PILIPI 2:15 - PEJANJIAN EMPAI CERITAU ILUAK

¹⁵ Mangku kamu nidau besala, luak anak-anak Allah diau nidau becacat ngan idup ngan benagh di guak jemau diau ja'at ngan bedusau. Mangku kamu luak bintang diau besinagh di langit nerangi deniau,

PILIPI 2:15 Iomraidhean Croise

MATIUS 10:16

“Dengaghkala, Aku ngajung kamu luak bebiri pegi di pugan setuau. Karnau itu kamu mesti cerdiak luak ulagh ngan tulus luak burung darau.

MATIUS 17:17

Katau Yesus, “Ui, kamuni jemau nidau percayau lagi sesat. Lamau beghapau agi Aku mesti guak kamu? Lamau beghapau agi Aku mesti ngaligh ngan kamu? Batakla anak itu ke sini!”

MATIUS 5:45

Ngan carau luak itu kamu njadi anak-anak Bapak kamu diau di sergau. Diautu numbuaka matauaghi batan endak jemau iluak ngan jemau diau ja'at pulau, ngan nughunka ujan batan endak jemau diau benagh ngan jemau diau nidau benagh pulau.

MATIUS 5:48

Kamu mesti sempernau luak Bapak kamu di sergau.”

LUKAS 1:6

Ughang duautu melemakka ati Allah, ta'at nian ngan gegalau perinta ngan ukum Tuhan.

LUKAS 6:35

Anyautu kamu, sayangila musua kamu, iluakla ngan ughangtu. Pinjamkala ngan jangan ngaghapka dibaliakkanyau. Amun luak itu, upa kamu ka besak, mangku kamu ka njadi anak-anak Allah diau Mahatinggi. Karnau Allah iluak ngan jemau diau nidau tau beterimau-kasia, ngan jemau diau ja'at pulau.

YUHANIS 5:35

Yuhanis luak lampu diau maghak ngan besinagh, anyautu kapu dighi riang ngan cayautu jerang ajau.

RASUL 2:40

Luak itula Pitrus ngiciak ngan ughangtu. Mangku ngan banyak katau lain diau ngajung ughangtu nian, supayau njawuaka diriau jak di jemau ja'attu diau ka diukum Allah.

RASUL 20:30

Lagi jak di kapu dighini pulau ka adau jemau diau ka ngiciakka ceritau diau nidau benagh. Ughangtu ngerjauka titu, mangku jemau diau la percayau ngan Yesus ka sesat ngan ngikut ughangtu.

RUM 16:19

Gegalau jemau la keruan kamu ta'at nian. Karnau itu aku riang ngan ceritau kamu. Aku endak, supayau kamu bepengertian ngan setu diau iluak, tapitu bigal ngan setu diau ja'at.

1 KURINTUS 1:8

Diau pulau ka neguaka ngan njagaui kamu enggut pengabisan, mangku kamu nidau becacat masau aghi Tuhan kitau Yesus Keristus datang.

2 KURINTUS 6:17

Karnau itu, “Tinggalkala jemau diau nidau keruan Allah, jawuaka diri kamu jak di ughangtu. Jangan ngecakka setu diau aram, mangku Aku ka nerimau kamu.

IPISUS 5:27

Ngan carau luak itu ughangtu pacak ngadap Diau ngan beresia ngan alap, nidau bediau cacat ngan celakau ngan tuapau kila diau karut.

PILIPI 1:10

Mangku kamu pacak milia diau iluak sekali, mangku idup kamu ka beresia ngan nidau becacat ngan nidau bediau buru'an tuapau kila, amun Keristus datang nanti.

PILIPI 3:6

Aku ta'at tegalau, mangku nganiayau jemau Keristen. Ceritau ukum agamau Yahudi aku nidau becacat.

1 TESALUNIKA 5:23

Aku bedu'a, supayau Allah ngenjuakka kamu damai ngan njadika kamu jemau diau idup nian batan endak Allah. Aku bedu'a, supayau Allah njagaui gegalau idup kamu, rua ngan jiwa kamu, mangku amun Tuhan kitau Yesus Keristus datang agi, kamu nidau bediau cacatau.

1 TIMUTIUS 3:10

Ughangtu mesti diuji kudai. Amun tenyatau jemautu pacak dipercayaui, mangku diau bulia nulung kerjau Tuhan.

1 TIMUTIUS 3:2

Karnau itu pengulu jemau Keristen mesti jemau diau nidau bediau salahau. Buntingau cuman sughang. Diau mesti nguasaui diriau, bepengertian, ngelapan, galak nerimau jemau di ghumahau, pacak ngajagh jemau.

1 TIMUTIUS 5:14

Itula sebapau aku endak, supayau randau mudau belaki agi, mangku adau anak, nyayia ghuma-tanggaunyau, mangku musua nidau pacak ngarutka namau kitau.

1 TIMUTIUS 5:20

Jemau diau maju bedusau tegughila di mukau gegalau jemau Keristen, mangku diau lain njadi takut.

1 TIMUTIUS 5:7

Kiciakka titu pulau ngan randau-randau, supayau ughangtu idup ngan nidau becelakau.

TITUS 1:6

Pengulu jemau Keristen mesti jemau diau nidau bediau salahau, buntingau cuman sughang. Anak-ana'au mesti percayau ngan Keristus ngan nidau pacak dikiciakka idup nidau senangaian ngan nidau pacak diatur.

TITUS 2:10

jangan maling. Anyautu ughangtu mesti maju iluak ngan ta'at. Mangku ajaghan Allah, Penyelamat kitau, maju dipuji jemau.

TITUS 2:15

Kiciakkala gegalaunyautu, ajaghla ngan tegughila ngan kuasau jemau diau ndengaghka kaba. Jangan enangka sughang kia nganggap kaba nidau bereti.

IBRANI 7:26

Imam Besak luak Yesus itula diau kitau perluka. Diautu beresia, nidau bediau sala ngan dusauNyau. Diau diasingka jak di jemau bedusau, mangku Diau ditinggika ke bada diau tinggi di sergau.

1 PITRUS 2:12

Carau idup kamu di guak jemau diau nidau keruan Allah mesti iluak nian. Mangku amun ughangtu ngiciakka kamu jemau ja'at, ughangtu maju nginak perembak kamu diau iluaktu, mangku ughangtu ka muji Allah masau Tuhan datang.

1 PITRUS 2:9

Anyautu kamunila bangsau diau dipilia, imam-imam diau kerjau batan endak rajau, bangsau diau idup beresia batan endak Allah, umat Allah itula. Allah milia kamu ngan mantau kamu ngeluagh jak di keleman endak masuak terangAu diau besinagh-sinagh, supayau kamu ngiciakka kerjauNyau diau nyeliatu.

2 PITRUS 3:14

Karnau itu, kantin-kantinku diau kusayangi, penarau nantika gegalaunyautu, beusahala nian, supayau kamu idup beresia ngan nidau becacat di adapan Allah ngan maju idup damai ngan Allah.

PENGINA'AN 2:5

Karnau itu ingatkala, la jawua nian kaba nyimpang! Ubaila jak di dusau kaba, kerjaukala setu diau kaba kerjauka masau empai percayau. Amun nidau, Aku ka datang endak ncabut tiang lampu kaba jak di badahau, amun kaba nidau ngubai perembak kaba.

PENGINA'AN 3:9

Kina'ila, jemau diau njadi anak iblis, pembu'ung diau ngakuak diriau jemau Yahudi awuak ukan. Ughangtu ka diseraka ngan kaba. Aku ka mbuat ughangtu njenguak kaba ngan nunduak di adapan kaba. Mangku ughangtu ngakuak, bansau Aku nyayangi kaba.