RASUL 20:35 - PEJANJIAN EMPAI CERITAU ILUAK

³⁵ Ngan gegalaunyautu aku la ngenjuakka penauan ngan kapu dighi, bansau ngan kerjau luak itula kitau mesti nulung jemau diau nidau kuat. Kitau mesti ngingatka katau Tuhan Yesus diau dikiciakkaNyautu, ‘Iluakla ngenjuak sangkan nerimau!’ ”

RASUL 20:35 Iomraidhean Croise

MATIUS 10:8

Ghadukala jemau buidapan, idupkala jemau mati, ghadukala jemau buidapan ja'at, laratkala iblis. Gegalau kuasau itu dienjuakka ngan kamu nidau dibeli. Karnau itu enjuakkala pulau nidau mintak bayighan.

RASUL 20:20

Aku nidau mandak ngiciakka setu diau begunau ngan kapu dighi. Gegalaunyautu kukiciakka ngan ajaghka, empuak di mukau jemau banyak empuak di ghuma kapu dighi.

RASUL 20:27

Karnau nidau kekela aku malas ngerjauka kerjauku ngiciakka ngan kapu dighi gegalau rencanau Allah.

RASUL 20:34

Kapu dighini keruan, mbak bansau aku rajin bekerjau ngan tangankunila batan endak pengidupanku ngan kantin-kantinku diau ngikut aku.

RASUL 20:36

La udim ngiciak luak itu, Paulus ngan gegalau jemau itu nunduak mangku bedu'a.

RUM 15:1

Kitau diau tegua imanau mesti ngaligh ngan jemau diau nidau semegi pendapat ngan nidau tegua imanau. Jangan kitau melemakka ati kitau ajau.

1 KURINTUS 9:12

Amun jemau lain behak ngaghapka titu jak di kamu, cengki kami lebia behak jak di ughangtu. Anyautu kami lum nggunauka hak itu. Iluakla aku nanggungka gegalaunyau sangkan ngengalangi ceritau iluak jak di Keristus.

2 KURINTUS 11:12

Setu diau kukerjauka mbak kini ka maju kukerjauka, supayau rasul diau lainautu nidau bediau tapakan endak muji diriau ngan ngiciakka, bansau ughangtu bekerjau ngan carau luak kami.

2 KURINTUS 11:9

Amun aku dang nidau betanci, aku nidau kekela nyusaka sughang kia jak di kamu. Gegalaunyau diau aku enda'au disediauka kantin-kantin diau datang jak di Makedunia. Aku njagau nian, mangku nidau njadi beban kamu. Mangku aku njagau, supayau maju luak itu.

2 KURINTUS 12:13

Dalam segi tuapau kamu kurang disanauka, amun dibandingka ngan jemau Keristen diau lain? Paling-paling karnau aku nidau mbeghati kamu mbayighi aku. Ma'apkala aku karnau salaku itu!

2 KURINTUS 8:9

Kamu keruan, bansau kitau disayangi Yesus Keristus, Tuhan kitau. Empuak Diau kayau, Diau njadi serik batan endak kamu, mangku kamu njadi kayau karnau keserikanNyautu.

IPISUS 4:28

Jemau diau pemaling jangan agi maling. Diau mesti bekerjau nian, mangku bulia pengidupan diau benagh ngan pacak nulung jemau diau kurangan.

1 TESALUNIKA 4:11

Beusahala idup diau tenang. Jangan ncampuri urusan jemau. Bekerjaula batan pengidupan kamu itula, luak diau la kami ajungka ngan kamu senitu.

1 TESALUNIKA 5:14

Kami ngajung kamu pulau, supayau kamu negughi jemau diau enggup bekerjau. Teguaka ati jemau diau asau-asau. Tulungla jemau diau litak. Ngalighla ngan gegalau jemau.

IBRANI 13:16

Mangku majula kerjauka diau iluak ngan sangi tulungi, karnau itula kerban diau melemakka ati Allah.

IBRANI 13:3

Peratikala jemau diau dalam jil, mbak asau kamu pulau di dalam jil ngan ughangtu. Peratikala pulau jemau diau dibuati, mbak asau kamutu dibuati luak itu.

3 YUHANIS 1:7

Ughangtu bejalan endak nceritauka Yesus. Ughangtu ngerjaukanyau, anyautu nidau nerimau tuapau-apau jak di jemau diau nidau keruan Allah.