PENGINA'AN 21:2 - PEJANJIAN EMPAI CERITAU ILUAK

² Mangku aku nginak kuta diau beresia, diautu Yerusalim empai, tughun jak di sergau jak di Allah. Kutatu luak bunting diau la didandani endak betemu pengantinan.

PENGINA'AN 21:2 Iomraidhean Croise

YUHANIS 3:29

Jemau diau bebunting diautu pengantinan. Kantin pengantinantu ngantininyau ngan ndengaghkanyau ajau, mangku diau riang, amun ndengagh suarau pengantinantu. Luak itu pulau ngan aku. Mbak kini atiku riang nian.

2 KURINTUS 11:2

Aku nyanauka kamu nian luak Allah nyanauka kamu. Aku la njanjika kamu ngan Keristus. Mangku aku endak, supayau kamu maju beresia luak sughang gadis beresia enggut aghi nika.

IBRANI 11:10

Mangku Abrahamtu nungguka kuta diau direncanauka ngan ditegakka Allah ngan pelapiak diau kuat.

IBRANI 11:16

Anyautu ughangtu meghinduka bada diau lebia iluak, diautu bada diau di sergau. Itula sebapau Allah nidau maluan dikiciakka Allah ughangtu, karnau Allah la nyediauka sutiak kuta batan endak ughangtu.

IBRANI 12:22

Anyautu diau kamu adapitu bukit Siun ngan kuta Allah diau ngenjuakka idup, Yerusalim di sergau ngan beribu-ribu malaikatau.

IBRANI 13:14

Di deniauni kitau nidau bediau bada netap. Kitau dang ndalak bada selelamaunyau.

PENGINA'AN 1:1

Inila ceritau diau dinyatauka Yesus Keristus nceritauka setu diau ka tejadi. Allah ngiciakkanyau ngan Keristus, mangku diancakkaNyau ngan budak-budak Allah setu diau mesti tejadi. Diautu ngajung malaikatAu endak nyataukanyau ngan Yuhanis, buda'Autu.

PENGINA'AN 1:4

Ngan kantin-kantin jemau Keristen diau di tujua kuta di daira Asia Keciak aku, Yuhanis, nulis ini. Aku bedu'a, supayau kamu meghasauka keilu'an ngan damai jak di Allah. Allahtu la adau jak di senitu enggut mbak kini ngan maju ka adau. Keilu'an ngan damaitu pulau jak di tujua rua diau adau di adapanNyau

PENGINA'AN 1:9

Aku Yuhanis, kantin kamu diau semegi nanggungau luak diau dighasauka bilang anak-bua Keristus. Kitauni maju ta'an sengsarau karnau njadi umatAu. Aku dicapakka ke pulau Patmus, karnau aku ngiciakka katau Allah ngan ngiciakka Yesus Keristus.

PENGINA'AN 11:2

Anyautu tengalaman diau di luagh jangan diukur, karnau la dienjuakka ngan jemau diau nidau keruan Allah. Ughangtu ka nginja'i kuta diau beresiatu selamau empat pulua duau bulan.

PENGINA'AN 21:10

La udim itu aku dikuasaui Rua Allah mangku dibatak malaikattu ke gunung diau besak lagi tinggi, ditunjuakkanyau ngan aku kuta diau beresiatu, diautu Yerusalim diau tughun jak di sergau jak di Allah.

PENGINA'AN 21:9

La udim itu datang sughang jak di tujua malaikat tadi diau mbatak tujua pan diau penua ngan tujua sengsarau diau mendian, mangku diau bekatau ngan aku, “Mela ke sini. Aku ka nunjuakka ngan kaba bunting Anak Bebiri.”

PENGINA'AN 22:17

Rua Allah ngan buntingtu bekatau, “Mela!” Bilang jemau diau ndengaghkanyau bekatau pulau, “Mela!” Jemau diau aus datangla, mangku jemau diau endak ayiak diau ngenjuakka idup, ngambiakla, nidau nanti dibayighi!

PENGINA'AN 22:19

Mangku amun adau jemau diau ngurangka katau isi kitabni, mangku Allah ka ngambiak bagiannyau jak di batang diau ngenjuakka idup ngan ha'au masuak kuta sucitu, luak la ditulis dalam kitabni.”

PENGINA'AN 3:12

Jemau diau menang ka Kujadika tiang di Ghuma Allah diau suci, mangku diau adau di bada itu selelamaunyau. Di diau ka Kutuliska namau Allah ngan namau kuta Allah, diautu Yerusalim empai diau ka tughun jak di sergau jak di Allah, ngan pulau namauKu diau empai ka Kutuliska di diau.