RASUL 13:29 - PEJANJIAN EMPAI CERITAU ILUAK

²⁹ La udim dikerjauka gegalaunyau diau la ditulis ceritau Diau, Diautu ditughunka jak di kayu salip, mangku dimasuakka dalam kuburan.

RASUL 13:29 Iomraidhean Croise

MARKUS 15:42

Penarau itu aghi laka malam. Aghi itu aghi bedandan batan endak aghi Sabat.

LUKAS 23:50

Adau sughang diau benamau Yusup, asalau jak di Arimatia di daira Yudia. Diautu jemau iluak ngan diregaui jemau. Diau pulau nantika masaunyau Allah mulai merinta njadi rajau. Empuak diau temasuak rumbungan pengadilan agamau, diau nidau tetuju ngan rencanau ngan keputusan pengadilan itu.

LUKAS 23:53

Mangku diau nughunka mayat Yesustu jak di kayu salip, dibalutau ngan kain putia. Udim itu ditepiakkanyau dalam kuburan diau dibuat dalam bukit batu. Kuburan itu lum kekela dipakai.

LUKAS 24:44

Udim itu Yesus bekatau ngan ughangtu, “Inila kici'anKu diau la Kukiciakka ngan kamu, timpau Aku gi seghundak ngan kamu, bansau gegalaunyau diau tetulis dalam kitab Taurat, kitab Nabi ngan kitab Masmur mesti tejadi.”

YUHANIS 19:28

Yesus keruan, mbak kini gegalaunyau la udim, mangku supayau ditepati setu diau ditulis di Injil Diau bekatau, “Aku aus!”

YUHANIS 19:30

La udim Yesus ngisap ayiak anggur itu, Diau bekatau, “La udim!” Mangku Diau ngelintuakka pala'Au ngan nyeraka nyawauNyau.

RASUL 13:27

Jemau Yerusalim ngan penguluau nidau ngaku'i Yesus. Ughangtu ngukum Yesus ngan ukuman mati, mangku kici'an nabi-nabi diau dibacauka idang aghi Sabat ditepati.

RASUL 2:23

Nurut rencanauNyau Allah la nyeraka Diau, la kapu dighi bunua ngan ngajung jemau ja'at makuka Diau di kayu salip.

RASUL 26:22

Anyautu enggut mbak kini aku dijagaui Allah, mangku aku pacak betegak di sini ngiciak ngan gegalau jemau, empuak besak empuak keciak. Setu diau kukiciakka itu semegi ngan setu diau la dikiciakka nabi-nabi ngan Musa.

RASUL 4:28

Ughangtu betunggal endak ngerjauka gegalaunyau diau la Dighi tetapka jak di senitu, karnau kuasau ngan kendak Dighi.

RASUL 5:30

Yesus itu diau kamu bunua ngan pakuka di kayu salip la diidupka Allah diau niniak puyang kitau semba.

1 KURINTUS 15:4

bansau Diau dikuburka, mangku la duau malam diidupka agi. Itu pulau ditulis dalam Injil.