PILIPI 4:1 - PEJANJIAN EMPAI CERITAU ILUAK

¹ Karnau itu, kantin-kantinku diau kusayangi, majula percayau nian ngan Tuhan. Aku ghindu nian ngan kamu. Kamula mbuat aku riang ngan bangga.

PILIPI 4:1 Iomraidhean Croise

MATIUS 10:22

Kamu ka diluatka gegalau jemau, karnau kamu percayau ngan Aku. Anyautu jemau diau beta'an enggut kesudiman ka selamat.

YUHANIS 8:31

Mangku Yesus ngiciak ngan jemau Yahudi diau la percayau ngan Diau, katauNyau, “Amun kapu dighi idup nuruti ajaghanKu, kapu dighi njadi anak-buaKu nian.

RASUL 11:23

Barnabas la sampai di Antiukia, diau nginak Allah iluak ngan ughangtu, mangku diau riang nian. Diau ngajung, supayau ughangtu maju ta'at ngan Tuhan ngan setia.

RASUL 14:22

Di kuta itu duau rasultu neguaka ati jemau diau percayau ngan Yesus ngan ngajung ughangtu, supayau maju percayau. Rasultu bekatau, “Kitau mesti sengsarau kudai, mangku kitau pacak njadi angguta umat Allah.”

RASUL 2:42

Ngan rajin jemau diau percayautu belajagh jak di rasul ngan maju seghundak. Ughangtu makan, makan jamuan Tuhan ngan bedu'a seghundak.

RUM 2:7

Jemau diau maju ngerjauka diau iluak ngan ndalak setu diau dipuji ngan diregaui ngan ta'an selelamaunyau ka dienjuakkaNyau idup selelamaunyau.

1 KURINTUS 15:58

Karnau itu, kantin-kantinku diau kusayangi, kuatkala ngan teguakala iman kamu. Bekerjaula maju batan endak Tuhan ngan ngenianau, karnau kamu keruan, bansau kerjau kamu batan endak Tuhan nidau ka keria ajau.

1 KURINTUS 16:13

Sepepadaula, percayaula ngan tegua, beghanikala diri kamu ngan maju kuat.

GALATIA 5:1

Kitau mbak kini bibas, karnau Keristus la mbibaska kitau. Karnau itu ta'ankala kebibasan kamu, jangan endak dibudakka agi.

PILIPI 1:27

Diau penting mbak kini, supayau idup kamu nurut ceritau Keristus itu. Mangku amun aku pacak datang, aku nginak, amun nidau pacak datang, aku ka ndengagh, bansau kamu tegua ngan sesamau bekerjau batan endak sutiak tujuan, diautu batan endak percayau nurut ceritau iluak.

PILIPI 1:8

Allah keruan, bansau aku ghindu tegalau ngan kamu ngan sayang diau asalau jak di Yesus Keristus.

PILIPI 2:16

masau kamu ngiciakka ceritau diau ngenjuakka idup. Amun kamu idup luak itu, mangku aku pacak mbanggaka kamu, masau Yesus Keristus datang agi. Itu njadi buktiau, bansau pejuanganku ukan nidau begunau ngan kerjauku adau asilau.

PILIPI 2:26

Diau ghindu nian ngan gegalau kamu ngan temas, karnau kamu la ndengagh ceritau diau buidapan.

KULUSI 4:12

Pesan pulau jak di Ipapras. Diau pulau sughang jak di kamu. Diau bekerjau batan endak Yesus Keristus ngan maju ndu'aka kamu nian, supayau kamu percayau nian ngan bepengertian, mangku kamu ta'at nian ngan kendak Allah.

1 TESALUNIKA 3:13

Ngan carau luak itula Tuhan neguaka ati kamu, mangku kamu beresia, nidau becelakau di adapan Allah Bapak kitau, masau Yesus Tuhan kitau datang ngan gegalau jemau percayau.

2 TESALUNIKA 2:15

Karnau itu majula percayau ngan maju nuruti ajaghan diau la kami ajaghka ngan kamu, empuak diau kami kiciakka, empuak diau kami tuliska.

2 TIMUTIUS 2:1

Timutius, anakku, kaba mesti kuat karnau keilu'an diau dienjuakka ngan kitau karnau seghundak ngan Yesus Keristus.

IBRANI 10:23

Mela kitau maju ngaghapka setu diau la kitau aku'i, karnau Allah diau la njanjikanyau pacak dipercayaui.

IBRANI 3:14

Kitau la bulia bagian ngan Keristus, amun kitau maju tegua percayau enggut mati luak senitu.

IBRANI 4:14

Mela kitau maju ngandalka ngan kepercayauan kitau, karnau kitau adau Imam Besak diau agung diau la sampai guak Allah, diautu Yesus, Anak Allah.

2 PITRUS 3:17

Anyautu kamu diau kusayangi la keruan gegalaunyautu. Karnau itu sepepadaula. Jangan kamu tebatak sesat ngan jemau diau nidau keruan ukum, ngan jangan kelengitan aghapan diau tegua.