RASUL 22:25 - PEJANJIAN EMPAI CERITAU ILUAK

²⁵ Anyautu la udim Paulus dikebat endak dibaduki, diau bekiciak ngan tentera diau betugastu, “Apu bulia mbaduki sughang diau behak di nenggeri Rum, apau agi amun lum diadili?”

RASUL 22:25 Iomraidhean Croise

MATIUS 10:17

Sepepadaula ngan gegalau jemau. Kamu ka ditangkap, diadapka ngan pengadilan agamau. Kamu ka disaraui di ghuma sembayang.

MATIUS 27:54

Kumandan tentera ngan tenterahau diau dang njagaui Yesus nginak gempau ngan gegalau diau tejadi itu, mangku penakut nian ngan bekatau, “Nyela nian, Diauni Anak Allah.”

MATIUS 8:8

Anyautu tentera itu bekatau, “Gaula, aku nidau pantas nerimau Dighi di ghumaku. Kiciakka sepata katau ajau, mangku budakku ghadu.

RASUL 10:1

Di Kaisaria adau sughang jemau lanang, namaunyau Kurnilius. Diautu ngepala'i seratus tentera jak di rumbungan Italia.

RASUL 16:37

Anyautu Paulus ngiciak ngan pelisi tadi, kataunyau, “Kamini jemau behak di nenggeri Rum. Ngan nidau diadili kami la dibaduki di mukau jemau banyak ngan dimasuakka dalam jil. Mbak kini ughangtu ngajung kami pegi, nidau keruan ngan jemau. Kami enggup luak itu! Ajungla pengulu-pengulu kuta ke sini melepaska kami.”

RASUL 22:26

Ndengagh itu, tentera tadi pegi njenguak kumandan ngan bekatau, “Tuapau diau dighi kerjauka? Jemau itu behak di nenggeri Rum.”

RASUL 23:17

Mangku Paulus mantau sughang tentera ngan bekatau, “Batakla budak bujang ini njenguak kumandan, karnau adau setu diau endak dikiciakkanyau ngan diau.”

RASUL 23:27

Jemau ini ditangkap jemau Yahudi endak dibunua. Mangku aku datang ngan tentera ngalangi ughangtu ngan nyelamatka diau, karnau aku ndengagh, bansau diautu jemau behak di nenggeri Rum.

RASUL 25:16

Katauku ngan ughangtu, ‘Nidau biasau jemau Rum nyeraka sughang diau diburuakka luak itu ajau, amun diau lum diadapka ngan jemau mburuakka ngan lum pacak mbenaghka diriau.’

RASUL 27:1

La udim ditetapka, bansau kami ka belayar ke Italia, mangku Paulus ngan bebeghapau kawalan lainau diseraka ngan Yulius, sughang kepalak tentera jak di rumbungan Kaisar.

RASUL 27:3

Pagi di aghiau kami sampai di Sidun. Paulus diterimau Yulius ngan iluak, mangku diajung nandangi kantin-kantinau di situ, mangku ughangtu pacak ngenjuakka ngan diau setu diau enda'au.

RASUL 27:43

Anyautu kepalak tentera nidau ngajung anak-buahau ngerjaukanyau, karnau diau endak nyelamatka Paulus. Mangku diau ngajung gegalau jemau diau pacak bedenang terjun ke laut bedenang nuju ke pantai.