LUKAS 22:19 - PEJANJIAN EMPAI CERITAU ILUAK

¹⁹ Udim itu Yesus ngambiak ruti, bedu'a beterimau-kasia, dipiya'Au rutitu, dienjuakkaNyau ngan ughangtu sampai bekatau, “Inila badanKu diau dienjuakka batan endak kamu. Kerjaukala ini batan endak meghingati Aku.”

LUKAS 22:19 Iomraidhean Croise

MATIUS 14:19

Mangku diajungAu jemau banyaktu duduak di ghumput. Udim itu Diau ngambiak limau bua ruti ngan duau ikuak ikan tadi, mangku ncungak ke langit sampai bedu'a beterimau-kasia, mangku dipiyak-piya'Au rutitu, dienjuakkaNyau ngan anak-buaHau, mangku diagiakanyau ngan jemau banyak itu.

MATIUS 15:36

Udim itu Diau ngambiak tujua ruti ngan ikan tadi, beterimau-kasia ngan Allah, dipiyak-piya'Au, dienjuakkaNyau ngan anak-buaHau, mangku anak-buaHautu ngagiakanyau ngan jemau banyak itu.

LUKAS 22:17

Udim itu Yesus ngambiak mangkuak besak, bedu'a beterimau-kasia mangku bekatau, “Ambiakla, gilirkala ngan kamu.

LUKAS 22:20

Luak itu pulau udim makan dienjuakkaNyau mangkuak anggur ngan bekatau, “Mangkuak ini umpamau pejanjian Allah diau empai diau diteguaka ngan daghaKu diau melilia batan endak kamu.

LUKAS 24:30

Diau dang duduak makan serempak ngan ughangtu, Diau ngambiak ruti, bedu'a beterimau-kasia, mangku dipiya'Au rutitu, dienjuakkaNyau ngan ughangtu.

YUHANIS 6:23

Mangku adau perawu-perawu lainau datang jak di Tiberias nyunggut pasigh bada jemau banyak makan ruti tadi, udim Tuhan beterimau-kasia.

YUHANIS 6:51

Akunila makanan diau ngenjuakka idup diau datang jak di sergau. Jemau diau makan makanan ini ka idup selelamaunyau. Makanan diau ka Kuenjuakka nyela dagingKu diau ka Kuenjuakka batan ngenjuakka idup ngan deniauni.”

1 KURINTUS 10:16

Mangkuak diau kitau pakai masau kitau minum anggur ngan beterimau-kasia ngan Allah, apu ukan titu nunjuakka kitau seghundak ngan Keristus dalam kematianNyau? Ruti diau kitau agia-agiaka masau kitau makanau serempak, apu ukan titu nunjuakka, bansau kitau seghundak ngan badan Keristus?

1 KURINTUS 10:4

ngan minum minuman ruhani diau semegi. Gegalau ughangtu minum jak di gunung batu ruhani diau ngantini ughangtu. Mangku gunung batu itu Keristus.

GALATIA 1:4

Keristus na'ati kendak Allah Bapak kitau, mangku Diau nyeraka nyawauNyau batan endak dusau-dusau kitau, supayau kitau diselamatka jak di deniau diau ja'at ini.

GALATIA 4:25

Hagar itula gunung Sinai di nenggeri Arab. Diautu ibarat kuta Yerusalim ngan gegalau jemaunyau diau mbak kini la njadi budak.

IPISUS 5:2

Idupla sangi sayangi luak Keristus nyayangi kitau. Diau la nyeraka nyawauNyau batan endak kitau njadi kerban diau iluak ngan melemakka ati Allah.

1 TESALUNIKA 5:18

Luak manau kia setu diau tejadi di kamu, kamu mesti beterimau-kasia ngan Allah, karnau itula diau Allah kenda'i ngan kamu, jemau diau percayau ngan Yesus Keristus.

TITUS 2:14

Diautu la nyeraka diriAu batan endak kitau endak nyelamatka kitau jak di gegalaunyau diau ja'at. Diautu njadika kitau umatAu diau beresia diau njadi ha'Au ngan rajin ngerjauka diau iluak.

1 PITRUS 2:24

Keristus itula diau nanggungka dusau kitau di kayu salip, supayau kitau bibas jak di kuasau dusau mangku idup nurut kendak Allah. Kamu la ghadu karnau lukau Keristustu.