RASUL 17:23 - PEJANJIAN EMPAI CERITAU ILUAK

²³ Aku la ngerayau ngidari kuta kapu dighi, mangku aku ngina'i bada sembayang kapu dighi. Aku nginak pulau sutiak bada bekerban. Di bada itu ditulis luak ini, ‘Batan endak Allah diau nidau kami keruani!’ Allah diau kapu dighi semba, anyautu nidau kapu dighi keruani, Diau itula kukiciakka ngan kapu dighi.

RASUL 17:23 Iomraidhean Croise

MATIUS 15:9

Melata ajau ughangtu nyemba Aku. Ajaghan diau ughangtu ajaghka katau manusiau ajau.’ ”

YUHANIS 17:25

Bak diau adil, deniau nidau keruan Dighi, anyautu Aku keruan Dighi ngan ughangtu keruan, bansau Dighitu ngajung Aku.

YUHANIS 17:3

Retiau idup empai selelamaunyau itula ngeruani Dighi, Allah diau sebenaghau diau gi sughang itula ngan ngeruani Yesus Keristus diau la Dighi ajung.

YUHANIS 4:22

Kamu jemau Samaria nyemba setu diau nidau keruan ngan kamu. Anyautu kami jemau Yahudi nyemba Allah diau keruan ngan kami, karnau keselamatan asalau jak di jemau Yahudi.

YUHANIS 8:54

Yesus nimbal, “Misalau Aku muji diriKu, dikit kiala nidau bediau gunaunyau. Diau muji Aku Bapak diau kapu dighi kiciakka Allah kapu dighi.

RASUL 17:30

Masau kitau nidau keruan nidau diingatka Allah agi. Mbak kini Allah ngajung gegalau jemau di deniau ngubai jak di peremba'au diau ja'attu.

RUM 1:28

Manusiau enggup ngeruani Allah, mangku Allah ngenangka rupu'an ughangtu njadi rusak, mangku ughangtu ngerjauka setu diau nidau pantas.

1 KURINTUS 1:21

Luak manau kila pintar manusiau, diau nidau ka pacak keruan Allah ngan kepintarannyautu. Anyautu karnau Allah bepengertian, Diau endak nyelamatka jemau diau percayau ngan Diau karnau ceritau iluak diau dianggap deniau kici'an bigal.

1 KURINTUS 8:5

Nyela, banyak pulau setu diau dikiciakka diwau ngan tuan, empuak di langit, empuak di deniau.

IPISUS 2:12

Masau itu kamu lum seghundak ngan Keristus, kamu jemau asing diau nidau temasuak umat Allah. Kamu nidau temasuak jemau diau bulia bagian diau dijanjika Allah ngan umatAu. Kamu idup di deniauni nidau bediau aghapan ngan nidau keruan Allah.

2 TESALUNIKA 2:4

Jemautu ka melawan ngan ninggika diriau lebia tinggi jak di gegalaunyau diau disemba manusiau ngan gegalaunyau diau dianggap manusiau allah. Lagi diau ka duduak di Ghuma Allah ngan ngiciakka diautu Allah.

1 TIMUTIUS 1:17

Allah itu Rajau gegalau saman diau nidau beghuba selelamaunyau ngan nidau kina'an. Diau sughang itula Allah ngan pantas diregaui ngan dipuji selelamaunyau. Nyela nian. Amin!

1 YUHANIS 5:20

Kitau keruan, bansau Anak Allah la datang ngan ngenjuakka pengertian ngan kitau, mangku kitau ngeruani Allah diau benagh. Kitau idup seghundak ngan Allah diau benagh ngan idup seghundak ngan Ana'Au Yesus Keristus. Diautu Allah diau benagh ngan ngenjuakka idup sejati selelamaunyau.