PILIPI 4:8 - PEJANJIAN EMPAI CERITAU ILUAK

⁸ Mangku, kantin-kantinku, rupuakkala setu diau begunau ngan pantas dipuji, gegalaunyau diau benagh, diau diregaui, diau adil, diau beresia, diau alap ngan iluak.

PILIPI 4:8 Iomraidhean Croise

MATIUS 22:16

Mangku ughangtu ngajung anak-bua ughangtu njenguak Yesus serempak ngan bebeghapau anak-bua Herudis. Ughangtu bekatau ngan Yesus, “Pak Guru, kami keruan kici'an Dighi benagh. Dighi ngajaghka kendak Tuhan diau benagh. Dighi nidau ngirauka pendapat sapau kila, karnau Dighi nidau milia jemau.

MARKUS 6:20

Herudis ngajung jemau njagaui Yuhanis iluak-iluak, karnau diau takut. Diau keruan, bansau Yuhanis sughang diau iluak, ajungan Allah. Diau galak ndengaghka Yuhanis ngiciak, empuak diau bingung ngan gelisa.

LUKAS 16:15

Mangku Yesus bekatau ngan ughangtu, “Kapu dighini jemau diau endak kina'an benagh di mukau jemau, anyautu Allah keruan isi ati kapu dighi. Karnau setu diau dianggap manusiau iluak diluatka Allah.

LUKAS 2:25

Di Yerusalim adau sughang diau benamau Simiun. Diau jemau iluak lagi ta'at ngan Allah. Diau dang nungguka masaunyau Allah endak nyelamatka jemau Israil. Rua Allah nyertaui diau.

LUKAS 23:50

Adau sughang diau benamau Yusup, asalau jak di Arimatia di daira Yudia. Diautu jemau iluak ngan diregaui jemau. Diau pulau nantika masaunyau Allah mulai merinta njadi rajau. Empuak diau temasuak rumbungan pengadilan agamau, diau nidau tetuju ngan rencanau ngan keputusan pengadilan itu.

YUHANIS 7:18

Jemau diau ngajaghka ajaghannyau sendighi mintak diregaui batan endak diriau sendighi, anyautu jemau diau ndalak pujian batan endak jemau diau ngajungau diautu benagh, nidau endak nian mbu'ung.

RASUL 10:22

Ughangtu nimbal, “Kurnilius diau ngepala'i seratus tentera ngajung kami ke sini. Diautu jemau iluak ngan takut ngan Allah, lagi pulau diregaui nian ngan jemau Yahudi. Dalam pengina'an diau nginak sughang malaikat Allah ngajung diau pegi njenguak dighi, supayau dighi datang ke ghumahau, mangku diau pacak ndengaghka setu diau ka dighi ceritauka.”

RASUL 22:12

Di situ adau sughang benamau Ananias. Diautu alim, ta'at ngan ukum Taurat, lagi diregaui jemau Yahudi di Damsik.

RASUL 6:3

Jadi, kapu dighi piliala tujua ughang jak di kapu dighi diau iluak ngan dikuasaui Rua Allah lagi bepengertian, mangku kami njadika ughangtu pengurus makanan tadi.

RUM 13:13

Kitau mesti iluak-iluak luak jemau diau idup dalam terang. Jangan bereruyalan, jangan memabu'an, jangan menaugawia, jangan nuruti serilau, jangan belagau, jangan sengit.

RUM 13:3

Jemau diau bebuat iluak nidau nanti takut ngan pemerinta. Jemau diau bebuat ja'at ajau diau takut. Amun kamu endak, supayau kamu nidau takut ngan pemerinta, kamu mesti ngerjauka setu diau iluak, mangku kamu dipuji.

RUM 14:18

Amun jemau bekerjau batan endak Keristus ngan carau luak itu, jemautu melemakka ati Allah ngan diregaui jemau.

RUM 2:29

Anyautu jemau diau ngenian Yahudi, jemau diau jiwahau jemau Yahudi. Sunat diau ngenian, sunat di ati diau dikerjauka Rua Allah ukan diau dikerjauka nurut setu diau ditulis di kitab. Mangku jemau luak itu dipuji Allah, ukan dipuji manusiau.

1 KURINTUS 4:5

Itula sebapau, jangan kamu cepat ngakimi jemau, amun lum masaunyau, antak ka Tuhan datang. Diautu ka nginakka gegalaunyau diau dibunika di keleman. Diau ka ngancakka gegalaunyau diau direncanauka dalam ati manusiau. Masau itula bilang jemau ka nerimau jak di Allah pujian diau pantas diterimau.

2 KURINTUS 13:7

Kami bedu'a ngan Allah, supayau Diau nulung kamu nidau ngerjauka diau ja'at, ukan supayau nyatau, bansau kami ngerjauka tugas kami nian, tapitu supayau kamu ngerjauka kendak Allah, empuak kamini kina'an luak nidau buasil, nidau ngapau-ngapau.

2 KURINTUS 6:8

Kami diregaui empuak digelakka. Kami dipuji empuak diburuakka. Kami dikiciakka pembu'ung, empuak kamini jujur.

2 KURINTUS 8:18

Serempak ngan diau kami ngajung pulau sughang kantin diau dipuji di gegalau jemau Keristen, karnau kerjaunyau ngiciakka ceritau iluak jak di Allah.

2 KURINTUS 8:21

Kami endak mbuat jujur, ukan cuman di adapan Tuhan, tapitu pulau di adapan jemau.

GALATIA 5:22

Anyautu jemau diau dibimbing Rua Allah asilau luak ini: Jemautu sayang ngan jemau, diau riang, adau damai, ngaligh, galak nulung jemau, diau iluak, setia,

IPISUS 4:25

Karnau itu, jangan agi mbu'ung. Kiciakkala diau benagh sughang ngan diau lain, karnau kitau angguta badan Keristus galau.

IPISUS 5:9

Jak di terang itu nimbul gegalau kerjau diau iluak ngan adil ngan benagh.

IPISUS 6:14

Kamu mesti maju siagau. Kenaukala ceritau Allah diau benagh njadi bebat ngan kerjau diau benagh njadi baju besi kamu.

PILIPI 3:1

Mangku, kantin-kantinku, riangla kamu karnau la seghundak ngan Tuhan. Aku nidau meghasau beghat endak ngulangi setu diau la kutulis senitu, mangku kamu keruan nian.

KULUSI 4:5

Carau kamu bekundang ngan jemau diau nidau percayau, kamu mesti bepengertian nian, mangku gunaukala masau diau adau iluak-iluak batan endak Tuhan.

1 TESALUNIKA 4:12

Amun kamu ngerjauka titu, kamu nidau tegantung ngan jemau, mangku kamu diregaui jemau diau nidau percayau pulau.

1 TIMUTIUS 2:2

Du'akala rajau ngan gegalau jemau diau adau kuasau, mangku kitau pacak idup tenang ngan tenteram endak meregaui Allah ngan kerjau diau pantas.

1 TIMUTIUS 3:11

Biniau pulau mesti jemau iluak. Jangan diau galak ngupatka jemau. Diau mesti nguasaui diriau ngan pacak dipercayaui ngan gegalaunyau.

1 TIMUTIUS 3:4

Diau mesti terti mimpin ghuma-tanggaunyau ngan iluak ngan ngajagh anak-ana'au ta'at ngan meregaui pejadiau.

1 TIMUTIUS 4:12

Jangan sughang kia nidau meregaui kaba, karnau kaba gi mudau. Anyautu jadila penauan batan endak jemau percayau ngan kici'an kaba, perembak kaba, sayang kaba, percayau kaba, ngan keberesian idup kaba.

1 TIMUTIUS 5:10

Randautu mesti tekenal ngerjauka kerjau diau iluak, misalau mbesakka ana'au ngan iluak, riang nerimau menda di ghumahau, mbasua keting jemau diau percayau, nulung jemau diau nanggung ngan ngerjauka nian gegalau kerjau diau iluak.

1 TIMUTIUS 5:2

tinau diau tuau luak mak kaba, tinau diau mudau luak kelawai kaba ngan sikap diau beresia.

TITUS 1:8

Anyautu diau mesti riang nerimau jemau di ghumahau, galak ngan setu diau iluak, bepengertian, jujur, beresia ngan pacak nguasaui diri.

TITUS 2:14

Diautu la nyeraka diriAu batan endak kitau endak nyelamatka kitau jak di gegalaunyau diau ja'at. Diautu njadika kitau umatAu diau beresia diau njadi ha'Au ngan rajin ngerjauka diau iluak.

TITUS 2:2

Jemau lanang diau la tuau mesti idup tau diri, bepengertian, luak jemau diau pantas diregaui. Ughangtu mesti percayau ngan Allah ngan carau diau benagh, nyayangi jemau ngan ta'an sengsarau ngan ngaligh.

TITUS 2:7

Mangku kaba mesti ngerjauka kerjau diau iluak batan penauan. Kaba mesti ngajagh ngan jujur ngan ngenianau.

TITUS 3:14

Jemau kitau mesti belajagh maju ngerjauka setu diau iluak, supayau pacak ncukupi setu diau enda'au diau penting. Mangku idup ughangtu begunau.

IBRANI 11:2

Karnau percayau nian, jemau senitu diceritauka di Injil.

IBRANI 13:18

Majula du'aka kami. Kami yakin ati keciak kami beresia, karnau kami maju endak ngerjauka setu diau iluak.

YAKUBUS 1:27

Keta'atan agamau diau ngenian nurut Allah Bapak, itu nulung jemau anak umang ngan randau diau sengsarau ngan njagaui diri, mangku jangan dirusakka deniau.

YAKUBUS 3:17

Anyautu jemau diau adau pengertian jak di sergau, diau penting sekali supayau jemautu tulus, mangku galak bedamai, galak begaul ngan belagham. Diau nyialka jemau nian ngan ngerjauka diau iluak, diau nidau mihak ngan nidau cak iluak.

1 PITRUS 1:22

Karnau kamu la ta'at ngan Allah, kamu la mbasua diri kamu, mangku pacak nyayangi jemau percayau ngenian. Karnau itu kamu mesti sangi sayangi nian.

1 PITRUS 2:12

Carau idup kamu di guak jemau diau nidau keruan Allah mesti iluak nian. Mangku amun ughangtu ngiciakka kamu jemau ja'at, ughangtu maju nginak perembak kamu diau iluaktu, mangku ughangtu ka muji Allah masau Tuhan datang.

1 PITRUS 4:8

Diau penting sekali, kamu mesti sangi sayangi nian, karnau amun kamu sangi sayangi, kamu sukau pulau sangi ma'apka.

2 PITRUS 3:1

Kantin-kantinku diau kusayangi. Inila surat diau keduau diau kutulis ngan kamu. Di duau surat itu aku la beusaha nimbulka rupu'an diau benagh di kamu ngan peringatan.

1 YUHANIS 3:18

Anakbuaku, jangan kitau nyayangi cuman di mulut ngan kici'an ajau. Kitau mesti nyayangi nian ngan mbuktikanyau ngan perembak kitau.

1 YUHANIS 3:3

Gegalau jemau diau ngaghapka Keristus njagaui diriau, supayau beresia jak di dusau, suci luak Diau pulau.

1 YUHANIS 4:1

Kantin-kantinku diau kusayangi. Jangan percayau ngan gegalau jemau diau ngiciakka, diau adau Rua Allah. Anyautu ujila kudai jemautu, mangku kamu keruan, apa rua diau adau di jemautu asalau jak di Allah apu ukan, karnau banyak nabi tiruan la adau di manau-manau.