RASUL 10:22 - PEJANJIAN EMPAI CERITAU ILUAK

²² Ughangtu nimbal, “Kurnilius diau ngepala'i seratus tentera ngajung kami ke sini. Diautu jemau iluak ngan takut ngan Allah, lagi pulau diregaui nian ngan jemau Yahudi. Dalam pengina'an diau nginak sughang malaikat Allah ngajung diau pegi njenguak dighi, supayau dighi datang ke ghumahau, mangku diau pacak ndengaghka setu diau ka dighi ceritauka.”

RASUL 10:22 Iomraidhean Croise

MATIUS 1:19

Yusup pengantinannyautu jemau diau maju ngerjauka setu diau diajung ukum agamau. Anyautu diau enggup ngaduka Maria di mukau jemau banyak, mangku diau endak ngurungka rasanau ngan diam-diam.

MATIUS 2:12

Mangku ughangtu baliak ke nenggeriau wuan jalan lain, karnau Allah la ngiciakka ngan ughangtu dalam mimpi, supayau jangan ngulang njenguak Herudis.

MARKUS 6:20

Herudis ngajung jemau njagaui Yuhanis iluak-iluak, karnau diau takut. Diau keruan, bansau Yuhanis sughang diau iluak, ajungan Allah. Diau galak ndengaghka Yuhanis ngiciak, empuak diau bingung ngan gelisa.

MARKUS 8:38

Kinak luak itu, amun jemau maluan ngaku'i Aku ngan kici'anKu di pugan jemau idup mbak kini diau nidau ta'at ngan bedusau, Anak Manusiau pulau ka maluan ngaku'i jemautu, masau Diau datang nanti ngan kuasau Bapa'Au dikantini malaikat-malaikat suci.”

LUKAS 2:25

Di Yerusalim adau sughang diau benamau Simiun. Diau jemau iluak lagi ta'at ngan Allah. Diau dang nungguka masaunyau Allah endak nyelamatka jemau Israil. Rua Allah nyertaui diau.

LUKAS 23:50

Adau sughang diau benamau Yusup, asalau jak di Arimatia di daira Yudia. Diautu jemau iluak ngan diregaui jemau. Diau pulau nantika masaunyau Allah mulai merinta njadi rajau. Empuak diau temasuak rumbungan pengadilan agamau, diau nidau tetuju ngan rencanau ngan keputusan pengadilan itu.

LUKAS 9:26

Karnau amun jemau maluan ngaku'i Aku ngan ajaghanKu, Anak Manusiau pulau ka maluan ngaku'i jemau itu, masau Diau ka datang agi nanti ngan kuasauNyau ngan kuasau Bapa'Au ngan malaikat-malaikat suci.

YUHANIS 13:20

Ngenian katauKu ini: Jemau diau nerimau jemau diau Kuajung, nerimau Aku. Mangku jemau diau nerimau Aku nerimau Allah diau ngajung Aku.”

YUHANIS 17:20

Aku ukan ndu'aka ughang ini ajau. Aku pulau ndu'aka jemau diau ka percayau ngan Aku karnau kici'an ughang ini.

YUHANIS 17:8

Kici'an diau Dighi kiciakka ngan Aku, la Kukiciakka ngan ughangtu, mangku ughangtu la nerimaunyau. Ughangtu keruan nian asalKu jak di Dighi, mangku ughangtu percayau, Dighitu ngajung Aku.

YUHANIS 5:24

Kici'anKu ini benagh: Jemau diau ndengagh ngan nuruti kici'anKu, mangku percayau ngan Allah diau ngajung Aku, jemautu la ngempu idup empai selelamaunyau. Diau nidau ka diukum. Diau la ngalia jak di mati ke idup.

YUHANIS 6:63

Rua Allahtu diau ngenjuakka idup. Kekuatan manusiau nidau bediau gunaunyau. Kici'anKu ini diau Kukiciakka ngan kapu dighi asalau jak di Rua Allah diau ngenjuakka idup.

YUHANIS 6:68

Katau Simun Pitrus, “Tuhan, amun kami pegi, kami njenguak sapau? Kici'an Dighi ajau diau ngenju'i idup empai selelamaunyau!

RASUL 10:2

Jemau itu alim. Diau ngan gegalau jemau di ghumahau takut ngan Allah. Diautu banyak ngenjuakka tanci ngan jemau Yahudi diau serik ngan rajin bedu'a ngan Allah.

RASUL 10:21

Mangku tughun diau ke bawa, ngiciak ngan ughangtu, “Aku diau kamu dala'i? Kamu datang endak ngapau?”

RASUL 10:30

Katau Kurnilius, “Tigau malam diau la udim, kekirau aghi luak ini, jam tigau petang, aku dang bedu'a di ghuma, mangku adau sughang betegak di guak aku. Bajuautu besinagh-sinagh.

RASUL 10:33

Mangku aku ngajung jemau cepat pegi njenguak dighi, mangku dighi la datang ke sini ngan riang. Mbak kini gegalau kami la betunggal galau di sini di adapan Allah endak ndengaghka gegalaunyau diau Allah ajung dighi kiciakka ngan kami.”

RASUL 10:6

Diautu dang di ghuma Simun sughang tukang bawuak. Badahau di tepi laut.”

RASUL 11:14

Diautu ka ngiciakka ngan kaba ceritau diau ka nyelamatka kaba ngan jemau di ghuma kaba.’

RASUL 22:12

Di situ adau sughang benamau Ananias. Diautu alim, ta'at ngan ukum Taurat, lagi diregaui jemau Yahudi di Damsik.

RASUL 24:15

Luak ughangtu pulau aku ngaghapka Allah, bansau gegalau jemau ka idup jak di mati, empuak jemau iluak empuak jemau ja'at.

RASUL 6:3

Jadi, kapu dighi piliala tujua ughang jak di kapu dighi diau iluak ngan dikuasaui Rua Allah lagi bepengertian, mangku kami njadika ughangtu pengurus makanan tadi.

RUM 1:17

Karnau ngan ceritau iluaktu diancakka caraunyau Allah mbuat manusiau seilu'an agi ngan diriAu. Caraunyau ngan percayau ngan Allah, jak di penembai enggut udim. Titu dikiciakka di Injil luak ini, “Jemau dibenaghka karnau percayau ka idup.”

2 KURINTUS 5:18

Gegalaunyautu dikerjauka Allah. Mangku karnau Keristus Allah mbuat kitau seilu'an ngan Diau ngan ngenju'i kitau kerjau ngiciakka ceritau damaitu, supayau jemau lain pulau seilu'an ngan Diau.

1 TIMUTIUS 3:7

Diau mesti pulau diregaui jemau, mangku diau nidau njadi kici'an jemau ngan dikalaka iblis.

IBRANI 10:38

Mangku umatKu diau la dibenaghka ka idup karnau percayau. Amun adau diau nidau percayau agi, Aku nidau riang ngan jemau itu.”

IBRANI 11:2

Karnau percayau nian, jemau senitu diceritauka di Injil.

IBRANI 12:23

Kamu ngikut tunggalan diau riang nian, tunggalan anak-anak tuau diau namaunyau la ditulis di sergau. Kamu betunggal ngan jemau senitu diau la disempernauka. Kamu ngadap Allah, akim gegalau manusiau.

2 PITRUS 3:2

Aku endak, supayau kamu ngingatka kici'an diau la senitu dikiciakka nabi-nabi Allah ngan perinta Tuhan, Rajau Penyelamattu, diau la dikiciakka rasul-rasul ngan kamu.

3 YUHANIS 1:12

Bilang ughang muji Dimetrius. Karnau kerjaunyau diau benaghtu diau dipuji. Kami pulau muji diau. Mangku kaba keruan, bansau kici'an kamini pacak dipercayaui.

PENGINA'AN 14:10

mangku jemautu ka minum jak di anggur Allah, diautu anggur maraHau diau nidau beundak. Mangku jemautu ka disiksau dalam api ngan belirang di adapan malaikat suci ngan Anak Bebiritu.