RASUL 15:28 - PEJANJIAN EMPAI CERITAU ILUAK

²⁸ Rua Allah la netapka mangku kami pulau nyetujuinyau, supayau kapu dighi jangan telampau banyak nanggungka beban lain jak di diau penting ini:

RASUL 15:28 Iomraidhean Croise

MATIUS 11:30

Karnau selungku diau Kukenauka lemak ngan bata'an diau Kutanggungka ngan kamu ampung.”

MATIUS 23:4

Ughangtu nuntut setu diau segau ngan ngenjuakka peraturan diau segau, anyautu dikit kia ughangtu nidau nulung jemau ngerjaukanyau.

YUHANIS 16:13

Amun Rua Allah itu datang, Diau nyatauka Allah itu benagh. Kamu ka dibimbingAu ngeruani gegalaunyau diau benagh. Diau nidau ka ngiciak jak di diriAu, anyautu Diau ka ngiciakka setu diau didengaghAu, mangku Diau ka ngiciakka ngan kamu setu diau ka tejadi nanti.

RASUL 15:19

Jadi,” katau Yakubus, “Pendapatku, jangan kitau nyusaka jemau jak di bangsau lain diau la percayau ngan Allah.

RASUL 15:25

Itula sebapau kami la buijau, mangku gegalaunyau tetuju galau endak milia bebeghapau ughang ngajung ughangtu pegi njenguak kapu dighi serempak ngan kantin kitau Paulus ngan Barnabas diau kami sayangi.

RASUL 15:8

Allah keruan ati manusiau. Diau nunjuakka, mbak bansau Diau nerimau ughangtu ngan ngenjuakka ngan ughangtu Rua Allah, luak dienjuakkaNyau ngan kitau pulau.

RASUL 16:4

Di bilang kuta diau didatangi Paulus ngan Silas, dikiciakkanyau setu diau la ditetapka rasul-rasul ngan pengulu-pengulu di Yerusalim ngan ngajung ughangtu na'atinyau.

RASUL 5:32

Kamini la ngeruani ngan ngiciakka gegalau ceritau itu, kami ngan Rua Allah diau dienjuakka Allah ngan gegalau jemau diau na'ati Diau.”

1 KURINTUS 14:37

Amun adau jemau meghasau pacak ngiciakka katau Allah ngan adau kuasau jak di Rua Allah, jemau itu mesti keruan, bansau setu diau kukiciakkatu perinta Tuhan.

1 KURINTUS 7:25

Mbak kini ceritau jemau diau lum nika. Ceritau ughangtu nidau bediau perinta Tuhan. Anyautu karnau pengertian jak di Tuhan ngan aku, aku endak ngiciakka pendapatku diau pacak dipercayaui.

1 KURINTUS 7:40

Anyautu amun pendapatku, riangla tinau itu nidau nika agi. Mangku aku kirau setu diau kukiciakkatu kukiciakka ngan kuasau Rua Allah.

1 TESALUNIKA 4:8

Karnau itu, jemau diau enggup nerimau ajaghan ini, ukanau enggup nerimau manusiau, tapitu enggup nerimau Allah diau ngenjuakka RuaHau diau beresia ngan kamu.

1 PITRUS 1:12

Ngan nabi-nabi itu la dikiciakka, bansau setu diau ughangtu kerjauka ukan batan endak kepentingan ughangtula, tapitu batan endak kamu. Setu diau kamu dengagh mbak kini jak di jemau diau ngiciakka ceritau iluak nceritauka Yesus Keristus. Ughangtu ngiciakka itu ngan kamu ngan kuasau Rua Allah diau dienjuakka jak di sergau. Malaikat-malaikat pulau endak ngeruani ceritau diau dikiciakka ughangtu.

PENGINA'AN 2:24

Anyautu kamu diau lain diau adau di Tiatira nidau ngikut ajaghan itu ngan nidau melajaghi ajaghan diau dikiciakka Ilmu Iblis. Ngan kamutu Aku bekatau, Aku nidau endak nambai beban kamu.