RASUL 21:26 - PEJANJIAN EMPAI CERITAU ILUAK

²⁶ Pagiautu Paulus pegi ngadauka pembasuan diri serempak ngan empat ughangtu. Udim itu ughangtu pegi masuak Ghuma Allah endak ngiciakka, kebilau pembasuantu ka udim, mangku kerban batan endak bilang ughangtu ka dikerbanka.

RASUL 21:26 Iomraidhean Croise

YUHANIS 11:55

Masau itu aghi rerayau Paska la pasigh. Banyak jemau la pegi ke Yerusalim endak njalanka adat lembagau pembasuan diri nurut adat Yahudi, antak ka aghi rerayau mulai.

RASUL 21:24

Bata'ila ughangtu ngan kerjaukala pembasuan nyucika diri serempak ngan ughangtu, mangku bayighila bayighan ughangtu, supayau gumba'au pacak dicukur. Mangku gegalau jemau ka keruan, bansau gegalaunyau diau ughangtu dengagh ceritau kaba nidau benagh nian, karnau kabatu pulau nuruti ukum Taurat.

RASUL 24:18

Penarau aku dang ngerjauka titu, ughangtu nginak aku di Ghuma Allah, masau aku empai udim mberesiaka diriku. Jemau banyak nidau bediau ngan nidau bediau kekacauan.

1 KURINTUS 9:20

Ngan jemau Yahudi aku luak jemau Yahudi, mangku pacak menangka jemau Yahudi batan endak Keristus. Ngan jemau diau idup nurut ukum Taurat, aku njadi luak jemau diau idup nurut ukum Taurat, empuak aku sebenaghau nidau mesti nuruti ukum Taurattu, supayau pacak menangka ughangtu batan endak Keristus.