LUKAS 9:44 - PEJANJIAN EMPAI CERITAU ILUAK

⁴⁴ “Dengaghkala iluak-iluak katauKu ini: Anak Manusiau ka diseraka di tangan manusiau.”

LUKAS 9:44 Iomraidhean Croise

MATIUS 16:21

Jak masau itu Yesus mulai ngiciakka ngan anak-buaHau, bansau Diau mesti pegi ke Yerusalim, mangku meghasauka banyak penanggungan jak di pengulu-pengulu, imam-imam bepangkat tinggi ngan guru-guru ukum Taurat. Diau mesti dibunua, mangku la duau malam Diau ka idup agi.

MATIUS 26:2

“Kamu keruan duau aghi agi aghi rerayau Paska, mangku Anak Manusiau ka diseraka endak dipakuka di kayu salip.”

MARKUS 8:31

La udim itu Yesus mulai ngajaghi anak-buaHau, bansau Anak Manusiau mesti meghasauka banyak penanggungan ngan nidau pulau diterimau tuau-tuau, imam-imam bepangkat tinggi ngan guru-guru ukum Taurat, mangku dibunua. La udim duau malam Diau ka ngulang idup agi.

MARKUS 9:31

karnau Diau dang ngajagh anak-buaHau. KatauNyau, “Anak Manusiau ka diseraka ngan manusiau. Diau ka dibunua, mangku udim duau malam Diau ka idup agi.”

LUKAS 1:66

Gegalau jemau diau ndengaghka ceritau itu merupuakkanyau mangku betanyau, “Njadi tuapau budak keciak itu nanti?” Karnau kuasau Tuhan nyertauinyau.

LUKAS 18:31

Yesus mantau duau belas anak-buaHau mangku bekatau ngan ughangtu, “Dengaghkala, mbak kini kitau ngancamka Yerusalim, mangku gegalaunyau diau ditulis nabi-nabi ceritau Anak Manusiau ka ditepati.

LUKAS 2:19

Maria masuakka ceritau tadi dalam atiau mangku dirupuakkanyau.

LUKAS 2:51

La udim itu Diau baliak ke Nasarit serempak ngan enduak-bapa'Au. Diau maju na'ati perinta ughangtu. Gegalaunyautu disimpan dalam ati endu'Au.

LUKAS 24:44

Udim itu Yesus bekatau ngan ughangtu, “Inila kici'anKu diau la Kukiciakka ngan kamu, timpau Aku gi seghundak ngan kamu, bansau gegalaunyau diau tetulis dalam kitab Taurat, kitab Nabi ngan kitab Masmur mesti tejadi.”

LUKAS 9:22

Yesus bekatau, “Anak Manusiau mesti banyak nanggungka sengsarau. Diau nidau ka diterimau pengulu-pengulu, imam-imam bepangkat tinggi ngan guru-guru ukum Taurat. Diau ka dibunua, mangku la duau malam Diau ka idup agi.”

YUHANIS 16:31

Katau Yesus, “Mbak kini kamu percayau?

YUHANIS 16:4

Anyautu gegalaunyautu Kukiciakka ngan kamu, mangku amun masaunyau la sampai, kamu teghingat, bansau Aku la ngiciakkanyau ngan kamu.” “Pekarau ini nidau Kukiciakka ngan kamu jak di senitu, karnau Aku masia betunggal ngan kamu.

YUHANIS 19:11

Yesus nimbal, “Dighi nidau bekuasau ngan Aku, amun kuasau itu nidau dienjuakka Allah ngan dighi. Karnau itu, besakla dusau jemau diau nyeraka Aku ngan dighi.”

RASUL 2:23

Nurut rencanauNyau Allah la nyeraka Diau, la kapu dighi bunua ngan ngajung jemau ja'at makuka Diau di kayu salip.

IBRANI 2:1

Itula sebapau kitau mesti meratika nian ajaghan diau la kitau dengagh, mangku kitau jangan ngikut anyut.