LUKAS 3:7 - PEJANJIAN EMPAI CERITAU ILUAK

⁷ Banyak jemau datang mintak dibaptiska, mangku Yuhanis ngiciak ngan ughangtu, kataunyau, “Ui, kamuni jemau ja'at luak ulagh! Sapau ngiciak ngan kamu pacak ngilakka jak di ukuman Allah nanti?

LUKAS 3:7 Iomraidhean Croise

MATIUS 12:34

Ui, kamu jemau ja'at. Manau ka adau kamu pacak ngiciakka setu diau iluak, amun kamu ja'at. Setu diau dikiciakka mulut, itula diau ngeluagh jak di ati.

MATIUS 23:33

Ai, kapu dighi jemau ja'at ngan pengadau jemau ja'at luak ulagh bebisau. Luak manau kapu dighi pacak nyelamatka diri jak di ukuman di nerakau?

MATIUS 3:6

Ughangtu ngaku'i dusau-dusaunyau mangku dibaptis Yuhanis di ayiak Yurdan.

YUHANIS 8:44

Bak kapu dighi Iblis, mangku kapu dighi endak nuruti kendak bak kapu dighi. Iblistu pembunua manusiau jak di senitu. Diau nidau kekela idup benagh, karnau nidau bediau setu diau benagh di diau. Amun diau mbu'ung, itu biasau, karnau luak itula caraunyau, karnau diau pembu'ung ngan bak gegalau pembu'ung.

RASUL 13:10

kataunyau, “Ui, kabani anak iblis. Kaba penipu ngan penja'at. Kaba musui gegalaunyau diau benagh. Kaba nidau mandak merusakka rencanau Allah diau endak nyelamatka manusiau.

1 TESALUNIKA 1:10

Ughangtu ngiciakka pulau ceritau kamu ngaghapka Anak Allah datang jak di sergau, diautu Yesus diau la diidupka Allah jak di mati. Yesus itula diau nyelamatka kitau jak di mara Allah diau ka datangtu.

IBRANI 6:18

Duau mecamtu nidau pacak beghuba, diautu janji ngan sumpa. Allah nidau ka adau mbu'ung ceritautu. Mangku kitau diau la njenguak Allah endak selamat diteguaka nian, supayau maju ngaghapka setu diau dijanjikatu ngan kitau.

1 YUHANIS 3:8

Jemau diau maju bedusau asalau jak di Iblis, karnau Iblis bedusau jak di penembai. Batan inila Anak Allah datang, endak ngancurka kerjau Iblis itu.