LUKAS 6:19 - PEJANJIAN EMPAI CERITAU ILUAK

¹⁹ Gegalau jemau banyaktu ncubau ngecakkaNyau, karnau adau kuasau ngeluagh jak di Diau, mangku gegalau ughangtu dighadukaNyau galau.

LUKAS 6:19 Iomraidhean Croise

MATIUS 14:36

Ughangtu mintak, supayau bulia nginggut bajuAu, empuak cuman ujungau ajau. Mangku gegalau jemau diau nginggutau ghadu.

MARKUS 3:10

Diau banyak meghaduka jemau, mangku gegalau jemau buidapan besesela'an masighi Diau endak ngecakkaNyau.

MARKUS 5:30

Masau itu pulau Yesus teghasau, bansau adau kuasau ngeluagh jak di Diau, mangku Diau nulia ke jemau banyak itu ngan betanyau, katauNyau, “Sapau mbibit bajuKu?”

MARKUS 6:56

Di manau kila Yesus datang, empuak di kuta, empuak di dusun, empuak di talang, jemau mbata'i jemau buidapan ke lapangan ngan mintak, supayau diajung mbibit baju Yesus, empuak cuman ujungAu. Mangku gegalau jemau diau mbibitau ghadu galau.

MARKUS 8:22

La udim itu Yesus ngan anak-buaHau sampai di Betsaida. Di situ adau jemau mbatak sughang jemau butau njenguak Yesus, mangku mintak Diau nepiakka tanganAu di mataunyau.

LUKAS 5:17

Yesus dang ngajagh, adau jemau Parisi ngan guru-guru ukum Taurat. Ughangtu datang jak di gegalau dusun di Galilia ngan Yudia, jak di Yerusalim pulau. Kuasau Tuhan adau di Yesus, mangku Diau pacak meghaduka jemau buidapan.

LUKAS 6:18

Ughangtu datang endak ndengaghka Yesus, endak dighadui idapannyau. Jemau diau diarung rua-rua ja'at dighaduiNyau pulau.

RASUL 19:12

Lagi setangan ngan kain diau la dipakai Paulus dibatak jemau, ditepiakka di jemau buidapan, mangku idapannyau ghadu ngan rua sitan ngeluagh jak di ughangtu.

1 PITRUS 2:9

Anyautu kamunila bangsau diau dipilia, imam-imam diau kerjau batan endak rajau, bangsau diau idup beresia batan endak Allah, umat Allah itula. Allah milia kamu ngan mantau kamu ngeluagh jak di keleman endak masuak terangAu diau besinagh-sinagh, supayau kamu ngiciakka kerjauNyau diau nyeliatu.