RASUL 16:22 - PEJANJIAN EMPAI CERITAU ILUAK

²² Jemau banyak pulau ngikut melawan Paulus ngan Silas. Mangku pengulu-pengulu kutatu ngajung ncebaghka baju ngan mbaduki ughang duautu.

RASUL 16:22 Iomraidhean Croise

MATIUS 10:17

Sepepadaula ngan gegalau jemau. Kamu ka ditangkap, diadapka ngan pengadilan agamau. Kamu ka disaraui di ghuma sembayang.

MATIUS 27:26

Mangku diau ngajung Barabas dibibaska batan endak ughangtu ngan Yesus dibaduki mangku diseraka endak dipakuka di kayu salip.

LUKAS 12:11

Amun kamu dibatak ke adapan gubernur ngan penguasau endak diadili, jangan kamu ghegak, luak manau ngan tuapau kamu kiciakka endak mbenaghka diri kamu,

RASUL 16:37

Anyautu Paulus ngiciak ngan pelisi tadi, kataunyau, “Kamini jemau behak di nenggeri Rum. Ngan nidau diadili kami la dibaduki di mukau jemau banyak ngan dimasuakka dalam jil. Mbak kini ughangtu ngajung kami pegi, nidau keruan ngan jemau. Kami enggup luak itu! Ajungla pengulu-pengulu kuta ke sini melepaska kami.”

RASUL 17:5

Anyautu jemau Yahudi sengit. Ughangtu mantau jemau ja'at di jalan ngan mbuat rumbungan pengacau, mangku ughangtu ngacau di gegalau kuta itu ngan masu'i ghuma Yasun endak mbata'i Paulus ngan Silas ngadap jemau banyaktu.

RASUL 18:12

Mangku Galiu njadi gubernur di Akaya. Masau itu jemau Yahudi sepakat melawan Paulus, mangku dibata'inyau ngadap pengadilan.

RASUL 5:40

Rasul tadi dipantau, dibaduki ngan pemecit ngan ditegahi agi ngajaghka dalam namau Yesus. Udim itu dilepaskanyau.

2 KURINTUS 6:5

Kami disaraui, dijilka, disamun. Kami bekerjau mati-matian, rajin nidau tiduak, nidau makan.

1 TESALUNIKA 2:2

Kamu keruan, antak ka kami datang, kami la dibuati ngan digelakka jemau di Pilipi. Anyautu empuak banyak jemau melawan kami, Allah mbeghanika kami endak ngiciakka ngan kamu ceritau iluak diau asalau jak di Allah.

IBRANI 11:36

Adau pulau diau digelakka, dipeciti, dikebat ngan rantai ngan dimasuakka dalam jil.

1 PITRUS 2:24

Keristus itula diau nanggungka dusau kitau di kayu salip, supayau kitau bibas jak di kuasau dusau mangku idup nurut kendak Allah. Kamu la ghadu karnau lukau Keristustu.