PILIPI 1:23 - PEJANJIAN EMPAI CERITAU ILUAK

²³ Aku didesak setu duau mecam: Aku endak nian ninggalka deniauni pegi seghundak ngan Keristus, karnau titu diau iluak sekali batan endak aku.

PILIPI 1:23 Iomraidhean Croise

LUKAS 12:50

Adau sengsarau diau mesti Kualami. Mangku atiKu kelang-kedia nian, antak ka titu tejadi.

LUKAS 23:43

“Percayaula,” katau Yesus, “Saghini kaba ka adau ngan Aku di sergau.”

LUKAS 8:38

Jemau diau la dighadui jak di iblistu mintak, supayau diau bulia ngikut. Anyautu Yesus ngajung diau baliak,

YUHANIS 12:26

Jemau diau endak bekerjau batan endak Aku, diau mesti ngikut Aku, mangku anak-buaKu adau guak Aku di badaKu. Mangku jemau diau bekerjau batan endak Aku diregaui BapakKu.”

YUHANIS 13:1

Mbak pagi di aghiau aghi rerayau Paska ka lasung, Yesus la keruan, bansau masauNyau la sampai Diau ninggalka deniau ini njenguak Bapa'Au. Yesus la nyayangi anak-buaHau, mangku Diau maju nyayangi ughangtu enggut pengabisanNyau.

YUHANIS 14:3

La udim Aku pegi ke situ ngan nyediauka bada batan endak kamu, Aku ka ngulang agi, mangku mbatak kamu ke badaKu, supayau di manau badaKu, di situ pulau bada kamu.

YUHANIS 17:24

Bak, Aku endak, supayau jemau diau Dighi enjuakka ngan Aku adau guak Aku di badaKu, mangku ughangtu nginak keagungan diau la Dighi enjuakka ngan Aku, karnau Dighi la nyayangi Aku antak ka deniau adau.

RASUL 7:59

Setipanus dang disipati, diau bedu'a, kataunyau, “Tuhan Yesus, terimaula ruaku.”

2 KURINTUS 5:8

Karnau itu ati kami tegua. Kami endak nian bibas jak di badan kamini, mangku pacak mendam ngan Tuhan.

2 KURINTUS 6:12

Kami nidau nukup ati kami batan endak kamu. Cuman kamu diau nukup ati batan endak kami.

PILIPI 1:24

Anyautu batan endak kepentingan kamu iluakla aku maju di deniau.

1 TESALUNIKA 2:1

Kantin-kantinku, kamuni pulau la keruan, bansau banyak asilau, masau kami datang guak kamu.

1 TESALUNIKA 2:13

Adau semecam agi diau mbuat kami beterimau-kasia ngan Allah. Masau kami ngiciakka ngan kamu ceritau jak di Allah, kamu ndengagh ngan nerimau ceritautu, ukan luak kici'an manusiau, tapitu luak ceritau jak di Allah. La nyela nian katau Allah. Diautu dang bekerjau dalam ati kamu diau percayau.

1 TESALUNIKA 4:17

La udim itu kitau diau gi idup masau itu ka dinayiakka ke aban serempak ngan ughangtu endak betemu ngan Tuhan di awang-awang. Mangku kitau ka maju guak Tuhan selelamaunyau.

2 TIMUTIUS 4:6

Ceritau aku la sampai masaunyau aku ka mati luak dikerbanka batan endak Allah. Jerang agi aku ka ninggalka deniauni.

PENGINA'AN 14:13

Mangku aku ndengagh suarau jak di sergau ngiciak, “Tuliskala! Mulai mbak kini riangla jemau mati diau mati la percayau ngan Tuhan.” “Nyela!” Katau Rua Allah, “Mangku ughangtu pacak gheghadu jak di kerjaunyau diau ngeriakatu, karnau asil kerjau ughangtu ka maju ngikut ughangtu.”