PILIPI 2:5 - PEJANJIAN EMPAI CERITAU ILUAK

⁵ Kamu mesti adau rupu'an ngan peghasauan luak Yesus Keristus.

PILIPI 2:5 Iomraidhean Croise

MATIUS 11:29

Tanggungkala selungku diau Kukenauka ngan kamu, mangku belajaghla jak di Aku, karnau Aku ngaligh ngan nidau geduak, mangku kamu ka njadi tenang.

LUKAS 22:27

Sapau diau lebia penting? Apu diau duduak makan, apu diau nepiakkanyau? Cengki jemau diau duduak makan. Anyautu Aku adau di guak kamu luak sughang budak.

RASUL 10:38

Kapu dighi la keruan katau Yesus, jemau Nasarittu, mbak bansau Diautu dipilia Allah ngan dienjuakkaNyau Rua Allah ngan kuasau, mangku Diautu pegi ke manau-manau endak ngerjauka setu diau iluak ngan meghadui gegalau jemau diau diarung iblis, karnau Allah nyertaui Diau.

RASUL 20:35

Ngan gegalaunyautu aku la ngenjuakka penauan ngan kapu dighi, bansau ngan kerjau luak itula kitau mesti nulung jemau diau nidau kuat. Kitau mesti ngingatka katau Tuhan Yesus diau dikiciakkaNyautu, ‘Iluakla ngenjuak sangkan nerimau!’ ”

RUM 14:15

Amun kamu nyakiti ati kantin kamu karnau makanan, kerjau kamutu nyatauka kamu nidau nyayangi diau. Jangan mbenasauka kantin kamu karnau makanan, karnau Keristus la mati batan endak diau.

RUM 15:3

Keristus pulau nidau merupuakka diriAu ajau. Di Injil ditulis, “Gegalau gela'an diau kaba asauka la Kutanggungka.”

RUM 15:5

Aku bedu'a, supayau Allah mbuat kamu suijauan ngan menau Keristus. Allahtu mbuat jemau tekun ngan tegua.

1 KURINTUS 10:33

Idupla luak aku. Aku beusaha endak melemakka ati gegalau jemau ngan carau luak manau kila, ukan batan endak kepentingan akunila, tapitu supayau banyak jemau diselamatka.

IPISUS 5:2

Idupla sangi sayangi luak Keristus nyayangi kitau. Diau la nyeraka nyawauNyau batan endak kitau njadi kerban diau iluak ngan melemakka ati Allah.

PILIPI 1:1

Jak di aku, Paulus, ngan Timutius diau bekerjau batan endak Yesus Keristus. Kami nulis surat ini batan endak kamu diau njadi umat Allah diau adau di Pilipi karnau percayau ngan Yesus Keristus ngan pulau batan endak pengulu jemau Keristen ngan penulungau.

1 PITRUS 2:21

Batan endak itula kamu la dipilia Allah, karnau Keristus la sengsarau batan endak kamu mangku njadi penauan batan endak kamu, supayau kamu ngikut carauNyau.

1 PITRUS 4:1

Keristus sengsarau di kayu salip. Karnau itu kamu pulau mesti berupuak luak Diau, karnau jemau diau sengsarau di deniauni nidau endak agi ngerjauka dusau.

1 YUHANIS 2:6

Jemau diau bekatau, bansau diau idup seghundak ngan Allah, jemautu mesti menau Keristus.