RASUL 16:13 - PEJANJIAN EMPAI CERITAU ILUAK

¹³ Aghi Sabat kami pegi keluagh kuta ke tepi ayiak, karnau kami kirau adau bada sembayang jemau Yahudi di situ. Kami duduak, mangku ngiciak ngan tinau-tinau diau betunggal di situ.

RASUL 16:13 Iomraidhean Croise

MATIUS 13:2

Banyak nianan jemau datang bererumbungan njenguak Yesus, mangku Diau nayiak perawu ngan duduak di situ. Jemau banyak betegak di pulau.

MARKUS 16:15

Mangku Diau bekatau ngan ughangtu, “Pegila ke gegalau deniau, kiciakkala ceritau iluak ngan gegalau isi deniau.

LUKAS 13:10

Adau saghi aghi Sabat, Yesus ngajagh di ghuma sembayang.

YUHANIS 8:2

Pagi di aghiau akap nian Yesus pegi ke Ghuma Allah, banyak jemau datang njenguak Diau. Yesus duduak mangku mulai ngajagh.

RASUL 13:14

Jak di Perga ughangtu melajuka ke Antiukia daira Pisidia. Aghi Sabat ughangtu pegi ke ghuma sembayang mangku duduak.

RASUL 13:42

Satu Paulus ngan Barnabas ngeluagh jak di ghuma sembayang, ughang duautu dipintak ngiciakka ceritau itu agi aghi Sabat di mukau.

RASUL 16:16

Adau saghi kami dang pegi ke bada sembayang tadi, mangku kami betemu ngan sughang budak belian jemau tinau. Tinau itu dikuasaui rua sitan, mangku diau pacak meramalka. Ngan meramalka nasib jemau, tuan-tuanau bulia tanci banyak.

RASUL 16:6

Rua Allah nidau ngajung Paulus ngan Silas ngiciakka kici'an Allah di perupinsi Asia, mangku ughangtu melajuka pejalanannyau ke daira Perigia ngan Galatia.

RASUL 17:2

Luak biasaunyau Paulus masuak ke ghuma sembayang itu. Tigau aghi Sabat beturut-turut diau ngiciakka isi Injil ngan ughang di situ.

RASUL 18:4

Idang aghi Sabat Paulus pegi ke ghuma sembayang ngiciak ngan jemau Yahudi ngan jemau Yunani di situ, ngici'i ughangtu supayau percayau ngan Yesus.

RASUL 20:7

Malam minggu kami betunggal makan, makan jamuan Tuhan, mangku Paulus beketuba ngan jemau percayau di situ enggut tenga malam, karnau pagiau diau endak bejalan agi.

RASUL 21:5

Anyautu la abis masaunyau, kami pegi jak di situ melajuka pejalanan kami. Gegalau ughangtu ngan anak-biniau ngantat kami inggan luagh kuta. Di tepi pantai di situ kami nunduak galau ngan bedu'a.

RASUL 9:20

Diau pegi ke ghuma sembayang ngan ngiciakka, bansau Yesus itula Anak Allah.

GALATIA 3:28

Mangku nidau bediau bidahau, empuak jemau Yahudi empuak jemau ukan Yahudi, empuak budak empuak jemau bibas, empuak tinau empuak lanang. Gegalaunyau semegi karnau Yesus Keristus.

KULUSI 1:23

Karnau itu kamu mesti maju percayau ngan tegua, jangan sampai ninggalka aghapan diau dienjuakka ngan kamu, masau kamu ndengagh ceritau iluak. Ceritau itu la dikiciakka ngan gegalau deniau. Batan endak itula aku, Paulus, bekerjau.