RASUL 21:20 - PEJANJIAN EMPAI CERITAU ILUAK

²⁰ Ndengagh ceritau Paulustu ughangtu ngagungka Allah galau. Mangku ughangtu bekatau ngan Paulus, “Paulus, kaba la keruan, mbak bansau beribu-ribu jemau Yahudi la percayau. Ughangtu maju na'ati ukum Taurat.

RASUL 21:20 Iomraidhean Croise

MATIUS 9:8

Masau jemau banyak nginak setu diau tejaditu, ughangtu takut galau mangku ngagungka Allah, karnau Allah ngenjuakka kuasau besak ngan manusiau.

LUKAS 12:1

Beribu-ribu jemau bererincitan, sampai adau diau tepijak keting. Penarau ughangtu betunggal, Yesus ngiciak ngan anak-buaHau, katauNyau, “Sepepadaula ngan ghagi jemau Parisi, diautu cak alim.

LUKAS 15:32

Kitau pantas bereriang, karnau ading kaba la mati, mangku ngulang idup, diau la sesat, mangku baliak agi.’ ”

YUHANIS 12:24

Ngenian katauKu ini: Amun semughak padi nidau ditugalka ke tana, mangku nidau busuak, diau ka maju semughak itula. Anyautu amun mughaktu busuak karnau tumbua, mangku ka banyak asilau.

RASUL 11:18

La udim ndengagh kici'annyautu, ughangtu mandak bebala, mangku ngagungka Allah kataunyau, “Amun luak itu, jemau ukan Yahudi pulau dienjuakka Allah masau ngubai jak di dusaunyau mangku bulia idup.”

RASUL 15:1

Adau bebeghapau jemau jak di Yudia datang ke Antiukia ngajagh jemau Keristen di situ, kataunyau, “Amun kapu dighi nidau disunat nurut ukum Musa, kapu dighi nidau pacak diselamatka.”

RASUL 15:24

Kami la ndengagh ceritaunyau adau jemau jak di kami pegi njenguak kapu dighi ngan ngacauka kapu dighi ngan ajaghannyau. Kami nidau ngajung ughangtu ngerjauka titu.

RASUL 15:5

Adau jemau jak di rumbungan Parisi diau la percayau betegak ngan bekatau, “Jemau bangsau lain mesti disunat ngan diwajibka nuruti ukum Musa.”

RASUL 2:41

Banyak jemau percayau ngan kici'an Pitrus, mangku mintak dibaptis. Gegalau jemau diau percayau aghi itu kekirau tigau ribu ughang.

RASUL 22:3

“Akuni jemau Yahudi, lahir di Tarsus di perupinsi Kilikia, mangku aku besak di Yerusalim ini. Aku diajagh guru Gamali'il ngan neghagi belajagh ukum Taurat niniak puyang kitau, mangku aku galak kerjau batan endak Allah semegi ngan kapu dighi mbak kini.

RASUL 4:21

Rumbungan sidangtu nidau dapat salahau endak ngukum Pitrus ngan Yuhanis. Ughangtu tamba ngancam duau rasultu mangku dilepaskanyau. Jemau banyak ngagungka Allah karnau kejadian itu.

RASUL 4:4

Jak di jemau diau la ndengagh kici'an rasul tadi banyak diau percayau, mangku gegalau jemau percayau njadi limau ribu ughang.

RASUL 6:7

Luak itula ceritau jak di Allah maju tamba tesiar ngan anak-bua Yesus di Yerusalim maju tamba banyak ngan banyak pulau imam percayau ngan Yesus.

RUM 10:2

Aku beghani ngiciakka ughangtu ta'at nian ngan agamaunyau, anyautu ughangtu nidau terti carau diau benagh.

GALATIA 1:14

Aku lebia ta'at jak di banyak jemau Yahudi diau sebayau njalanka agamauku. Aku rajin nian ngikuti adat lembagau niniak puyang kami.

GALATIA 1:24

Mangku ughangtu muji Allah karnau aku.

2 TESALUNIKA 1:10

Gegalaunyautu ka tejadi, amun Diau datang nanti endak diagungka umatAu ngan diregaui bilang jemau diau percayau. Kamuni pulau ka temasuak umatAu, karnau kamu percayau ngan ceritau diau kami kiciakka ngan kamu.