RASUL 2:39 - PEJANJIAN EMPAI CERITAU ILUAK

³⁹ Karnau inila setu diau dijanjika Allahtu batan endak kapu dighi ngan pengadau kapu dighi ngan batan endak jemau diau di bada jawua diau ka dipilia Allah, Tuhan kitautu.”

RASUL 2:39 Iomraidhean Croise

RASUL 10:45

Mangku gegalau jemau Yahudi diau percayau diau ngantini Pitrus kemangan galau nginak Allah ngenjuakka Rua Hau ngan jemau bangsau diau ukan jemau Yahudi.

RASUL 14:27

La sampai di situ, ughangtu ngajung jemau percayau betunggal, mangku ughang duautu nceritauka gegalaunyau diau la Allah kerjauka ngan ughangtu, luak manau Allah la nyatauka, supayau bangsau lain pulau pacak percayau ngan Allah.

RASUL 15:14

Empai jerangnila Simun la nceritauka, luak manau Allah penembaian iluak ngan bangsau lain, endak milia jemau jak di ughangtu njadi umatAu.

RASUL 15:3

Jemau Keristen di Antiukia ngantat ughangtu sampai keluagh kuta, mangku ughangtu pegi wuan Penisia ngan Samaria. Di situ ughangtu nceritauka, mbak bansau jemau bangsau lain diau nidau keruan Allah la percayau ngan Allah. Ceritau itu meriangka nian jemau percayau di situ.

RASUL 15:8

Allah keruan ati manusiau. Diau nunjuakka, mbak bansau Diau nerimau ughangtu ngan ngenjuakka ngan ughangtu Rua Allah, luak dienjuakkaNyau ngan kitau pulau.

RUM 11:29

Karnau Allah nidau kekela nyesali keilu'an ngan pilianNyau.

RUM 8:30

Luak itula Allah milia ughangtu diau la dulu ditetapkaNyau, mangku ughang diau la dipiliatu pulau la seilu'an ngan Diau. Mangku ughang diau la seilu'antu ka diagungka pulau.

RUM 9:24

kitau diau la dipilia ukan cuman jak di jemau Yahudi, tapitu jak di jemau bangsau lain pulau.

RUM 9:4

Jemau Israil dipilia Allah, la dijadika ana'Au. KuasauNyau la dinyatauka ngan ughangtu. Diautu la bejanji ngan ughangtu, la dienjuakka ukum Taurat, la dikiciakka carau sembayang ngan janji-janjiAu.

1 KURINTUS 7:14

Laki diau lum percayau njadi pantas di adapan Allah, karnau diau nika ngan biniau diau la njadi hak Allah. Luak itu pulau bini diau lum percayau njadi pantas di adapan Allah, karnau diau nika ngan lakiau diau la njadi hak Allah. Amun ukan luak itu, anak ughangtu luak anak jemau kapir, awuak anaktu njadi pantas di adapan Allah.

IPISUS 1:18

Aku mintak, supayau Diau mbukakka rupu'an kamu, mangku kamu ngerti setu diau kamu aghapka jak di Allah diau milia kamu. Mangku kamu keruan, bansau Allah kayau nian ngan serbau diau iluak diau disediaukaNyau batan endak umatAu.

IPISUS 2:12

Masau itu kamu lum seghundak ngan Keristus, kamu jemau asing diau nidau temasuak umat Allah. Kamu nidau temasuak jemau diau bulia bagian diau dijanjika Allah ngan umatAu. Kamu idup di deniauni nidau bediau aghapan ngan nidau keruan Allah.

IPISUS 4:4

Cuman adau sutiak badan ngan sutiak Rua. Luak itu pulau kamu dipilia batan endak ngaghapka setu diau semegi.

2 TESALUNIKA 1:11

Itula sebapau kami maju du'aka kamu, supayau Allah njadika kamu pantas idup nuruti kenda'Au, karnau batan endak itula kamu dipilia. Kami bedu'a, supayau Allah ngan kuasauNyau nulung kamu endak ngerjauka setu diau iluak diau endak kamu kerjauka, karnau percayau ngan Keristus.

2 TIMUTIUS 1:9

Allahtu nyelamatka kitau ngan milia kitau, supayau njadi umatAu. Titu dikerjaukaNyau ukan karnau setu diau kitau kerjauka, tapitu karnau rencanauNyau ngan keilu'anNyau itula. Keilu'anNyautu dienjuakka ngan kitau karnau Yesus Keristus, antak ka deniauni dijadika.

IBRANI 3:1

Kantin-kantinku jemau Keristen, kamu pulau dipilia Allah. Rupuakkala nian ceritau Yesus. Diautu diajung Allah njadi Imam Besak di agamau diau kitau percayaui.

IBRANI 9:15

Karnau kerjau Keristustu Allah mbuat pejanjian diau empai, mangku jemau diau la dipilia Allah pacak nerimau setu diau la dijanjikaNyautu. Keristus la mati endak mbibaska jemau jak di salahau diau dibuat masau pejanjian diau dulu masia dipakai.

1 PITRUS 5:10

Udim kamu sengsarau jerang, mangku Allah ka ndandani kamu. Diau ka ngenjuakka pelapiak diau kuat ngan neguaka ati kamu, karnau Allahtu iluak. Diautu la milia kamu endak seghundak ngan Keristus, mangku kamu meghasauka keagunganNyau diau nidau ka udim-udim.

2 PITRUS 1:10

Karnau itu, kantin-kantinku, beusahala nian, supayau pilian Allah di kamu tamba tegua. Amun kamu ngerjauka titu, kamu nidau ka ngelipat.

2 PITRUS 1:3

Allah la makai kuasauNyau endak ngenjuakka ngan kitau gegalaunyau diau kitau enda'au, mangku pacak idup alim. Titu dikerjaukaNyau, karnau kitau keruan Keristus diau la milia kitau endak ngikut meghasauka keilu'an ngan keagunganNyau.

PENGINA'AN 17:14

Ughangtu ka beperang melawan Anak Bebiri. Anyautu Anak Bebiritu ka ngalaka ughangtu, karnau Diautu Tuan gegalau tuan ngan Rajau gegalau rajau. Gegalau anak-buaHau, diautu jemau diau setia ngan dipiliHautu, ka ngikut menang ngan Anak Bebiritu.”

PENGINA'AN 19:9

Mangku malaikat bekatau ngan aku, “Tuliskala, ‘Riangla jemau diau dijeghumi ke jamuan nika Anak Bebiritu.’ ” Kataunyau agi, “Katau itu katau benagh, katau jak di Allah.”