PILIPI 2:9 - PEJANJIAN EMPAI CERITAU ILUAK

⁹ Karnau itu Allah ngagungka Diau seagung-agungau, dienjuakkaNyau kuasau. Besaklah kuasau itu sangkan gegalau kuasau diau lain.

PILIPI 2:9 Iomraidhean Croise

MATIUS 11:27

Gegalaunyau la Dighi seraka ngan Aku. Nidau bediau sughang kia diau keruan Anak, lain jak di Bapak. Nidau bediau pulau diau keruan Bapak, lain jak di Anak ngan jemau diau dikenda'i Anaktu nyataukanyau.

MATIUS 28:18

Yesus masighi ughangtu ngan bekatau, “Gegalau kuasau di sergau ngan di deniau la diseraka ngan Aku.

LUKAS 10:22

Gegalaunyau la dienjuakka Bapak ngan Aku. Nidau bediau sughang kia diau keruan Anak lain jak di Bapak. Nidau bediau pulau diau keruan Bapak lain jak di Anak ngan jemau diau dikenda'i Anak itu nyataukanyau.”

YUHANIS 13:3

Yesus keruan, bansau Bapa'Au la ngenjuakka gegalaunyau ngan Diau. Diau pulau keruan Diau asalau jak di Allah ngan baliak agi ke Allah.

YUHANIS 17:11

Mbak kini Aku njenguak Dighi. Akuni nidau agi di deniauni, anyautu ughangtu gi adau di deniauni. Bak, diau suci, sayiala ughangtu ngan kuasau namau Dighi, namau diau la Dighi namauka ngan Aku, supayau ughangtu njadi seghundak luak Kitau.

YUHANIS 17:12

Masau Aku gi adau guak ughangtu, Aku la nyayia ughangtu ngan kuasau namau Dighi, namau diau la Dighi namauka ngan Aku. Aku la njagaui ughangtu, mangku nidau sughang kia jak di ughangtu benasau lain jak di jemau diau semestiau benasau, mangku setu diau ditulis dalam Injil ditepati.

YUHANIS 17:5

Bak, mbak kini agungka Aku di adapan Dighi ngan carau Aku diagungka, timpau Aku guak Bapak antak ka deniau adau.

RASUL 5:31

Diautu la ditinggika Allah di sebela kananAu, dijadikaNyau Penguasau ngan Rajau Penyelamat, supayau jemau Israil pacak ngubai ngan dusaunyau diabiska.

IPISUS 1:10

RencanauNyautu supayau gegalaunyau, empuak di sergau empuak di deniauni, njadi seghundak, mangku Keristus njadi kepala'au. Titu ka dikerjauka Allah, amun la sampai masaunyau.

KULUSI 1:18

Diautu kepalak jemau Keristen. Diautu anak tuau diau dulu sekali ngulang idup jak di mati, mangku pentingla Diau sangkan gegalaunyautu.

2 TESALUNIKA 1:12

Ngan carau luak itula Tuhan kitau Yesus diagungka karnau kitau, mangku kamu pulau dipuji Yesus karnau keilu'an ati Allah ngan Tuhan kitau Yesus Keristus.

IBRANI 1:4

Jawua tinggila pangkat Ana'Autu sangkan pangkat malaikat. Mangku kedudukan diau dienjuakka ngan Diau jawua tinggila diau sangkan diau dienjuakka ngan malaikattu.

IBRANI 1:9

“Kaba riang ngan setu diau benagh ngan meluatka setu diau nidau benagh. Itula sebapau Aku, Allah Kaba, milia Kaba. Aku meregaui Kaba, mangku riangla Kaba sangkan kantin-kantin Kaba.”

IBRANI 12:2

Mela kitau ngerjauka titu ngan maju merupuakka Yesus. Diau itula mbuat kitau percayau, mangku Diautu pulau nulung kitau maju percayau. Yesustu ta'an sengsarau, nidau nyanauka, bansau mati di kayu saliptu setu diau maluka. Diau cuman ngingatka riang diau ka dighasaukaNyau nanti. Mbak kini Diau duduak di sebela kanan Allah.

IBRANI 2:9

Diau kitau kinak itu Yesus diau bekuasau. Gi jerang ajau kuasauNyau dibuat kurang jak di kuasau malaikat, supayau Diau sengsarau ngan mati batan endak gegalau manusiau, karnau Allah sayang ngan kitau. Mbak kini kitau nginak Diau la dienjuakka pangkat tinggi diau agung ngan diregaui, karnau Diau la sengsarau enggut mati.

1 PITRUS 3:22

ngan la nayiak ke sergau. Mbak kini Diau duduak di sebela kanan Allah ngan merinta gegalau malaikat ngan penguasau ngan rua.

2 PITRUS 1:17

Kami adau di situ, masau Diau diregaui ngan diagungka Allah Bapak. Masau itu adau suarau jak di Allah diau Mahaagungtu ngiciakka, “Inila AnakKu diau Kusayangi diau melemakka atiKu.”

3 YUHANIS 1:7

Ughangtu bejalan endak nceritauka Yesus. Ughangtu ngerjaukanyau, anyautu nidau nerimau tuapau-apau jak di jemau diau nidau keruan Allah.

PENGINA'AN 1:5

ngan jak di Yesus Keristus diau nyatauka setu diau pacak dipercayaui. Diautu dulu sekali ngulang idup jak di mati mangku nguasaui rajau-rajau di deniauni. Diautu nyayangi kitau ngan mbibaska kitau jak di dusau karnau daghaHau,

PENGINA'AN 11:15

La udim itu malaikat diau ketujua ngembus terumpitau, mangku adau suarau nyaghing di sergau, kataunyau, “Diau nguasaui deniauni Tuhan kitau ngan Rajau Penyelamat diau la dijanjikaNyau. Diau ka merinta luak rajau selelamaunyau.”

PENGINA'AN 19:16

Di bajuAu ngan di balungAu ditulis namau, “Rajau gegalau rajau ngan Tuan gegalau tuan.”

PENGINA'AN 3:21

Jemau diau menang ka Kududuakka sebada duduak ngan Aku, luak Aku pulau la menang mangku duduak sebada duduak ngan BapakKu.

PENGINA'AN 5:12

Malaikattu benyanyi ngan suarau bias, “Anak Bebiri diau disembeliatu pantas ngan behak nerimau kuasau ngan kekayauan ngan pengertian ngan kekuatan. Diautu pantas diregaui ngan diagungka ngan dipuji!”