RASUL 15:22 - PEJANJIAN EMPAI CERITAU ILUAK

²² Mangku rasul-rasul ngan pengulu-pengulu jemau Keristen ngan gegalau jemau percayau mutuska endak milia bebeghapau ughang jak di ughangtu diau ka diajung ke Antiukia serempak ngan Paulus ngan Barnabas. Mangku ughangtu milia Silas ngan Yudas diau pulau dikiciakka Barsabas. Ughang duautu diregaui nian di guak jemau percayau di Yerusalim.

RASUL 15:22 Iomraidhean Croise

RASUL 1:23

Mangku jemau diau adau di situ milia duau ughang, diautu Matius ngan Yusup diau dinamauka pulau Barsabas ngan pulau dipantau Yustus.

RASUL 11:19

La udim Setipanus mati dibunua, jemau diau percayau ngan Yesus mulai meghasauka sengsarau, mangku ughangtu teceghai-beghai ke manau-manau. Adau diau belaghi sampai ke Penisia, adau diau sampai ke Siprus ngan Antiukia. Ughangtu ngiciakka ceritau iluak jak di Allah cuman ngan jemau Yahudi ajau.

RASUL 11:20

Anyautu jak di ughangtu adau pulau jemau Siprus ngan jemau Kirini diau pegi sampai ke Antiukia ngiciakka ceritau iluak ngan jemau diau ukan jemau Yahudi, bangsau Yesus itula Tuhan.

RASUL 11:22

Ceritau jemau Antiukia itu pulau sampai di Yerusalim, didengagh jemau percayau di situ, mangku Barnabas diajung pegi ke Antiukia.

RASUL 11:27

Masau itula adau bebeghapau nabi diau datang jak di Yerusalim pegi ke Antiukia.

RASUL 15:23

Ngan ughang duautu diseraka surat muniau luak ini, “Batan endak gegalau jemau percayau diau asalau jak di bangsau lain diau adau di Antiukia ngan Siria ngan Kilikia. Salam jak di rasul-rasul ngan pengulu-pengulu, kantin-kantin kamu.

RASUL 15:25

Itula sebapau kami la buijau, mangku gegalaunyau tetuju galau endak milia bebeghapau ughang ngajung ughangtu pegi njenguak kapu dighi serempak ngan kantin kitau Paulus ngan Barnabas diau kami sayangi.

RASUL 15:27

Mangku kami la ngajung Yudas ngan Silas njenguak kapu dighi. Ughang duautu ka ngiciakka pulau ngan kapu dighi setu diau ditulis dalam surat ini.

RASUL 15:3

Jemau Keristen di Antiukia ngantat ughangtu sampai keluagh kuta, mangku ughangtu pegi wuan Penisia ngan Samaria. Di situ ughangtu nceritauka, mbak bansau jemau bangsau lain diau nidau keruan Allah la percayau ngan Allah. Ceritau itu meriangka nian jemau percayau di situ.

RASUL 15:30

La udim pamit, Yudas ngan Silas bejalan ke Antiukia. Di situ ughangtu mantau jemau diau percayau ngajung ughangtu betunggal, mangku surat itu dienjuakka ngan ughangtu.

RASUL 15:32

Yudas ngan Silas diau pulau nabi lamau bekiciak ngan jemau percayau, melemakka ngan neguaka ati ughangtu.

RASUL 15:40

Paulus milia Silas. Ughang duautu didu'aka jemau percayau ngan diseraka ngan keilu'an Tuhan,

RASUL 16:19

Satu tuan-tuan tinau tadi nginak, bansau aghapan ka bulia tanci nidau bediau agi, ughangtu nangkap Paulus ngan Silas, ditaghiak ke tengalaman pengadilan endak diadapka ngan penguasau kuta.

RASUL 16:25

Kekirau tenga malam Paulus ngan Silas bedu'a ngan benyanyi ngagungka Tuhan. Jemau lain diau di jil pulau ndengaghi ughang duautu benyanyi.

RASUL 16:29

Kepalak jiltu ngajung mbatak lampu, mangku belaghi ke dalam. Ngan gemetagh diau nunduak di adapan Paulus ngan Silas.

RASUL 17:10

Malam itu pulau jemau percayau di situ ngajung Paulus ngan Silas pegi ke Beria. La sampai di situ ughang duautu pegi ke ghuma sembayang jemau Yahudi.

RASUL 17:14

Jemau diau percayau di situ cecepat ngantat Paulus ke pantai. Silas ngan Timutius masia mendam di Beria.

RASUL 17:4

Adau jemau diau percayau mangku ngikut Paulus ngan Silas. Banyak jemau Yunani diau takut ngan Allah ngan banyak jugau tinau diau diregaui diau percayau.

RASUL 18:5

Silas ngan Timutius la sampai jak di Makedunia, kerjau Paulus cuman ngiciakka ceritau jak di Allah ngan jemau Yahudi, mbak bansau Yesus itula Mesias, Rajau Penyelamat itu.

RASUL 8:14

Rasul-rasul di Yerusalim ndengagh, mbak bansau jemau Samaria nerimau katau Allah, mangku diajungau Pitrus ngan Yuhanis ke situ.

2 KURINTUS 1:19

Karnau Yesus Keristus, Anak Allah, diau dikiciakka aku, Silas ngan Timutius ngan kamu ukan “au” ngan “nidau”. Di Diau cuman adau “au”.

1 TESALUNIKA 1:1

Jak di Paulus, Siluanus ngan Timutius batan endak jemau Keristen di Tesalunika diau njadi umat Allah Bapak ngan Tuhan Yesus Keristus. Aku bedu'a, supayau Tuhan iluak ngan kamu ngan ngenjuakka damai.

2 TESALUNIKA 1:1

Jak di Paulus, Siluanus ngan Timutius batan endak jemau Keristen di Tesalunika diau njadi umat Allah Bapak ngan Tuhan Yesus Keristus.

1 PITRUS 5:12

Silas, kantinku diau pacak dipercayaui nulung aku nulis surat diau dikit ini. Aku endak neguaka ngan yakinka kamu, bansau gegalaunyau ini ngenian ceritau keilu'an Allah. Bepautla nian ngan pesan ini.