RASUL 11:12 - PEJANJIAN EMPAI CERITAU ILUAK

¹² Mangku Rua Allah ngajung aku pegi serempak ngan ughangtu ngan nidau asau-asau. Ughang enam ini ngantini aku ke Kaisaria, mangku kami masuak ghuma Kurnilius.

RASUL 11:12 Iomraidhean Croise

MATIUS 1:20

Masau Yusup merupuakka titu, diau bemimpi. Dalam mimpiautu diau tekinak sughang malaikat Tuhan bekatau ngan diau, “Yusup, pengadau Daud, nidau nanti takut nikai Maria, karnau anak dalam kandungannyautu jak di Rua Allah.

YUHANIS 16:13

Amun Rua Allah itu datang, Diau nyatauka Allah itu benagh. Kamu ka dibimbingAu ngeruani gegalaunyau diau benagh. Diau nidau ka ngiciak jak di diriAu, anyautu Diau ka ngiciakka setu diau didengaghAu, mangku Diau ka ngiciakka ngan kamu setu diau ka tejadi nanti.

RASUL 1:15

Masau itu Pitrus betegak endak ngiciak ngan kantin-kantinau diau dang betunggal itu, kekirau seratus duau pulua ughang. Katau Pitrus,

RASUL 10:23

Mangku Pitrus ngajak ughangtu masuak temalam di ghuma itu. Pagi di aghiau Pitrus pegi serempak ngan ughang tigautu. Adau pulau jemau percayau jak di Yupi ngantini diau.

RASUL 10:45

Mangku gegalau jemau Yahudi diau percayau diau ngantini Pitrus kemangan galau nginak Allah ngenjuakka Rua Hau ngan jemau bangsau diau ukan jemau Yahudi.

RASUL 11:13

Kurniliustu nceritauka ngan kami, luak manau diau nginak sughang malaikat betegak di ghumahau ngan bekatau, ‘Ajungla jemau ke Yupi njenguak Simun Pitrus.

RASUL 13:2

Adau saghi ughangtu dang sembayang ngan puasau, mangku Rua Allah bekatau ngan ughangtu, “Piliala Barnabas ngan Saulus batan endak Aku, supayau ughang duau itu ngerjauka kerjau diau la kutetapka batan endak ughang duautu.”

RASUL 13:4

Barnabas ngan Saulus pegi ke Selukia, karnau diajung Rua Allah, mangku jak di situ ughangtu belayar ke pulau Siprus.

RASUL 15:7

Lamau nianan ughangtu buijau. Kesudimannyau Pitrus betegak ngan bekatau, “Ui, kapu dighi. Kapu dighi keruan, bansau jak di senitu Allah milia aku jak di kapu dighi batan endak ngiciakka ceritau iluak ngan jemau bangsau lain, supayau ughangtu pulau ndengagh ngan percayau.

RASUL 15:9

Allah nidau nian mbidaka kitau ngan ughangtu. Diau mberesiaka ati ughangtu, karnau ughangtu percayau.

RASUL 28:15

Jemau diau percayau di Rum la ndengagh ceritau kami, mangku ughangtu datang njenguak kami di Purum Apius ngan Teris Taberni. Satu Paulus nginak ughangtu, diau beterimau-kasia ngan Allah mangku atiau diteguaka.

RASUL 8:29

Rua Allah bekatau ngan Pilipus, “Pegila, masighi pelangkin itu.”

RUM 3:22

bansau jemau pacak dibenaghka Allah, amun percayau ngan Yesus Keristus. Itula carau Allah mbenaghka gegalau jemau diau percayau ngan Keristus, karnau Allah nidau mbidaka jemau,

2 TESALUNIKA 2:2

Jangan kamu mura bingung ngan ghegak, karnau adau ceritau aghi Tuhan la sampai, enta ceritautu asalau jak di katau rua, enta jak di ajaghan, enta jak di surat diau dikiciakka asalau jak di kami.

PENGINA'AN 22:17

Rua Allah ngan buntingtu bekatau, “Mela!” Bilang jemau diau ndengaghkanyau bekatau pulau, “Mela!” Jemau diau aus datangla, mangku jemau diau endak ayiak diau ngenjuakka idup, ngambiakla, nidau nanti dibayighi!