RASUL 21:8 - PEJANJIAN EMPAI CERITAU ILUAK

⁸ Pagi di aghiau kami pegi mangku sampai di Kaisaria. Di situ kami pegi ke ghuma Pilipus, penginjiltu, mangku mendam di ghumahau. Diautu sala sughang jak di tujua ughang diau dipilia di Yerusalim senitu.

RASUL 21:8 Iomraidhean Croise

RASUL 10:1

Di Kaisaria adau sughang jemau lanang, namaunyau Kurnilius. Diautu ngepala'i seratus tentera jak di rumbungan Italia.

RASUL 16:10

La udim Paulus nginak pengina'antu, kami bedandan endak pegi ke Makedunia, karnau kami la percayau ngan mutuska, bansau Allah ngajung kami ngiciakka ceritau iluak ngan jemau di situ.

RASUL 16:13

Aghi Sabat kami pegi keluagh kuta ke tepi ayiak, karnau kami kirau adau bada sembayang jemau Yahudi di situ. Kami duduak, mangku ngiciak ngan tinau-tinau diau betunggal di situ.

RASUL 16:16

Adau saghi kami dang pegi ke bada sembayang tadi, mangku kami betemu ngan sughang budak belian jemau tinau. Tinau itu dikuasaui rua sitan, mangku diau pacak meramalka. Ngan meramalka nasib jemau, tuan-tuanau bulia tanci banyak.

RASUL 18:22

Diau ndaghat di Kaisaria, mangku pegi endak betemu ngan jemau Keristen. La udim itu diau pegi ke Antiukia.

RASUL 20:13

Kami ndulu pegi ke kapal endak belayar ke Asus. Di situ kami endak ndepatka Paulus ke kapal. Diau endak luak itu, karnau diau ka ke situ jalan daghat.

RASUL 20:6

La udim aghi rerayau Ruti Nidau Beghagi, kami ninggalka Pilipi belayar ke Teruas. Limau aghi udim itu, kami la sampai di Teruas nunggal agi ngan ughangtu. Kami singga di situ seminggu.

RASUL 21:16

Adau bebeghapau jemau percayau jak di situ pegi pulau serempak ngan kami. Ughangtu ngantat kami ke ghuma Manasun. Diautu jemau Siprus ngan la lamau jugau percayau. Kami ka numpang di ghumahau.

RASUL 23:23

La udim itu kumandan itu mantau duau pengulu tentera ngan bekatau, “Cadangkala duau ratus tentera endak pegi ke Kaisaria ngan pulau tujua pulua tentera nayiak kudau ngan duau ratus tentera pakai kujur. Ughangtu mesti bejalan jam sembilan malam kelau.

RASUL 27:1

La udim ditetapka, bansau kami ka belayar ke Italia, mangku Paulus ngan bebeghapau kawalan lainau diseraka ngan Yulius, sughang kepalak tentera jak di rumbungan Kaisar.

RASUL 28:11

La tigau bulan di situ, kami pegi jak di pulau itu nayiak kapal jak di Aliksanderia. Selamau musim dingin diau belabua di pulau itu. Kapal itu makai lambang diwau Kembagh.

RASUL 28:16

La sampai di Rum, Paulus dibuliaka mendam di ghumahau dijagaui sughang tentera.

RASUL 6:5

Pendapat itu diterimau gegalau ughangtu. Mangku ughangtu milia Setipanus diau percayau nian ngan dikuasaui Rua Allah, ngan Pilipus, Perukurus, Nikanur, Timun, Parmenas ngan Nikulaus, jemau Antiukia diau masuak agamau Yahudi.

RASUL 9:30

Jemau percayau la keruan ceritau itu, mangku Saulus diantat ke Kaisaria. Jak di situ diau diajung pegi ke Tarsus.

IPISUS 4:11

Mangku tuapau retiau, “Diau ngenjuakka pengenjuak ngan manusiau”? Adau diau dipilia njadi rasul, adau diau njadi nabi. Adau diau dipilia ngiciakka ceritau iluak. Adau diau dipilia mimpin jemau Keristen, adau pulau diau ngajagh jemau Keristen.

2 TIMUTIUS 4:5

Empuak luak itu kaba mesti nguasaui diri, empuak luak manau kila. Tanggungkala ngan ngaligh. Kerjaukala tugas kaba endak ngiciakka ceritau iluak jak di Allah. Kerjaukala titu iluak-iluak batan endak Allah.