum Taurat, apu karnau ndengagh ceritau iluak jak di Allah ngan percayau ngan Keristus?

1 YUHANIS 5:1

Jemau diau percayau, bansau Yesusla Rajau Penyelamat diau dijanjika Allah, jemautu anak Allah. Mangku jemau diau nyayangi Bapak, nyayangi anak-ana'Au pulau.

YUDAS 1:3

Kantin-kantinku diau kusayangi. Aku endak nian nulis ngan kamu ceritau selamat diau la kitau alami galau. Anyautu mbak kini aku terupuak nuliska ini endak neguaka kamu, mangku kamu maju beusaha batan endak ajaghan diau benagh diau la dienjuakka Allah ngan umatAu.

PENGINA'AN 14:12

Diau penting, supayau jemau umat Allah maju na'ati perintaHau ngan maju percayau ngan Yesus.