PILIPI 4:9 - PEJANJIAN EMPAI CERITAU ILUAK

⁹ Kerjaukala setu diau la kamu pelajaghi ngan terimau jak di aku, diau kamu dengagh ngan diau kamu kinak di aku. Mangku Allah diau ngenjuakka damai ka adau guak kamu.

PILIPI 4:9 Iomraidhean Croise

MATIUS 1:23

“Sughang budak gadis ka ngandung ngan melahirka sughang anak lanang. Anak itu ka dinamauka Imanuil.” Imanuil retiau, “Allah betunggal ngan kitau.”

MATIUS 28:20

ajaghkala ughangtu ngerjauka gegalaunyau diau la Kukiciakka ngan kamu. Ingatkala, Aku ka maju adau guak kamu enggut aghi kiamat.”

MATIUS 7:21

“Nidau gegalau jemau diau mantau aku, ‘Tuhan, Tuhan!’ njadi angguta umat Allah, anyautu cuman jemau diau ngerjauka kendak BapakKu diau di sergau.

LUKAS 6:46

“Ngapau kamu mantau aku, ‘Tuhan, Tuhan!’, anyautu nidau ngerjauka setu diau Kukiciakka ngan kamu?

LUKAS 8:21

Yesus nimbali ughangtu, katauNyau, “Jemau diau ndengaghka kici'an Allah ngan na'atinyau, ughang itula makKu ngan ading-beghadingKu.”

YUHANIS 13:17

Kamu la keruan gegalaunyauni. Riang kamu, amun dikerjauka.

YUHANIS 15:14

Kamuni kantinKu, amun kamu ngerjauka tuapau diau Kuperintaka ngan kamu.

YUHANIS 2:5

Anyautu Mak Yesus ngiciak ngan tukang-tukang katang, kataunyau, “Kerjaukala tuapau diau ka dikiciakkaNyau ngan kamu.”

RASUL 9:6

Mbak kini betegakla mangku pegi masuak kuta itu. Di situ ka dikiciakka ngan kaba tuapau diau mesti kaba kerjauka.”

RUM 15:33

Aku bedu'a, supayau Allah diau ngenjuakka damai ngan manusiau nyertaui gegalau kamu. Amin.

RUM 16:20

Allah ngenjuakka damai ngan manusiau. Diau ka cepat ngancurka kuasau iblis ngan nunduakka diau ngan kamu. Yesus, Tuhan kitau, maju iluak ngan kamu.

1 KURINTUS 10:31

Tuapau kila diau kamu kerjauka, apu makan apu minum, kerjaukala gegalaunyautu batan endak meregaui Allah.

1 KURINTUS 14:33

karnau Allah enggup kekacauan, tapitu Diau galak damai. Di manau-manau, amun jemau percayau betunggal,

1 KURINTUS 4:16

Karnau itu aku ngajung kamu menau aku.

2 KURINTUS 13:11

Mangku, kantin-kantinku, kamu mesti riang ngan beusaha, supayau sempernau. Terimaula gegalau petuaku. Kamu mesti suijauan ngan idup bedamai sughang ngan diau lain. Mangku Allah ka nyayangi kamu ngan ngenjuakka damai ngan kamu.

PILIPI 3:17

Kantin-kantinku, penaula aku. Kami la ngenjuakka penauan diau iluak. Karnau itu ikutkala jemau diau menau kami.

PILIPI 4:7

Mangku damai jak di Allah diau nidau pacak manusiau terti ka njagaui ati ngan rupu'an kamu karnau la seghundak ngan Yesus Keristus.

1 TESALUNIKA 1:6

Kamu la menau idup kami ngan idup Tuhan. Empuak kamu sengsarau nian, kamu nerimau ceritau iluak diau kami kiciakkatu ngan riang. Riang itu jak di Rua Allah.

1 TESALUNIKA 2:14

Kantin-kantinku, setu diau kamu ghasauka la dighasauka jemau Keristen di Yudia diau la njadi hak Yesus Keristus. Kamu dianiayau bangsau kamutula. Titu semegi ngan diau dighasauka jemau Keristen di Yudiatu jak di jemau Yahudi.

1 TESALUNIKA 5:23

Aku bedu'a, supayau Allah ngenjuakka kamu damai ngan njadika kamu jemau diau idup nian batan endak Allah. Aku bedu'a, supayau Allah njagaui gegalau idup kamu, rua ngan jiwa kamu, mangku amun Tuhan kitau Yesus Keristus datang agi, kamu nidau bediau cacatau.

2 TESALUNIKA 3:4

Kami percayau nian ngan Tuhan, bansau kamu nidau ka mandak ngerjauka setu diau kami kiciakka ngan kamu.

2 TIMUTIUS 4:22

Aku bedu'a, supayau Tuhan njagaui kamu ngan iluak nian ngan kamu.

YAKUBUS 1:22

Kamu mesti ngerjauka katau Allah, jangan cuman ndengagh ajau. Amun nidau luak itu, kamu nipuka diri kamu sendighi.

2 PITRUS 1:10

Karnau itu, kantin-kantinku, beusahala nian, supayau pilian Allah di kamu tamba tegua. Amun kamu ngerjauka titu, kamu nidau ka ngelipat.

1 YUHANIS 3:22

Mangku setu diau kitau pintak ngan Diau, kitau ka bulia, karnau kitau ta'at ngan perintaHau ngan ngerjauka setu diau melemakka atiAu.