RASUL 20:21 - PEJANJIAN EMPAI CERITAU ILUAK

²¹ Empuak jemau Yahudi empuak jemau Yunani aku maju ngingatka nian, supayau ughangtu ngubai peremba'au, datang ngan Allah ngan percayau ngan Tuhan kitau Yesus Keristus.

RASUL 20:21 Iomraidhean Croise

MATIUS 3:2

“Ubaila perembak ngan dusau kamu, karnau nidau lamau agi Allah ka merinta luak rajau.”

MATIUS 4:17

Jak masau itu Yesus mulai ngiciakka, “Ubaila jak di dusau-dusau kamu, karnau nidau lamau agi Allah ka merinta luak rajau.”

MARKUS 1:15

KatauNyau, “Masaunyau la sampai. Allah laka merinta. Ubaila perembak ngan dusau-dusau kamu, mangku percayaula ngan ceritau iluak jak di Allah.”

MARKUS 6:12

Mangku ughangtu pegi ngiciakka, bansau jemau mesti ngubai peremba'au jak di dusaunyau.

LUKAS 13:3

Nidau nian. Anyautu ingatkala, amun kamu nidau ngubai jak di dusau, gegalau kamu ka mati luak ughangtu.

LUKAS 13:5

Nidau nian. Sekali agi Kukiciakka, amun kamu nidau ngubai jak di dusau kamu, kamu ka mati galau luak ughangtu.”

LUKAS 15:10

Keruanila, luak itu pulau malaikat-malaikat Allah keriangan, karnau sughang jemau bedusau betubat.”

LUKAS 15:7

Ngenian, luak itula pulau besakla keinji'an di sergau, karnau sughang jemau diau bedusau la betubat, sangkan keinji'an, karnau sembilan pulua sembilan jemau diau iluak ngan berupuak nidau nanti betubat.”

LUKAS 16:28

Adau limau beghading agi di ghuma. Ajungka Lasarus ngingatka ughangtu, supayau jangan masuak ke bada sengsarau ini.’

LUKAS 24:47

Ngan pulau, ‘Atas namau Rajau Penyelamat itu arus dikiciakka ngan gegalau bangsau, bansau manusiau mesti ngubai jak di dusaunyau, mangku Allah endak ngabiska dusaunyau.’ Ceritau itu dikiciakka mulai jak di Yerusalim.

YUHANIS 20:31

Tapitu gegalaunyau diau temasuak di sini la ditulis, supayau kamu percayau, Yesus itula Keristus, Rajau Penyelamat, Anak Allah, mangku supayau kamu bulia idup, karnau percayau ngan Diau.

YUHANIS 3:36

Jemau diau percayau ngan Ana'Autu bulia idup selelamaunyau. Anyautu jemau diau nidau ta'at ngan Ana'Autu nidau ka bulia idup empai. Jemautu maju diukum Allah.

RASUL 10:43

Gegalau nabi pulau ngiciakka ceritau Diau. Ughangtu bekatau, mbak bansau gegalau jemau diau percayau ngan Yesus ka diabiska dusaunyau karnau Diau.”

RASUL 11:18

La udim ndengagh kici'annyautu, ughangtu mandak bebala, mangku ngagungka Allah kataunyau, “Amun luak itu, jemau ukan Yahudi pulau dienjuakka Allah masau ngubai jak di dusaunyau mangku bulia idup.”

RASUL 16:31

Ughang duautu nimbal, “Percayaula ngan Tuhan Yesus, mangku dighi selamat, dighi seghuma ka selamat galau.”

RASUL 17:30

Masau kitau nidau keruan nidau diingatka Allah agi. Mbak kini Allah ngajung gegalau jemau di deniau ngubai jak di peremba'au diau ja'attu.

RASUL 19:17

Gegalau jemau Yahudi ngan jemau bangsau lain di Ipisus ndengagh ceritau itu. Ughangtu penakut galau, mangku namau Yesus tamba dipuji-puji.

RASUL 2:38

Pitrus nimbal, “Ubaila perembak kapu dighi jak di dusau ngan mintak dibaptis ngan namau Yesus Keristus, mangku dusau kapu dighi diabiska, mangku kapu dighi ka dienju'i Rua Allah.

RASUL 2:40

Luak itula Pitrus ngiciak ngan ughangtu. Mangku ngan banyak katau lain diau ngajung ughangtu nian, supayau njawuaka diriau jak di jemau ja'attu diau ka diukum Allah.

RASUL 20:23

Aku cuman keruan, setu diau dinyatauka Rua Allah di bilang kuta, bansau aku ka masuak jil ngan sengsarau.

RASUL 20:24

Anyautu aku nidau nyanauka idupkuni, asal aku pacak ngudimi kerjauku diau la ditugaska Tuhan Yesus ngan aku ngan setia enggut mati, ngiciakka ceritau keilu'an Allahtu.

RASUL 24:24

La udim bebeghapau aghi Pelikes ngan biniau Derusila diau jemau Yahudi ngajung njenguak Paulus, mangku ndengagh diau ngiciak ngiciakka ceritau percayau ngan Yesus Keristus.

RASUL 26:18

endak mbukakka matau ughangtu, supayau ughangtu ngeluagh jak di keleman masuak terang, supayau ughangtu lepas jak di kuasau iblis mangku dikuasaui Allah. Mangku dusaunyau ka diabiska, karnau ughangtu percayau ngan Aku, mangku ughangtu njadi angguta umat Allah diau dipilia itu.’ ”

RASUL 26:20

Ngan terang-terangan aku ngiciakka ngan jemau, mbak bansau ughangtu mesti ngubai peremba'au jak di dusaunyau ngan ngulang njenguak Allah ngan mbuktika ngan idupau, bansau ughangtu la ngubai nian. Aku ngiciakka titu dulu sekali di Damsik, udim itu di Yerusalim ngan di gegalau Yudia, mangku pulau ngan jemau bangsau lain.

RASUL 28:23

Mangku ughangtu netapka aghiau endak betemu ngan Paulus. Aghi diau ditetapkatu banyak nian jemau datang ke bada Paulus. Jak di akap enggut malam Paulus ngiciakka ngan nerangka ceritau Allah endak merinta. Makai ayat-ayat kitab Musa ngan kitab nabi-nabi diau beusaha, supayau ughangtu percayau ngan Yesus.

RASUL 3:19

Karnau itu ubaila perembak ngan dusau kapu dighi, datangla ngan Allah, mangku dusau kapu dighi diabiskaNyau.

RASUL 8:25

La udim Pitrus ngan Yuhanis ngiciakka setu diau ughang duautu keruan ceritau Tuhan Yesus ngan nyampaika katau Tuhan, ughang duautu baliak ke Yerusalim. Di jalan ughangtu ngiciakka ceritau iluak itu di dusun-dusun Samaria.

RUM 1:14

Aku adau kewajiban ngan gegalau jemau, empuak jemau diau maju empuak jemau diau kulut, empuak jemau diau sekul empuak jemau butau urup.

RUM 1:16

Aku percayau nian ceritau iluak itu, karnau di ceritau iluaktu adau kuasau Allah diau nyelamatka gegalau jemau diau percayau, jemau Yahudi kudai, mangku jemau bangsau lain pulau.

RUM 10:9

Karnau amun kamu ngaku'i ngan mulut, bansau Yesusla Tuhan, ngan percayau dalam ati, bansau Allah la ngidupka Diau jak di mati, kamu ka selamat.

RUM 2:4

Apu kamu nganggap mura karnau Allah iluak, ngaligh ngan lambat ngukum? Cengki kamu keruan, bansau Allah iluak karnau Diau endak, supayau kamu ngubai jak di dusau-dusau kamu.

RUM 4:24

tapitu batan endak kitau pulau. Kitau pulau dibenaghka, amun kitau percayau ngan Allah diau ngidupka Yesus, Tuhan kitau, jak di mati.

RUM 5:1

Mbak kini kitau la seilu'an agi ngan Allah karnau percayau, mangku kitau idup damai ngan Allah karnau Tuhan kitau Yesus Keristus.

1 KURINTUS 1:22

Jemau Yahudi mintak tandau nyelia njadi buktiau, jemau Yunani ndalak kepintaran manusiau.

2 KURINTUS 7:10

Kemada'an diau jak di Allah ngasilka ati beghuba mangku selamat. Jemau nidau ka nyesali titu. Anyautu kemada'an jak di deniauni kemada'an diau mbenasauka.

GALATIA 2:16

Empuak luak itu kamu keruan, bansau nidau sughang kiala dibenaghka karnau nuruti ukum agamau, tapitu gegalau jemau dibenaghka karnau percayau ngan Yesus Keristus. Itula sebapau kamini pulau percayau ngan Keristus, supayau kami dibenaghka karnau percayau ngan Keristus ukan karnau na'ati ukum agamau. Karnau nidau sughang kiala dibenaghka karnau nuruti ukum agamau.

GALATIA 2:20

Mbak kini ukan agi aku diau idup, tapitu Keristus idup dalam diriku. Mangku mbak kini aku idup karnau percayau ngan Anak Allah diau la nyayangi aku ngan nyeraka nyawauNyau batan endak aku.

GALATIA 3:22

Anyautu di Injil la ditulis, bansau gegalau manusiau la dikuasaui dusau, mangku setu diau dijanjika Allah dienjuakka ngan jemau diau percayau ngan Keristus, karnau janjitu cuman dienjuakka ngan jemau amun percayau.

IPISUS 1:15

Itula sebapau jak aku ndengagh, bansau kamu percayau ngan Tuhan Yesus ngan nyayangi gegalau umat Allah,

KULUSI 2:5

Empuak aku jawua ngan kamu, rupu'anku guak kamu. Aku riang nginak kamu suati ngan tegua percayau ngan Keristus.

PILEMUN 1:5

Karnau aku la ndengagh, bansau kaba nyayangi gegalau umat Allah ngan percayau nian ngan Tuhan Yesus.

1 YUHANIS 5:1

Jemau diau percayau, bansau Yesusla Rajau Penyelamat diau dijanjika Allah, jemautu anak Allah. Mangku jemau diau nyayangi Bapak, nyayangi anak-ana'Au pulau.

1 YUHANIS 5:5

Sapau pacak ngalaka deniauni? Nyela, jemau diau percayau, bansau Yesusla Anak Allah.