PILIPI 1:21 - PEJANJIAN EMPAI CERITAU ILUAK

²¹ Amun aku, idup batan endak Keristus; amun aku mati, aku untung.

PILIPI 1:21 Iomraidhean Croise

1 KURINTUS 1:30

Kamu seghundak ngan Keristus karnau Allah. Kitau bepengertian karnau Keristus. Diautu mbenaghka kitau ngan njadika kitau umat Allah ngan mbibaska kitau.

1 KURINTUS 3:22

empuak Paulus, empuak Apulus, empuak Pitrus, empuak deniau, empuak idup, empuak mati, empuak masau mbak kini, empuak masau nanti; gegalaunyautu hak kamu.

2 KURINTUS 5:1

Badan kitau diumpamauka ngan anjung. Mangku kitau keruan, amun anjung diau kitau tunggu di deniauni la dileghak, Allah nyediauka ghuma di sergau batan endak kitau diau nidau dibuat jemau mangku ta'an selelamaunyau.

2 KURINTUS 5:6

Mangku kami maju meghasau tegua, empuak kami keruan, semasau kami gi mendam di badan kamini, kami gi jawua jak di ghuma diau ka kami tunggu ngan Tuhan.

2 KURINTUS 5:8

Karnau itu ati kami tegua. Kami endak nian bibas jak di badan kamini, mangku pacak mendam ngan Tuhan.

GALATIA 2:20

Mbak kini ukan agi aku diau idup, tapitu Keristus idup dalam diriku. Mangku mbak kini aku idup karnau percayau ngan Anak Allah diau la nyayangi aku ngan nyeraka nyawauNyau batan endak aku.

GALATIA 6:14

Anyautu akuni dikit kiala nidau endak mbanggaka diriku, lain jak di Tuhan kitau Yesus Keristus diau mati di kayu salip. Karnau Diau la mati di kayu salip, mangku deniau nidau bereti agi ngan aku, ngan deniauni aku meghasau mbak asau la mati.

PILIPI 1:20

Aku endak nian ngan ngaghapka, supayau aku maju ngerjauka diau benagh. Aku ngaghapka, supayau luak jak di senitu mangku pulau mbak kini Keristus diregaui ngan gegalaunyau diau kukiciakka ngan kukerjauka, empuak aku idup empuak aku mati.

PILIPI 1:22

Anyautu amun idup di deniauni, aku pacak ngerjauka diau begunau, mangku aku nidau keruan, manau diau mesti kupilia.

PILIPI 1:23

Aku didesak setu duau mecam: Aku endak nian ninggalka deniauni pegi seghundak ngan Keristus, karnau titu diau iluak sekali batan endak aku.

PILIPI 2:21

Gegalau jemau lainau cuman ngerjauka kepentingan diriau ajau, ukan kepentingan Yesus Keristus.

KULUSI 3:4

Idup diau ngenianau itu idup seghundak ngan Keristus. Mangku amun Keristus datang nanti, kamu ka adau ngan Diau dalam keagunganNyau.

PENGINA'AN 14:13

Mangku aku ndengagh suarau jak di sergau ngiciak, “Tuliskala! Mulai mbak kini riangla jemau mati diau mati la percayau ngan Tuhan.” “Nyela!” Katau Rua Allah, “Mangku ughangtu pacak gheghadu jak di kerjaunyau diau ngeriakatu, karnau asil kerjau ughangtu ka maju ngikut ughangtu.”