RASUL 13:47 - PEJANJIAN EMPAI CERITAU ILUAK

⁴⁷ Inila diau diperintaka Allah ngan kami, ‘Aku la netapka kaba njadi terang batan endak bangsau lain diau nidau keruan Allah, mangku karnau kaba gegalau deniau pacak diselamatka.’ ”

RASUL 13:47 Iomraidhean Croise

MATIUS 28:19

Karnau itu, pegila ke gegalau bangsau di deniau, jadikala ughangtu anak-buaKu, baptiskala ughangtu ngan namau Bapak, Anak ngan Rua Allah,

MARKUS 16:15

Mangku Diau bekatau ngan ughangtu, “Pegila ke gegalau deniau, kiciakkala ceritau iluak ngan gegalau isi deniau.

LUKAS 2:32

Diautu terang diau nerangi bangsau lain diau nidau keruan Allah. Jemau Israil ka dipuji karnau Diau.”

LUKAS 24:47

Ngan pulau, ‘Atas namau Rajau Penyelamat itu arus dikiciakka ngan gegalau bangsau, bansau manusiau mesti ngubai jak di dusaunyau, mangku Allah endak ngabiska dusaunyau.’ Ceritau itu dikiciakka mulai jak di Yerusalim.

RASUL 1:8

Kamuni ka nerimau kuasau, amun Rua Allah nguasaui kamu, mangku kamu ka nceritauka ngan jemau gegalaunyau diau kamu keruani ceritau Aku. Kebarka ngan kamu di Yerusalim, di gegalau Yudia ngan Samaria enggut sampai ke ujung deniau.”

RASUL 22:21

Anyautu Tuhan bekatau agi, ‘Pegila, Aku ka ngajung kaba ke bada diau jawua jak di sini njenguak jemau bangsau lain.’ ”

RASUL 26:23

Ughangtu ngiciakka, mbak bansau Rajau Penyelamat diau dijanjika Allahtu mesti sengsarau, mangku Diau dulu sekali ka ngulang idup jak di mati. Mangku Diau ka ngenjuakka pengertian ngan jemau Yahudi ngan jemau lain pulau luak manau ka selamat.”

RASUL 9:15

Katau Tuhan, “Pegila ajau, karnau Aku la milia diau bekerjau batan endak Aku, ngiciakka Aku ngan bangsau-bangsau ngan rajaunyau ngan jemau Israil pulau.