RASUL 17:30 - PEJANJIAN EMPAI CERITAU ILUAK

³⁰ Masau kitau nidau keruan nidau diingatka Allah agi. Mbak kini Allah ngajung gegalau jemau di deniau ngubai jak di peremba'au diau ja'attu.

RASUL 17:30 Iomraidhean Croise

MATIUS 20:7

Ughangtu nimbal, ‘Karnau nidau bediau jemau diau endak ngupa kami.’ ‘Amun luak itu,’ katau jemau tadi, ‘Pegila ke kebun anggurku.’

MATIUS 3:2

“Ubaila perembak ngan dusau kamu, karnau nidau lamau agi Allah ka merinta luak rajau.”

MATIUS 4:17

Jak masau itu Yesus mulai ngiciakka, “Ubaila jak di dusau-dusau kamu, karnau nidau lamau agi Allah ka merinta luak rajau.”

MARKUS 1:15

KatauNyau, “Masaunyau la sampai. Allah laka merinta. Ubaila perembak ngan dusau-dusau kamu, mangku percayaula ngan ceritau iluak jak di Allah.”

MARKUS 6:12

Mangku ughangtu pegi ngiciakka, bansau jemau mesti ngubai peremba'au jak di dusaunyau.

LUKAS 13:5

Nidau nian. Sekali agi Kukiciakka, amun kamu nidau ngubai jak di dusau kamu, kamu ka mati galau luak ughangtu.”

LUKAS 15:10

Keruanila, luak itu pulau malaikat-malaikat Allah keriangan, karnau sughang jemau bedusau betubat.”

LUKAS 24:47

Ngan pulau, ‘Atas namau Rajau Penyelamat itu arus dikiciakka ngan gegalau bangsau, bansau manusiau mesti ngubai jak di dusaunyau, mangku Allah endak ngabiska dusaunyau.’ Ceritau itu dikiciakka mulai jak di Yerusalim.

RASUL 11:18

La udim ndengagh kici'annyautu, ughangtu mandak bebala, mangku ngagungka Allah kataunyau, “Amun luak itu, jemau ukan Yahudi pulau dienjuakka Allah masau ngubai jak di dusaunyau mangku bulia idup.”

RASUL 14:16

Timpau dulu Allah ngenangka gegalau bangsau idup nurut kenda'au ajau.

RASUL 17:23

Aku la ngerayau ngidari kuta kapu dighi, mangku aku ngina'i bada sembayang kapu dighi. Aku nginak pulau sutiak bada bekerban. Di bada itu ditulis luak ini, ‘Batan endak Allah diau nidau kami keruani!’ Allah diau kapu dighi semba, anyautu nidau kapu dighi keruani, Diau itula kukiciakka ngan kapu dighi.

RASUL 20:21

Empuak jemau Yahudi empuak jemau Yunani aku maju ngingatka nian, supayau ughangtu ngubai peremba'au, datang ngan Allah ngan percayau ngan Tuhan kitau Yesus Keristus.

RASUL 3:19

Karnau itu ubaila perembak ngan dusau kapu dighi, datangla ngan Allah, mangku dusau kapu dighi diabiskaNyau.

RUM 1:28

Manusiau enggup ngeruani Allah, mangku Allah ngenangka rupu'an ughangtu njadi rusak, mangku ughangtu ngerjauka setu diau nidau pantas.

RUM 2:4

Apu kamu nganggap mura karnau Allah iluak, ngaligh ngan lambat ngukum? Cengki kamu keruan, bansau Allah iluak karnau Diau endak, supayau kamu ngubai jak di dusau-dusau kamu.

RUM 3:23

karnau gegalau jemau la bedusau ngan nidau bediau diau pacak meriangka ati Allah.

RUM 3:25

Yesus Keristus itula la ditetapka Allah batan endak mati, mangku manusiau pacak seilu'an ngan Allah, amun percayau. Allah ngerjauka titu endak nyatauka, bansau Diautu adil. Senitu Allah ngaligh ngan jemau bedusau, mangku lum diukum.

2 KURINTUS 7:10

Kemada'an diau jak di Allah ngasilka ati beghuba mangku selamat. Jemau nidau ka nyesali titu. Anyautu kemada'an jak di deniauni kemada'an diau mbenasauka.

1 PITRUS 4:3

Senitu kamu pulau maju ngerjauka setu diau dikerjauka jemau diau nidau keruan Allah. Kamu nuruti serilau diau nidau senangaian, memabu'an, bereruyalan, nyemba diwau ngan carau diau meghegingka.