LUKAS 22:36 - PEJANJIAN EMPAI CERITAU ILUAK

³⁶ “Mbak kini,” katau Yesus, “Amun adau unjut, batakla, pedang pulau. Amun nidau bediau, jualkala baju mangku beli pedang.

LUKAS 22:36 Iomraidhean Croise

MATIUS 10:10

Jangan mbatak dumpit, amun endak bejalan. Batak baju duau jangan, sepatu jangan, tungkat jangan, karnau sughang pekerjau pantas dienjuakka upa.

LUKAS 22:35

Udim itu Yesus ngiciak ngan anak-buaHau, katauNyau, “Senitu, masau Aku ngajung kamu pegi nidau mbatak dumpit, unjut ngan terumpa, tuapau kamu kurangan?” “Nidau!” katau ughangtu.

LUKAS 22:37

Percayaula, katau Injil ini mesti digenapi, ‘Diau dikiciakka jemau ja'at’, karnau katau Injil ceritau Aku dang digenapi.”

LUKAS 22:38

“Tuhan,” katau anak-buaHau, “Ini duau bila pedang.” “Udimla.” katau Yesus.

YUHANIS 15:20

Ingatkala setu diau la Kukiciakka ngan kamu: Sughang budak nidau lebia bekuasau jak di tuanau. Amun ughangtu la nganiayau Aku, ughangtu ka nganiayau kamu pulau. Amun ughangtu la nuruti kici'anKu, ughangtu ka nuruti kici'an kamu pulau.

YUHANIS 16:33

Gegalaunyautu Kukiciakka ngan kamu, mangku kamu tenang sempernau, karnau seghundak ngan Aku. Di deniau kamu ka sengsarau, anyautu beghanikala ati kamu. Aku la ngalaka deniau.”

1 TESALUNIKA 3:4

Masau kami gi adau guak kamu, kami la ngiciakka, bansau kitau ka sengsarau. Nyela, titu la tejadi, luak kamuni keruan.

1 PITRUS 4:1

Keristus sengsarau di kayu salip. Karnau itu kamu pulau mesti berupuak luak Diau, karnau jemau diau sengsarau di deniauni nidau endak agi ngerjauka dusau.