PILIPI 1:27 - PEJANJIAN EMPAI CERITAU ILUAK

²⁷ Diau penting mbak kini, supayau idup kamu nurut ceritau Keristus itu. Mangku amun aku pacak datang, aku nginak, amun nidau pacak datang, aku ka ndengagh, bansau kamu tegua ngan sesamau bekerjau batan endak sutiak tujuan, diautu batan endak percayau nurut ceritau iluak.

PILIPI 1:27 Iomraidhean Croise

MATIUS 12:25

Anyautu Yesus keruan rupu'an ughangtu, mangku Diau bekatau, “Amun nenggeri teceghai-beghai sangi bemusuan, nenggeritu nidau ka beta'an. Lagi pulau amun jemau sedusun ngan seghuma nidau suijauan ngan bemusuan sughang ngan diau lain, ughangtu ka kacau.

RASUL 2:46

Idang aghi ughangtu maju seghundak di Ghuma Allah. Ughangtu makan, makan jamuan Tuhan jak di ghuma ke ghuma ngan riang ngan tulus ati.

RASUL 24:24

La udim bebeghapau aghi Pelikes ngan biniau Derusila diau jemau Yahudi ngajung njenguak Paulus, mangku ndengagh diau ngiciak ngiciakka ceritau percayau ngan Yesus Keristus.

RASUL 4:32

Jemau percayau suati serupu'an galau. Nidau bediau sughang kia diau bekiciak, bansau setu diau adau di diautu retaunyau diau sughang, gegalaunyau sesamau ngempuau.

RUM 1:16

Aku percayau nian ceritau iluak itu, karnau di ceritau iluaktu adau kuasau Allah diau nyelamatka gegalau jemau diau percayau, jemau Yahudi kudai, mangku jemau bangsau lain pulau.

RUM 1:5

Karnau Diau pulau kami disayangi Allah mangku dijadika rasul endak meregaui Keristus ngan mbimbing jemau jak di gegalau bangsau, supayau percayau ngan ta'at ngan Keristus.

RUM 1:9

Aku maju ndu'aka kamu, amun aku bedu'a. Allah keruan setu diau kukiciakkatu benagh. Batan endak Allah itula aku bekerjau nian ngan segenap atiku mangku ngiciakka ceritau iluak nceritauka Ana'Au.

RUM 10:8

Luak inila ditulis dalam Injil, “Katau Allah adau guak kamu, adau di mulut kamu ngan di ati kamu.” Itula katau diau kami kiciakka, bansau jemau mesti percayau.

RUM 15:16

Diautu ngajung aku bekerjau batan endak Yesus Keristus. Diau njadika aku imam batan endak ngiciakka ceritau iluak jak di Allah ngan jemau bangsau lain, supayau ughangtu nyeraka diriau ngan Allah endak idup melemakka ati Allah ngan diberesiaka Rua Allah.

RUM 15:29

Mangku aku keruan, amun aku datang berayak ngan kamu, aku ka mbatak banyak setu diau iluak jak di Keristus.

1 KURINTUS 1:10

Dalam namau Tuhan kitau Yesus Keristus aku mintak nian, supayau kamu suijauan ngan jangan adau diau bebala, anyautu kamu mesti semegi pendapat.

1 KURINTUS 15:58

Karnau itu, kantin-kantinku diau kusayangi, kuatkala ngan teguakala iman kamu. Bekerjaula maju batan endak Tuhan ngan ngenianau, karnau kamu keruan, bansau kerjau kamu batan endak Tuhan nidau ka keria ajau.

2 KURINTUS 13:11

Mangku, kantin-kantinku, kamu mesti riang ngan beusaha, supayau sempernau. Terimaula gegalau petuaku. Kamu mesti suijauan ngan idup bedamai sughang ngan diau lain. Mangku Allah ka nyayangi kamu ngan ngenjuakka damai ngan kamu.

2 KURINTUS 4:4

Ughangtu nidau percayau, karnau rua iblis diau nguasaui deniauni ngalangi rupu'an, supayau nidau ngerti ngan nidau nginak terang jak di ceritau iluaktu, ceritau keagungan Keristus diau luak gambaran Allah.

2 KURINTUS 9:13

Karnau keilu'an diau kamu nyataukatu banyak jemau Keristen di Yudia ka muji Allah, karnau nginak kamu ta'at ngan ceritau iluak jak di Keristus diau kamu ikutitu. Ughangtu ka muji Allah pulau, karnau kamu iluak ngan ngenjuak setu diau adau di kamu ngan gegalau jemau.

GALATIA 1:7

Sebenaghau nidau bediau injil lain. Anyautu adau jemau diau ngacauka kamu, endak ngubai ceritau iluak jak di Keristus.

IPISUS 1:13

Kamu pulau la njadi umatAu, masau kamu ndengagh katau Allah, ceritau iluak diau nyelamatka kamu. Kamu la percayau ngan Keristus, mangku kamu ditandaui Rua Allah diau dijanjikaNyautu.

IPISUS 1:15

Itula sebapau jak aku ndengagh, bansau kamu percayau ngan Tuhan Yesus ngan nyayangi gegalau umat Allah,

IPISUS 4:1

Itula sebapau, aku sughang kawalan diau dikawalka karnau bekerjau batan endak Tuhan. Mangku aku mintak nian, supayau kamu diau la dipilia Allah idup sesuai ngan piliantu.

PILIPI 1:5

Aku beterimau-kasia ngan Allah, karnau kamu nulung aku ngiciakka ceritau iluak jak di penembaiau enggut mbak kini.

PILIPI 2:12

Kantin-kantinku diau kusayangi, kamu maju ta'at ngan aku, masau aku guak kamu, mangku mbak kini masau aku jawua, kamu mesti lebia ta'at agi. Beusahala maju, supayau keselamatan kamu njadi nyatau. Kerjaukala titu ngan takut ngan meregaui Allah.

PILIPI 2:24

Mangku aku percayau, amun Tuhan kenda'i, aku pulau nidau lamau agi ka berayak ngan kamu.

PILIPI 3:18

Aku la rajin ngiciakka ngan kamu, mbak kini kukiciakka agi sampai nangis, banyak jemau idup njadi musua salip Keristus.

PILIPI 3:20

Anyautu kitauni jemau diau behak di sergau. Jak di situla pulau kitau nantika ngan ghindu nian ngan Tuhan Yesus Keristus, Rajau Penyelamat kitau.

PILIPI 4:1

Karnau itu, kantin-kantinku diau kusayangi, majula percayau nian ngan Tuhan. Aku ghindu nian ngan kamu. Kamula mbuat aku riang ngan bangga.

KULUSI 1:10

Mangku kamu pacak idup nurut kendak Allah ngan maju melemakka atiAu, mangku ngan tuapau kila kamu pacak ngerjauka diau iluak ngan tamba ngeruani setu diau benagh ceritau Allah.

KULUSI 1:4

karnau kami la ndengagh ceritau kamu percayau ngan Yesus Keristus ngan kamu nyayangi gegalau umat Allah.

1 TESALUNIKA 3:6

Mbak kini Timutius la baliak jak di kamu ngan ngiciakka ngan kami ceritau diau meriangka, bansau kamu maju percayau ngan sangi sayangi. Diau ngiciakka, bansau kamu maju mbuat ingatan diau iluak ngingatka ceritau kami guak kamu, ngan bansau kamu ghindu endak betemu ngan kami, semegi luak kami ghindu endak betemu ngan kamu.

1 TESALUNIKA 4:1

Mangku mbak kini, kantin-kantinku, kami ngajung kamu idup melemakka ati Allah, semegi ngan diau la kami kiciakka ngan kamu senitu. Nyela, kamu la ngerjaukanyau. Anyautu mbak kini ngan kuasau Tuhan Yesus kami ngajung kamu tamba beusaha agi melemakka ati Allah.

1 TIMUTIUS 1:11

Ajaghantu adau di ceritau iluak diau la dipercayauka ngan aku endak dikiciakka. Ceritautu asalau jak di Allah diau agung ngan pantas dipuji.

1 TIMUTIUS 1:19

Bejuangla ngan percayau ngan Keristus ngan ati diau beresia. Adau jemau diau nidau nyanauka suarau ati keci'au, mangku iman ughangtu kacau.

2 TIMUTIUS 4:7

Aku la ngikut tandingan ngan iluak, la sampai ke batasau. Aku maju percayau ngan Keristus.

TITUS 2:10

jangan maling. Anyautu ughangtu mesti maju iluak ngan ta'at. Mangku ajaghan Allah, Penyelamat kitau, maju dipuji jemau.

PILEMUN 1:5

Karnau aku la ndengagh, bansau kaba nyayangi gegalau umat Allah ngan percayau nian ngan Tuhan Yesus.

YAKUBUS 3:18

Nyela, keilu'an diasilka jak di damai jak di jemau diau galak damai.

2 PITRUS 3:11

Amun gegalaunyau ka abis ngan carau luak itu, mangku kamu mesti idup beresia batan endak Allah ajau ngan ta'at ngan Diau,

2 PITRUS 3:14

Karnau itu, kantin-kantinku diau kusayangi, penarau nantika gegalaunyautu, beusahala nian, supayau kamu idup beresia ngan nidau becacat di adapan Allah ngan maju idup damai ngan Allah.

YUDAS 1:3

Kantin-kantinku diau kusayangi. Aku endak nian nulis ngan kamu ceritau selamat diau la kitau alami galau. Anyautu mbak kini aku terupuak nuliska ini endak neguaka kamu, mangku kamu maju beusaha batan endak ajaghan diau benagh diau la dienjuakka Allah ngan umatAu.