RASUL 11:19 - PEJANJIAN EMPAI CERITAU ILUAK

¹⁹ La udim Setipanus mati dibunua, jemau diau percayau ngan Yesus mulai meghasauka sengsarau, mangku ughangtu teceghai-beghai ke manau-manau. Adau diau belaghi sampai ke Penisia, adau diau sampai ke Siprus ngan Antiukia. Ughangtu ngiciakka ceritau iluak jak di Allah cuman ngan jemau Yahudi ajau.

RASUL 11:19 Iomraidhean Croise

MATIUS 10:6

tapitu pegila njenguak jemau Israil, jemau diau sesat.

YUHANIS 7:35

Mangku tuau-tuau jemau Yahudi sangi tanyaui, kataunyau, “Jemau ini endak pegi ke manau, mangku kitau nidau pacak betemu ngan Diau? Apu Diau endak pegi njenguak jemau diau merantau bada jemau Yunani endak ngajagh jemau Yunani?

RASUL 11:20

Anyautu jak di ughangtu adau pulau jemau Siprus ngan jemau Kirini diau pegi sampai ke Antiukia ngiciakka ceritau iluak ngan jemau diau ukan jemau Yahudi, bangsau Yesus itula Tuhan.

RASUL 11:22

Ceritau jemau Antiukia itu pulau sampai di Yerusalim, didengagh jemau percayau di situ, mangku Barnabas diajung pegi ke Antiukia.

RASUL 13:1

Di jemau Keristen di Antiukia adau bebeghapau nabi ngan guru agamau. Namaunyau Barnabas, Simiun diau pulau dikiciakka Nigir, Lukius, jemau Kirini, ngan Menahim diau diajagh serempak ngan gubernur Herudis, ngan Saulus.

RASUL 13:4

Barnabas ngan Saulus pegi ke Selukia, karnau diajung Rua Allah, mangku jak di situ ughangtu belayar ke pulau Siprus.

RASUL 13:46

Ngan beghani Paulus ngan Barnabas ngiciak terang-terangan, kataunyau, “Katau Allah mesti dikiciakka ngan kapu dighi kudai. Anyautu kapu dighi nidau nerimaunyau, mangku kapu dighi nidau dianggap pantas bulia idup selelamaunyau. Mangku kami pegi ke bangsau lain.

RASUL 14:26

Jak di situ ughang duautu belayar agi ke Antiukia. Kuta itu bada ughang duautu senitu diseraka ngan Allah, supayau ughangtu ngerjauka kerjau diau mbak kini la diudimi.

RASUL 15:22

Mangku rasul-rasul ngan pengulu-pengulu jemau Keristen ngan gegalau jemau percayau mutuska endak milia bebeghapau ughang jak di ughangtu diau ka diajung ke Antiukia serempak ngan Paulus ngan Barnabas. Mangku ughangtu milia Silas ngan Yudas diau pulau dikiciakka Barsabas. Ughang duautu diregaui nian di guak jemau percayau di Yerusalim.

RASUL 15:3

Jemau Keristen di Antiukia ngantat ughangtu sampai keluagh kuta, mangku ughangtu pegi wuan Penisia ngan Samaria. Di situ ughangtu nceritauka, mbak bansau jemau bangsau lain diau nidau keruan Allah la percayau ngan Allah. Ceritau itu meriangka nian jemau percayau di situ.

RASUL 15:30

La udim pamit, Yudas ngan Silas bejalan ke Antiukia. Di situ ughangtu mantau jemau diau percayau ngajung ughangtu betunggal, mangku surat itu dienjuakka ngan ughangtu.

RASUL 15:35

Paulus ngan Barnabas pulau lamau mendam di Antiukia. Di situ ughang duautu ngajagh ngan ngiciakka katau Tuhan ngan banyak jemau lain pulau.

RASUL 15:39

Paulus ngan Barnabas bebala nian, mangku ughang duautu beceghai. Barnabas mbata'i Markus, mangku belayar ke Siprus.

RASUL 18:22

Diau ndaghat di Kaisaria, mangku pegi endak betemu ngan jemau Keristen. La udim itu diau pegi ke Antiukia.

RASUL 21:16

Adau bebeghapau jemau percayau jak di situ pegi pulau serempak ngan kami. Ughangtu ngantat kami ke ghuma Manasun. Diautu jemau Siprus ngan la lamau jugau percayau. Kami ka numpang di ghumahau.

RASUL 21:2

Di Patara kami dapat kapal diau endak ke Pinisia. Kami nayiak kapal itu mangku belayar.

RASUL 3:26

Itula sebapau Allah netapka Buda'Au mangku ngajung Diau datang dulu guak kapu dighi, mangku Diau iluak ngan kapu dighi ngajung kapu dighi ngubai jak di perembak diau ja'at.”

RASUL 4:36

Luak itula pulau Yusup. Diau pulau njualka tanahau, mangku tanciau dibata'au, diserakanyau ngan rasul. Yusuptu pengadau Liwi, asalau jak di Siprus. Diau pulau diadaki Barnabas, retiau jemau diau meriangka.

RASUL 6:5

Pendapat itu diterimau gegalau ughangtu. Mangku ughangtu milia Setipanus diau percayau nian ngan dikuasaui Rua Allah, ngan Pilipus, Perukurus, Nikanur, Timun, Parmenas ngan Nikulaus, jemau Antiukia diau masuak agamau Yahudi.

GALATIA 2:11

Masau Pitrus berayak ke Antiukia, aku negughi diau ngan terang-terangan, karnau diau sala nian.