PILIPI 1:7 - PEJANJIAN EMPAI CERITAU ILUAK

⁷ Gegalau kamu maju adau di atiku. Nyela, sepantasau aku bepeghasauan luak itu tuadap kamu. Gegalau kamu la nulung aku ngan kerjauku diau dienjuakka Allah ngan aku, empuak masau aku dijilka, empuak masau aku na'anka ngan mbenaghka ceritau iluak itu.

PILIPI 1:7 Iomraidhean Croise

RASUL 20:23

Aku cuman keruan, setu diau dinyatauka Rua Allah di bilang kuta, bansau aku ka masuak jil ngan sengsarau.

RASUL 21:33

Kumandantu pegi guak Paulus nangkap diau, mangku ngajung anak-buahau ngebat diau ngan duau rantai ngan betanyau, “Sapau jemau ini? Tuapau la dikerjaukanyau?”

1 KURINTUS 13:7

Diau ta'an ngadapi gegalaunyau, percayau gegalaunyau, ngaghapka gegalaunyau, ta'an, ngaligh ngan gegalau penanggungan.

1 KURINTUS 9:23

Gegalaunyautu kukerjauka karnau ceritau iluak jak di Allah, supayau aku bulia bagian jak di Allah.

2 KURINTUS 3:2

Kamu itula surat pujian kami diau ditulis dalam ati kami, mangku pacak dikeruani ngan dibacau gegalau jemau.

2 KURINTUS 7:3

Aku ngiciak luak itu ukan endak nyalaka kamu. Tadi la kukiciakka, bansau kamu adau di ati kami, mangku kitau sekantin seidup semati.

GALATIA 5:6

Karnau amun kitau la idup seghundak ngan Keristus, apu besunat apu nidau besunat, itu nidau bediau retiau. Diau penting, percayau ngan Keristus, mangku itu nyatau ngan sayang kitau ngan jemau.

IPISUS 3:1

Itula sebapau akuni, Paulus, dijilka karnau Yesus Keristus batan endak kepentingan kamu diau ukan jemau Yahudi.

IPISUS 4:1

Itula sebapau, aku sughang kawalan diau dikawalka karnau bekerjau batan endak Tuhan. Mangku aku mintak nian, supayau kamu diau la dipilia Allah idup sesuai ngan piliantu.

IPISUS 6:20

Aku njadi ajungan batan endak ceritau iluak itu, mbak kini aku dalam jil. Du'akala aku, mangku aku beghani ngiciakka ceritau iluaktu, luak aku mesti ngiciakkanyau.

PILIPI 1:12

Aku endak, supayau kamu keruan, bansau setu diau la tejadi di aku mbuat tamba banyak jemau percayau ngan ceritau iluaktu.

PILIPI 1:13

Mangku penjagau istana ngan jemau lainau di sini la keruan galau, bansau aku dijilka karnau bekerjau batan endak Keristus.

PILIPI 1:14

Karnau aku dijilka, banyak jemau Keristen di sini tamba percayau ngan Tuhan, mangku tamba beghani ngiciakka katau Allah ngan nidau takut.

PILIPI 1:5

Aku beterimau-kasia ngan Allah, karnau kamu nulung aku ngiciakka ceritau iluak jak di penembaiau enggut mbak kini.

PILIPI 2:22

Kamu la keruan, bansau Timutiustu setia nian. Diau la sesamau bekerjau ngan aku endak nceritauka ceritau iluak jak di Allah. Kami ughang duau luak duau beghanak.

PILIPI 4:14

Luak manau kila, iluak pulau kerjau kamu la nulung aku, masau aku nanggung.

PILIPI 4:15

Kantin-kantinku di Pilipi, kamu keruan nian, bansau senitu, masau aku ninggalka Makedunia, masau ceritau iluaktu empai kukiciakka, nidau bediau jemau Keristen diau nulung aku lain jak di kamu. Cuman kamu itula diau meghasauka untung ngan rugi ngan aku.

PILIPI 4:3

Ngan kaba Sunsugus, kantinku diau pacak dipercayaui, aku mintak, supayau kaba nulung ughang duautu. Ughang duautu la sesamau bekerjau ngan aku endak ngiciakka ceritau iluak jak di Allah luak Kelimines ngan gegalau jemau lainau diau bekerjau ngan aku. Namau ughangtu la adau di buku jemau idup.

KULUSI 4:18

Pesan jak di aku, Paulus. Akunila nulis pesan ini. Ingatkala aku, bansau aku masia dalam jil. Aku bedu'a, supayau Tuhan iluak ngan kamu.

KULUSI 4:3

Du'akala pulau kami, supayau kami pacak ngiciakka ceritau resiau Keristus. Ikak aku ngerjauka titu, aku dijilka.

1 TESALUNIKA 5:5

Karnau gegalau kamu idup di terang, kamu temasuak anak terang. Kitau ukan jemau diau idup dalam keleman ngan nidau temasuak anak keleman.

2 TIMUTIUS 1:8

Karnau itu jangan kaba takut nceritauka Tuhan kitau ngan jangan pulau maluan aku dijilka karnau bekerjau batan endak Diau, tapitu kaba mesti ngikut sengsarau karnau ceritau iluak. Allah ka nulung kaba.

2 TIMUTIUS 2:9

Ikak ngiciakka ceritau iluaktu aku sengsarau, lagi dirantai luak bandit. Anyautu katau Allah nidau pacak dirantai.

PILEMUN 1:13

Sebenaghau aku endak na'an diau di sini, supayau diau pacak nulung aku genti kaba, selamau aku di jil ikak ngiciakka ceritau iluak jak di Allah.

IBRANI 3:1

Kantin-kantinku jemau Keristen, kamu pulau dipilia Allah. Rupuakkala nian ceritau Yesus. Diautu diajung Allah njadi Imam Besak di agamau diau kitau percayaui.

1 PITRUS 4:13

Anyautu kamu mesti riang, karnau kamu ngikut sengsarau ngan Keristus. Mangku kamu pulau ngikut riang nian, amun keagunganNyau diancakka nanti.

1 PITRUS 5:1

Aku mintak pengulu-pengulu jemau Keristen peratikala. Karnau aku sughang pengulu pulau ngan la nginak Keristus sengsarau ngan ngikut diagungka, amun keagungan Keristus dinyatauka nanti, mangku aku mintak nian,

2 PITRUS 1:13

Semasau aku gi idup, aku meghasau pantas ngingatka gegalaunyautu ngan kamu.

1 YUHANIS 3:14

Kitau la ngalia jak di mati ke idup nian. Kitau keruan titu, karnau kitau nyayangi kantin-kantin kitau. Jemau diau nidau nyayangi masia dalam kuasau maut.