RASUL 13:45 - PEJANJIAN EMPAI CERITAU ILUAK

⁴⁵ Anyautu, satu nginak jemau banyak itu, jemau Yahudi sengit nianan, mangku nggelakka Paulus ngan melawan kici'an Paulustu.

RASUL 13:45 Iomraidhean Croise

MATIUS 23:13

“Celakaula kapu dighi, ai guru-guru ukum Taurat ngan jemau Parisi, kapu dighi jemau cak alim. Kapu dighi ngalangi jemau njadi umat Allah. Kapu dighitu nidau ka njadi umat Allah, mangku jemau lain diau endak nidau kapu dighi ajung.

MATIUS 27:18

Pilatus ngiciak luak itu, karnau diau keruan, bansau pengulu jemau Yahudi nyeraka Yesus ngan diau, karnau ughangtu sengit.

RASUL 13:50

Anyautu pengulu-pengulu kuta itu ngan tinau-tinau diau diregaui ngan takut ngan Allah diasung jemau Yahudi, supayau ughangtu nganiayau Paulus ngan Barnabas, mangku ughang duautu dilaratka jak di daira itu.

RASUL 14:19

Adau jemau Yahudi datang jak di Antiukia ngan Ikunium. Ughangtu muji jemau Listera, mangku jemau banyak mihak ngan ughangtu. Ughangtu nyipati Paulus ngan batu, mangku naghiak diau keluagh kuta, karnau disangkau ughang diau la mati.

RASUL 14:2

Anyautu jemau Yahudi diau enggup percayau ngasung jemau bangsau lain, mangku ughangtu mara lagi luat ngan jemau percayautu.

RASUL 14:4

Mangku jemau kuta itu nidau semegi pendapat. Adau diau mihak ngan jemau Yahudi, adau diau mihak ngan rasul tadi.

RASUL 14:5

Mangku jemau Yahudi ngan jemau bangsau lain diau nidau keruan Allah ngan penguluau sepakat endak mbunua rasultu ngan nyipati ughang duautu ngan batu.

RASUL 17:5

Anyautu jemau Yahudi sengit. Ughangtu mantau jemau ja'at di jalan ngan mbuat rumbungan pengacau, mangku ughangtu ngacau di gegalau kuta itu ngan masu'i ghuma Yasun endak mbata'i Paulus ngan Silas ngadap jemau banyaktu.

RASUL 18:6

Anyautu ughangtu melawan ngan nggelakkanyau, mangku Paulus ngepaska debu jak di bajuau, tandau batan endak ngingatka sala ughangtu ngan bekatau, “Amun kapu dighi celakau, itu sala kapu dighi itula. Aku belepas tangan. Mulai mbak kini aku ka pegi ke bangsau lain.”

RASUL 19:9

Anyautu adau bebeghapau jemau diau enggup ndengagh kici'annyautu ngan enggup percayau, lagi di mukau jemau banyak ughangtu nggelakka kici'annyau ceritau jalan Tuhan. Itula sebapau Paulus ninggalka ughangtu, mangku pegi ke sekul Tiranus serempak ngan jemau diau percayau ngan Yesus. Idang aghi diau peragau ngan jemau di situ.

RASUL 5:17

Mangku Imam Besak ngan anak-buahau diau jak di rumbungan jemau Saduki sengit nian,

RUM 1:29

Ati ughangtu penua ngan gegalaunyau diau nidau benagh, diau ja'at, selak, busuak, sengit, endak mbunua, belagau, nipu, ndendam,

1 KURINTUS 3:3

karnau kamu gi idup nurut serilau manusiau. Amun kamu gi sengit ngan belagau sughang ngan diau lain, apu titu ukan mbuktika, bansau kamu masia dikuasaui serilau manusiau, gi idup luak jemau deniauni?

2 KURINTUS 11:26

Amun aku bejalan, aku rajin ngadapi bayau, bayau ayiak merampus, bayau perampuk, bayau jak di jemau Yahudi, bayau jak di jemau ukan Yahudi, bayau di kuta, bayau di padang, bayau di laut ngan bayau jak di jemau diau ngiciakka diriau jemau Keristen awuak ukan.

GALATIA 5:21

luat, memabu'an, bereruyalan ngan kerjau lain luak itu. Aku ngingatka kamu, luak aku la ngingatka kamu senitu, bansau jemau diau ngerjauka setu luak itu nidau ka nerimau setu diau disediauka Allah, masau Diau bekuasau.

1 TESALUNIKA 2:16

Lagi ughangtu endak ngalang-ngalangi kami ngiciakka ngan jemau ukan Yahudi ceritau diau pacak nyelamatka ughangtu. Ngan carau luak itu jemau Yahuditu maju namba dusaunyau enggut genap mecamau. Mangku mbak kini ughangtu ditimpau mara Allah.

2 TIMUTIUS 3:11

Kaba la nginak aku dianiayau ngan nanggung. Kaba keruan gegalaunyau diau tejadi di aku di Antiukia ngan Ikunium ngan Listera. Kaba keruan gegalaunyau diau kutanggungka. Anyautu jak di gegalaunyautu Tuhan la ngilakka aku.

YAKUBUS 4:5

Jangan kamu sangkau, setu diau ditulis di Injil ca'au ajau, “Rua diau dienjuakka Allah ngan kitau dikenda'iNyau ngan sengit!”

1 PITRUS 4:4

Mbak kini jemau diau nidau keruan Allah kemangan ngan kamu, karnau kamu nidau agi ngikut carau ughangtu idup luak anjing, mangku kamu digelakka.

YUDAS 1:10

Anyautu ughangtu nggelakka gegalaunyau diau nidau ughangtu keruani. Ughangtu semegi ngan benatang diau nidau berupu'an diau ngikut serilaunyau ajau. Ikak itula ughangtu benasau.