RASUL 13:10 - PEJANJIAN EMPAI CERITAU ILUAK

¹⁰ kataunyau, “Ui, kabani anak iblis. Kaba penipu ngan penja'at. Kaba musui gegalaunyau diau benagh. Kaba nidau mandak merusakka rencanau Allah diau endak nyelamatka manusiau.

RASUL 13:10 Iomraidhean Croise

MATIUS 13:38

Umau itu deniauni. Benia diau iluak itu jemau diau njadi umat Allah. Lalang itu jemau diau ngikut carau Iblis.

MATIUS 15:19

Karnau jak di ati nimbul gegalau rupu'an ja'at, diau mbuat jemau mbunua, menaugawia ngan kerjau ja'at diau lain, maling, ngiciakka setu mbu'ung ngan nggelakka jemau.

MATIUS 23:13

“Celakaula kapu dighi, ai guru-guru ukum Taurat ngan jemau Parisi, kapu dighi jemau cak alim. Kapu dighi ngalangi jemau njadi umat Allah. Kapu dighitu nidau ka njadi umat Allah, mangku jemau lain diau endak nidau kapu dighi ajung.

MATIUS 3:7

Banyak pulau jemau Parisi ngan jemau Saduki datang endak dibaptis. Anyautu satu nginak ughangtu datang, Yuhanis bekatau, “Ui, kamutu jemau ja'at luak ulagh. Sapau diau ngiciakka, bansau kamu pacak lepas jak di ukuman Allah diau ka datangtu?

LUKAS 11:39

Karnau itu Yesus ngiciak ngan diau, katauNyau, “Nyela, kapu dighi jemau Parisi biasaunyau mbasua mangkuak ngan piring di luagh ajau, anyautu dalam ati kapu dighi penua kesela'an ngan keja'atan.

LUKAS 11:52

Celakaula kapu dighi, guru-guru ukum Taurat, karnau kapu dighi la ngambiak kunci batan duaghau ngeruani Injil. Anyautu kapu dighi sendighi nidau masuak ke dalam ngeruaninyau, lagi pulau kapu dighi ngalangi jemau lain diau endak masuak ngeruaninyau.”

YUHANIS 1:23

Mangku Yuhanis nimbal, kataunyau, “Akunila diau dikiciakka nabi Yesaya, ‘Suarau jemau di padang bungin diau ngiciak ngan suarau bias: Lughuskala jalan batan endak Tuhan!’ ”

YUHANIS 8:44

Bak kapu dighi Iblis, mangku kapu dighi endak nuruti kendak bak kapu dighi. Iblistu pembunua manusiau jak di senitu. Diau nidau kekela idup benagh, karnau nidau bediau setu diau benagh di diau. Amun diau mbu'ung, itu biasau, karnau luak itula caraunyau, karnau diau pembu'ung ngan bak gegalau pembu'ung.

RASUL 20:30

Lagi jak di kapu dighini pulau ka adau jemau diau ka ngiciakka ceritau diau nidau benagh. Ughangtu ngerjauka titu, mangku jemau diau la percayau ngan Yesus ka sesat ngan ngikut ughangtu.

2 KURINTUS 11:3

Anyautu aku ghegak rupu'an kamu disesatka, nidau agi ta'at ngan Keristus, luak Hawa senitu pulau disesatka kecalakan ulagh.

GALATIA 1:7

Sebenaghau nidau bediau injil lain. Anyautu adau jemau diau ngacauka kamu, endak ngubai ceritau iluak jak di Keristus.

IPISUS 4:14

Mangku kitau ukan agi luak budak keciak diau diumbang-ambingka ngan dibatak ke situ ke sini karnau bemecam-mecam ajaghan jak di jemau diau cak calak. Ughangtu nyesatka jemau ngan tipuan.

2 PITRUS 2:15

Ughangtu enggup ngikut jalan diau benagh, mangku ughangtu sesat. Ughangtu milia jalan diau diturut Biliam ngan Biur senitu diau galak nerimau upa jak di kerjau diau ja'at.

1 YUHANIS 3:8

Jemau diau maju bedusau asalau jak di Iblis, karnau Iblis bedusau jak di penembai. Batan inila Anak Allah datang, endak ngancurka kerjau Iblis itu.