PENGINA'AN 21:8 - PEJANJIAN EMPAI CERITAU ILUAK

⁸ Anyautu jemau diau penakut, jemau diau nidau percayau, jemau najis, pembunua, jemau menaugawia, dukun, jemau nyemba diwau, ngan gegalau pembu'ung ka dicapakka ke dalam laut api diau maghak ngan belirangtu. Itula kematian diau keduau.”

PENGINA'AN 21:8 Iomraidhean Croise

PENGINA'AN 2:11

Jemau diau betelingau dengaghkala setu diau dikiciakka Rua Allah ngan jemau Keristen! Jemau diau menang nidau ka ngapau-ngapau ngan kematian diau keduau.’ ”

PENGINA'AN 22:15

Anyautu anjing ngan dukun, jemau diau menaugawia ngan mbunua ngan nyemba diwau, penipu ngan pembu'ung, gegalau ughangtu nidau pacak masuak.

1 YUHANIS 3:15

Jemau diau luat ngan kantinau, jemautu tukang bunua jemau. Mangku kamu keruan, bansau tukang bunua nidau bulia idup selelamaunyau.

PENGINA'AN 19:20

Mangku benatangtu ditangkap serempak ngan cak nabi diau la ngerjauka tandau nyelia di adapan benatangtu. Ngan carau luak itu diautu nyesatka jemau diau nerimau tandau benatang ngan nyemba patungautu. Benatang ngan nabitu dicapakka idup-idup dalam laut api diau maghak ngan belirang.

IBRANI 13:4

Gegalau kamu mesti meregaui pekawinan. Laki bini mesti sangi sayangi. Jemau nakal ngan jemau diau menaugawia ka diukum Allah.

1 TIMUTIUS 4:2

Ughangtu ditipuka jemau diau mbu'ung ngan ati keci'au la tekatup.

MATIUS 8:26

Yesus ngiciak ngan ughangtu, “Ngapau kamu takut? Ngapau kamu nidau percayau?” Diau bangun mbentak angin ngan danau, mangku danautu tenang.

PENGINA'AN 9:21

Ughangtu nidau ngubai jak di kerjau kuasau gelap, mbunua, menaugawia ngan maling.

YUHANIS 8:44

Bak kapu dighi Iblis, mangku kapu dighi endak nuruti kendak bak kapu dighi. Iblistu pembunua manusiau jak di senitu. Diau nidau kekela idup benagh, karnau nidau bediau setu diau benagh di diau. Amun diau mbu'ung, itu biasau, karnau luak itula caraunyau, karnau diau pembu'ung ngan bak gegalau pembu'ung.

MATIUS 10:28

Jangan kamu penakut ngan jemau diau cuman pacak mbunua badan, tapitu nidau bekuasau mbunua jiwa. Takutla ngan Allah diau bekuasau mbenasauka dalam nerakau badan ngan jiwa.

1 YUHANIS 2:22

Sapau pembu'ung, amun ukan jemau diau ngiciakka, Yesus ukan Mesias, Rajau Penyelamat, diau dijanjika Allahtu? Jemau itu musua Keristus, nidau ngaku'i Allah Bapak ngan Anak.

1 YUHANIS 5:10

Jemau diau percayau ngan Anak Allah nerimau kici'anNyautu dalam atiau. Anyautu jemau diau nidau percayau ngan Allah nganggap Allah pembu'ung, karnau nidau percayau diau dikiciakkaNyau ceritau Ana'Au.

PENGINA'AN 2:2

Aku keruan kerjau kaba. Aku keruan, kaba bekerjau mati-matian ngan tekun nian. Aku keruan, kaba nidau pacak ngaligh ngan jemau ja'at. Mangku jemau diau ngakuak diriau rasul awuak ukan, la kaba uji. Mangku kaba la keruan, bansau ughangtu pembu'ung.

2 TESALUNIKA 2:9

Jemau Ja'attu ka datang ngan kuasau Iblis, mangku diau ka ngadauka gegalau mecam tandau nyelia ngan bemecam tipuan.

IBRANI 12:24

Kamu ngadap Yesus diau mbuat janji empai ngan dipegheciakka dagha mangku njamin setu diau lebia iluak jak di dagha Abil.

TITUS 1:16

Ughangtu bekatau, bansau ughangtu keruan Allah, awuak perembak ughangtu nidau ngaku'i Allah. Ati ughangtu ja'at ngan melawan ngan nidau pacak ngerjauka setu diau iluak.

PENGINA'AN 9:17

Luak inila aku nginak kudau itu ngan jemau diau di pucu'au. Ughangtu pakai baju besi diau abang luak api ngan ijang ngan kuning luak belirang. Palak kudautu luak palak setuau. Jak di mulutau ngeluagh api ngan asap ngan belirang.

PENGINA'AN 14:10

mangku jemautu ka minum jak di anggur Allah, diautu anggur maraHau diau nidau beundak. Mangku jemautu ka disiksau dalam api ngan belirang di adapan malaikat suci ngan Anak Bebiritu.

PENGINA'AN 21:27

Anyautu jemau diau ngerjauka setu diau meghegingka ngan penipu ngan tuapau kila diau najis nidau ka masuak ke dalamau. Diau masuak cuman jemau diau namaunyau ditulis dalam kitab jemau idup diau adau di Anak Bebiritu.

MATIUS 25:25

Aku takut, mangku pegi nyemunika tanci dighi dalam tana. Inila tanci dighi!’

MARKUS 9:44

Di situ ulat nidau ka mati, api nidau ka padam.]