RASUL 16:23 - PEJANJIAN EMPAI CERITAU ILUAK

²³ Ughang duautu la dibaduki enggut jeghia, mangku dimasuakka dalam jil. Kepalak jil diajung njagaui nian ughang duautu.

RASUL 16:23 Iomraidhean Croise

MATIUS 26:48

Jemau diau njualka Yesus la ngiciakka tandau ini ngan ughangtu, “Jemau diau kucium itula jemaunyau. Tangkapla Diau.”

LUKAS 21:12

Antak ka gegalaunyautu tejadi, kamu ka ditangkap, disiksau, mangku kamu ka diadili di ghuma sembayang ngan dimasuakka ke jil. Kamu ka dibata'i ngadap rajau ngan penguasau-penguasau, karnau kamu percayau ngan Aku.

RASUL 12:18

Pagi di aghiautu tentera-tentera ganau ngan bingung nian, karnau setu diau la tejadi ngan Pitrus.

RASUL 12:4

La udim ditangkap, diau dimasuakka dalam jil, dijagaui empat rumbungan tentera dalam serumbungan empat ughang. Rencanaunyau la udim Paska diadili di mukau jemau banyak.

RASUL 16:27

Kepalak jil tadi tegagau ngan bangun. Diau nginak duaghau jil tebukak galau, mangku diau ncabut pedangau endak mbunua diriau, karnau disangkaunyau anak kawalan la belaghi galau.

RASUL 16:36

Kepalak jiltu ngiciakkanyau ngan Paulus, kataunyau, “Pengulu-pengulu kuta la ngajung kamu dilepaska. Mbak kini baliakla!”

RASUL 5:18

mangku rasul-rasul ditangkap, dimasuakka dalam jil.

RASUL 5:23

“Kami la sampai di jil,” katau ughangtu, “Kami temuni duaghau jiltu tekunci iluak. Gegalau penjagau adau di badahau di mukau duaghau, anyautu la udim dibukakkanyau, nidau bediau sughang kia diau kami kinak di dalamau.”

RASUL 8:3

Mangku Saulus maju beusaha endak ngacauka jemau percayau. Diau masu'i bilang ghuma, tinau lanang diau percayau ditaghi'au keluagh endak dijilka.

RASUL 9:2

mintak surat kuasau endak dibatak ke kepalak ghuma sembayang jemau Yahudi di Damsik, supayau amun diau betemu di situ jemau diau percayau ngan Tuhan Yesus, pacak diau tangkap ughangtu, tinau lanang, mangku dibata'inyau ke Yerusalim.

2 KURINTUS 11:23

Apu ughangtu bekerjau batan endak Keristus? Aku ngiciak luak jemau gilau, iluakla aku sangkan gegalau ughangtu. Nemanla aku bekerjau, rajinla aku dijilka. Banyakla aku disaraui ngan rajin sengkiap mati.

2 KURINTUS 6:5

Kami disaraui, dijilka, disamun. Kami bekerjau mati-matian, rajin nidau tiduak, nidau makan.

IPISUS 3:1

Itula sebapau akuni, Paulus, dijilka karnau Yesus Keristus batan endak kepentingan kamu diau ukan jemau Yahudi.

IPISUS 4:1

Itula sebapau, aku sughang kawalan diau dikawalka karnau bekerjau batan endak Tuhan. Mangku aku mintak nian, supayau kamu diau la dipilia Allah idup sesuai ngan piliantu.

2 TIMUTIUS 2:9

Ikak ngiciakka ceritau iluaktu aku sengsarau, lagi dirantai luak bandit. Anyautu katau Allah nidau pacak dirantai.

PILEMUN 1:9

Anyautu karnau kitau sangi sayangi, iluakla aku mintak ajau. Akuni la tuau, lagi pulau mbak kini dalam jil karnau Yesus Keristus.

PENGINA'AN 1:9

Aku Yuhanis, kantin kamu diau semegi nanggungau luak diau dighasauka bilang anak-bua Keristus. Kitauni maju ta'an sengsarau karnau njadi umatAu. Aku dicapakka ke pulau Patmus, karnau aku ngiciakka katau Allah ngan ngiciakka Yesus Keristus.

PENGINA'AN 2:10

Nidau nanti takut ngan setu diau mesti kaba tanggungka. Ingatkala separau jak di kamu ka dimasuakka iblis dalam jil endak nguji kamu. Kamu ka sengsarau selamau sepulua aghi. Kamu mesti tekun enggut mati, mangku Aku ka ngenjuakka ngan kamu idup selelamaunyau njadi adia menang ngan kamu.