LUKAS 22:66 - PEJANJIAN EMPAI CERITAU ILUAK

⁶⁶ Aghitu la siang, tuau-tuau jemau Yahudi ngan imam-imam bepangkat tinggi ngan guru-guru ukum Taurat betunggal, mangku Yesus dibata'i ngadap pengadilan agamau.

LUKAS 22:66 Iomraidhean Croise

MATIUS 27:1

Aghi gi akap nianan, gegalau imam bepangkat tinggi ngan tuau jemau Yahudi betunggal mutuska endak mbunua Yesus.

MATIUS 5:22

Anyautu mbak kini Akuni bekatau ngan kamu luak ini: Jemau diau marai kantinau mesti diukum. Jemau diau ngiciakkanyau ‘buyan’, mesti diadapka ngan pengadilan agamau. Mangku jemau diau ngiciakkanyau ‘kapir’, arus dicapakka dalam api nerakau.

MARKUS 15:1

Paghak siang imam-imam bepangkat tinggi, tuau-tuau, guru-guru ukum Taurat ngan gegalau pengadilan agamau buijau ngambiak kesimpulannyau. Yesus dighimpus, dibatak mangku diserakanyau ngan Pilatus.

YUHANIS 18:28

Gi akap nian Yesus dibatak jak di ghuma Kayapas ke bada gubernur. Jemau Yahudi nidau masuak ke bada gubernur itu, mangku nidau aram, karnau ughangtu endak ngikut makan Paska.

RASUL 22:5

Imam Besak ngan gegalau pengulu kitau pacak nceritauka, bansau aku nidau mbu'ung. Ughang itula la ngenjuakka surat kuasau ngan aku batan endak nangkap jemau diau ngikut ajaghan empaitu diau adau di Damsik. Mangku aku pegi ke situ endak nangkap jemau diau ngikut ajaghan empaitu diau adau di situ, mangku mbata'i ughangtu ke Yerusalim endak diukum.”