RASUL 11:18 - PEJANJIAN EMPAI CERITAU ILUAK

¹⁸ La udim ndengagh kici'annyautu, ughangtu mandak bebala, mangku ngagungka Allah kataunyau, “Amun luak itu, jemau ukan Yahudi pulau dienjuakka Allah masau ngubai jak di dusaunyau mangku bulia idup.”

RASUL 11:18 Iomraidhean Croise

MATIUS 9:8

Masau jemau banyak nginak setu diau tejaditu, ughangtu takut galau mangku ngagungka Allah, karnau Allah ngenjuakka kuasau besak ngan manusiau.

RASUL 11:1

Rasul-rasul ngan jemau percayau di gegalau Yudia ndengagh, mbak bansau jemau diau ukan Yahudi nerimau pulau katau Allah.

RASUL 14:27

La sampai di situ, ughangtu ngajung jemau percayau betunggal, mangku ughang duautu nceritauka gegalaunyau diau la Allah kerjauka ngan ughangtu, luak manau Allah la nyatauka, supayau bangsau lain pulau pacak percayau ngan Allah.

RASUL 15:3

Jemau Keristen di Antiukia ngantat ughangtu sampai keluagh kuta, mangku ughangtu pegi wuan Penisia ngan Samaria. Di situ ughangtu nceritauka, mbak bansau jemau bangsau lain diau nidau keruan Allah la percayau ngan Allah. Ceritau itu meriangka nian jemau percayau di situ.

RASUL 20:21

Empuak jemau Yahudi empuak jemau Yunani aku maju ngingatka nian, supayau ughangtu ngubai peremba'au, datang ngan Allah ngan percayau ngan Tuhan kitau Yesus Keristus.

RASUL 21:20

Ndengagh ceritau Paulustu ughangtu ngagungka Allah galau. Mangku ughangtu bekatau ngan Paulus, “Paulus, kaba la keruan, mbak bansau beribu-ribu jemau Yahudi la percayau. Ughangtu maju na'ati ukum Taurat.

RASUL 3:19

Karnau itu ubaila perembak ngan dusau kapu dighi, datangla ngan Allah, mangku dusau kapu dighi diabiskaNyau.

RASUL 3:26

Itula sebapau Allah netapka Buda'Au mangku ngajung Diau datang dulu guak kapu dighi, mangku Diau iluak ngan kapu dighi ngajung kapu dighi ngubai jak di perembak diau ja'at.”

RASUL 5:31

Diautu la ditinggika Allah di sebela kananAu, dijadikaNyau Penguasau ngan Rajau Penyelamat, supayau jemau Israil pacak ngubai ngan dusaunyau diabiska.

RUM 9:30

Amun luak itu, tuapau kesimpulan kitau? Tuapau pacak kitau kiciakka? Ini: bansau jemau bangsau lain diau nidau beusaha endak dibenaghka Allah, la dibenaghka karnau percayau.

2 KURINTUS 3:18

Mangku di kitauni kina'an keagungan Tuhan, karnau rupu'an kitau nidau tetutup, mangku kitau maju diubai njadi luak Diau. Tamba lamau kitau tamba besinagh karnau keagungan diau asalau jak di Tuhan diautu Rua.

2 KURINTUS 7:10

Kemada'an diau jak di Allah ngasilka ati beghuba mangku selamat. Jemau nidau ka nyesali titu. Anyautu kemada'an jak di deniauni kemada'an diau mbenasauka.

GALATIA 1:24

Mangku ughangtu muji Allah karnau aku.