PILIPI 3:9 - PEJANJIAN EMPAI CERITAU ILUAK

⁹ ngan seghundak ngan Diau. Aku nidau agi dibenaghka karnau kerjaukunila ngan ta'at ngan ukum Taurat. Mbak kini aku dibenaghka karnau percayau ngan Keristus. Allahtu diau mbenaghka jemau karnau percayau ngan Keristus.

PILIPI 3:9 Iomraidhean Croise

MATIUS 9:13

Cubau keruani kudai retiau katau ini, ‘Diau Kukenda'i sial ukan kerban benatang.’ Aku datang ukan endak ndalak jemau diau benagh, tapitu jemau diau bedusau.”

RUM 1:17

Karnau ngan ceritau iluaktu diancakka caraunyau Allah mbuat manusiau seilu'an agi ngan diriAu. Caraunyau ngan percayau ngan Allah, jak di penembai enggut udim. Titu dikiciakka di Injil luak ini, “Jemau dibenaghka karnau percayau ka idup.”

RUM 10:10

Ngan ati jemau percayau mangku dibenaghka. Ngan mulut jemau ngaku'i mangku diselamatka.

RUM 16:7

Sampaikala pulau pesanku ngan Anderunikus ngan Yunias. Ughang duautu sebangsau ngan aku ngan pulau tejil serempak ngan aku. Ughang duautu la percayau antak ka aku percayau ngan tekenal jak di rasul.

RUM 5:21

Na, jemau mati karnau bedusau. Anyautu Allah nunjuakka jalan ngan kitau, mangku kitau seilu'an ngan Diau, karnau Diau nyayangi kitau. Mangku kitau la seilu'an ngan Allah. Diau ngenjuakka idup selelamaunyau ngan kitau karnau Tuhan kitau Yesus Keristus.

RUM 8:1

Mbak kini jemau diau idup seghundak ngan Yesus Keristus nidau agi diukum selelamaunyau,

RUM 8:3

Setu diau nidau pacak dikerjauka ukum Taurat karnau kitau manusiau bedusau la dikerjauka Allah. Diau la ngajung Ana'Au datang ke deniau nyerupaui manusiau biasau, njadi kerban batan dusau manusiau, mangku dusau diukum ngan diabiskaNyau.

1 KURINTUS 1:30

Kamu seghundak ngan Keristus karnau Allah. Kitau bepengertian karnau Keristus. Diautu mbenaghka kitau ngan njadika kitau umat Allah ngan mbibaska kitau.

2 KURINTUS 5:17

Amun jemau la seghundak ngan Keristus, diau njadi manusiau empai. Idup diau lamau nidau bediau agi, gegalaunyau la njadi empai.

2 KURINTUS 5:21

Keristustu nidau bedusau. Anyautu Allah ngajung Diau nanggungka dusau kitau, supayau kitau dibenaghka karnau seghundak ngan Keristus.

GALATIA 2:16

Empuak luak itu kamu keruan, bansau nidau sughang kiala dibenaghka karnau nuruti ukum agamau, tapitu gegalau jemau dibenaghka karnau percayau ngan Yesus Keristus. Itula sebapau kamini pulau percayau ngan Keristus, supayau kami dibenaghka karnau percayau ngan Keristus ukan karnau na'ati ukum agamau. Karnau nidau sughang kiala dibenaghka karnau nuruti ukum agamau.

PILIPI 3:6

Aku ta'at tegalau, mangku nganiayau jemau Keristen. Ceritau ukum agamau Yahudi aku nidau becacat.

2 TIMUTIUS 1:9

Allahtu nyelamatka kitau ngan milia kitau, supayau njadi umatAu. Titu dikerjaukaNyau ukan karnau setu diau kitau kerjauka, tapitu karnau rencanauNyau ngan keilu'anNyau itula. Keilu'anNyautu dienjuakka ngan kitau karnau Yesus Keristus, antak ka deniauni dijadika.

TITUS 3:5

Masau itu Diau nyelamatka kitau, ukan karnau kitau ngerjauka setu diau iluak, tapitu karnau Diau sayang ngan kitau. Diau nyelamatka kitau ngan carau mbasua kitau endak ngenjuakka idup diau empai. Titu dikerjauka Rua Allah

IBRANI 6:18

Duau mecamtu nidau pacak beghuba, diautu janji ngan sumpa. Allah nidau ka adau mbu'ung ceritautu. Mangku kitau diau la njenguak Allah endak selamat diteguaka nian, supayau maju ngaghapka setu diau dijanjikatu ngan kitau.

YAKUBUS 3:2

Gegalau kitau rajin bebuat sala. Jemau diau nidau kekela bebuat sala ngan kici'an, diautu sempernau diau pacak nguasaui gegalau diriau.

2 PITRUS 1:1

Jak di Simun Pitrus, budak ngan rasul Yesus Keristus, batan endak jemau diau percayau semegi luak kami, karnau la dibenaghka Allah ngan Yesus Keristus, Rajau Penyelamat kitau.

1 YUHANIS 3:4

Jemau diau bedusau melanggar ukum Allah, karnau dusau itu pelanggaran ukum Allah.