PILIPI 2:16 - PEJANJIAN EMPAI CERITAU ILUAK

¹⁶ masau kamu ngiciakka ceritau diau ngenjuakka idup. Amun kamu idup luak itu, mangku aku pacak mbanggaka kamu, masau Yesus Keristus datang agi. Itu njadi buktiau, bansau pejuanganku ukan nidau begunau ngan kerjauku adau asilau.

PILIPI 2:16 Iomraidhean Croise

MATIUS 10:27

Setu diau Kukiciakka aghi malam, kiciakkala aghi siang. Setu diau dibisiakka ngan kamu, kiciakkala jak di berendau.

LUKAS 12:8

“Ingatkala iluak-iluak, jemau diau ngaku'i Aku di mukau jemau, jemautu ka diaku'i Anak Manusiau di adapan malaikat-malaikat Allah.

YUHANIS 6:63

Rua Allahtu diau ngenjuakka idup. Kekuatan manusiau nidau bediau gunaunyau. Kici'anKu ini diau Kukiciakka ngan kapu dighi asalau jak di Rua Allah diau ngenjuakka idup.

YUHANIS 6:68

Katau Simun Pitrus, “Tuhan, amun kami pegi, kami njenguak sapau? Kici'an Dighi ajau diau ngenju'i idup empai selelamaunyau!

RASUL 13:26

Ui, kapu dighi pengadau Abraham ngan kapu dighi diau lain diau ta'at ngan Allah. Ceritau keselamatan la dikiciakka ngan kitau.

1 KURINTUS 1:8

Diau pulau ka neguaka ngan njagaui kamu enggut pengabisan, mangku kamu nidau becacat masau aghi Tuhan kitau Yesus Keristus datang.

1 KURINTUS 9:26

Itula sebapau aku belaghi adau tujuan. Lagi pulau aku nidau ninju asal ajau.

GALATIA 2:2

Aku pegi ke Yerusalim, karnau Allah la nyatauka ngan aku, bansau aku mesti pegi. Aku betemu ngan pengulu-pengulu jemau Keristen di situ, mangku aku ngiciakka ceritau iluak diau kukiciakka ngan jemau bangsau lain, supayau jangan kerjauku empuak senitu empuak mbak kini nidau bediau retiau.

GALATIA 4:11

Aku ghegak, kalu aku bulia keria ajau batan endak kamu.

PILIPI 1:10

Mangku kamu pacak milia diau iluak sekali, mangku idup kamu ka beresia ngan nidau becacat ngan nidau bediau buru'an tuapau kila, amun Keristus datang nanti.

PILIPI 1:6

Allah la mulai ngerjauka diau iluak di ati kamu. Mangku aku percayau nian, Diau ka neruska kerjauNyau diau iluaktu enggut udim, masau Yesus Keristus datang.

1 TESALUNIKA 2:19

Kamuni ngenian njadi aghapan kami ngan meriangka kami, karnau amun nanti Tuhan Yesus datang ngan kitau ngadapiNyau, kamuni pulau njadi kebanggaan kami.

1 TESALUNIKA 3:5

Itula sebapau aku ngajung Timutius, karnau aku nidau ta'an agi, mangku aku keruan nian, apu kamu percayau. Aku ghegak, kalu kamu la dicubaui iblis ngan dikalaka, mangku kerjau kami nidau bediau gatiau.

IBRANI 4:12

Katau Allahtu bekuasau ngan ngenjuakka idup. Tajamla katautu sangkan pedang bematau duau. Diau nusuak dalam nian endak nceghaika jiwa ngan rua, sendi-sendi ngan beghesi, mangku diau ngeruani serilau ngan rupu'an ati jemau.

1 PITRUS 1:23

Karnau katau Allah diau idup selelamaunyau kamu la dijadika manusiau empai diau adau ukan karnau manusiau diau ka mati, tapitu karnau Bapak diau selelamaunyau.

1 YUHANIS 1:1

Isi surat ini ngiciakka Pirman diau ngenjuakka idup. Diautu la adau jak di penembai, la kami dengagh ngan kinak ngan matau kaminila, lagi la kami kecakka ngan tangan kami nian.

PENGINA'AN 22:17

Rua Allah ngan buntingtu bekatau, “Mela!” Bilang jemau diau ndengaghkanyau bekatau pulau, “Mela!” Jemau diau aus datangla, mangku jemau diau endak ayiak diau ngenjuakka idup, ngambiakla, nidau nanti dibayighi!