RASUL 15:25 - PEJANJIAN EMPAI CERITAU ILUAK

²⁵ Itula sebapau kami la buijau, mangku gegalaunyau tetuju galau endak milia bebeghapau ughang ngajung ughangtu pegi njenguak kapu dighi serempak ngan kantin kitau Paulus ngan Barnabas diau kami sayangi.

RASUL 15:25 Iomraidhean Croise

MATIUS 11:26

Itula diau melemakka ati Dighi.

LUKAS 1:3

La udim diperisau galau neghagi nian jak di penembaiau, pendapatku iluak, amun aku pulau endak nuliska ceritau itu batan endak dighi.

RASUL 1:14

Gegalau rumbungan itu maju seghundak ngan rajin bedu'a. Ughangtu bedu'a ngan tinau-tinau, ngan pulau Maria, mak Yesus, ngan ading-beghading Yesus.

RASUL 15:2

Paulus ngan Barnabas melawan nian ngan bebala, mbalahi pendapat ughangtu. Udim-udimau ditetapka, supayau Paulus ngan Barnabas ngan jemau lain jak di Antiukia pegi ke Yerusalim endak ngiciakka sual itu ngan rasul-rasul ngan pengulu-pengulu di situ.

RASUL 15:22

Mangku rasul-rasul ngan pengulu-pengulu jemau Keristen ngan gegalau jemau percayau mutuska endak milia bebeghapau ughang jak di ughangtu diau ka diajung ke Antiukia serempak ngan Paulus ngan Barnabas. Mangku ughangtu milia Silas ngan Yudas diau pulau dikiciakka Barsabas. Ughang duautu diregaui nian di guak jemau percayau di Yerusalim.

RASUL 15:35

Paulus ngan Barnabas pulau lamau mendam di Antiukia. Di situ ughang duautu ngajagh ngan ngiciakka katau Tuhan ngan banyak jemau lain pulau.

RASUL 15:6

Mangku rasul-rasul ngan pengulu-pengulu betunggal endak ngiciakka sual itu.

RASUL 2:1

Aghi Pentakusta la sampai, mangku gegalau jemau diau percayau ngan Yesus betunggal sebada.

RASUL 2:46

Idang aghi ughangtu maju seghundak di Ghuma Allah. Ughangtu makan, makan jamuan Tuhan jak di ghuma ke ghuma ngan riang ngan tulus ati.

RUM 16:12

Pesanku ngan Teripina ngan Teripusa diau mbanting tulang bekerjau batan endak Tuhan. Pesanku ngan Persis diau kusayangi diau pulau mbanting tulang nian bekerjau batan endak Tuhan.

1 KURINTUS 1:10

Dalam namau Tuhan kitau Yesus Keristus aku mintak nian, supayau kamu suijauan ngan jangan adau diau bebala, anyautu kamu mesti semegi pendapat.

GALATIA 2:9

Yakubus, Pitrus ngan Yuhanis diau njadi pengulu jemau Keristen ngaku'i, bansau aku la ditugaska luak itu. Mangku ughangtu bejabat tangan ngan aku ngan Barnabas njadi tandau tetuju, bansau kami pegi endak bekerjau di guak jemau ukan Yahudi, ngan ughangtu pegi bekerjau di guak jemau Yahudi.

IPISUS 6:21

Tikikus, kantin kitau diau ngelapan bekerjau batan endak Tuhan, ka ngiciakka ceritau aku ngan kamu, mangku kamu keruan luak manau ngan aku.

KULUSI 4:7

Tikikus, kantin kitau diau disayangi, ka ngiciakka ngan kamu gegalau ceritau aku. Diautu ngelapan ngan sesamau bekerjau ngan kami batan endak Tuhan.

KULUSI 4:9

Unisimus ka pegi serempak ngan diau. Diautu sughang jak di kamu diau pacak dipercayaui, kami nyayangi diau. Ughang duautu ka ngiciakka ngan kamu gegalaunyau diau la tejadi di guak kami.

PILEMUN 1:16

Mbak kini diau ukan cuman budak batan endak kaba. Diau lebia jak di itu. Diau sesamau jemau Keristen diau disayangi. Diau begunau nian batan endak aku, apau agi batan endak kaba! Cengki diau begunau nian, empuak luak budak empuak luak jemau percayau ngan Tuhan.

2 PITRUS 3:15

Tuhan kitau ngaligh. Anggapla masau ini diau dienjuakka ngan kitau, supayau pacak selamat. Paulus, kantin kitau diau disayangi, la nulis pulau luak itu ngan kamu. Diau nulis titu nurut pengertian diau dienjuakka Allah ngan diau.