LUKAS 18:7 - PEJANJIAN EMPAI CERITAU ILUAK

⁷ Apu Allah nidau ka mbenaghka umatAu diau mintak ngan Diau siang-malam? Apu Diau melambatka masau endak nulung ughangtu?

LUKAS 18:7 Iomraidhean Croise

MATIUS 24:22

Misalau masau itu nidau dipandakka, mangku nidau bediau sughang kia diau selamat. Anyautu karnau umatAu mangku masau itu ka dipandakka.

MATIUS 24:24

Karnau ka adau cak rajau penyelamat ngan cak nabi. Ughangtu ka ngerjauka tandau-tandau nyelia, mangku amun pacak, endak nipuka umat Allah pulau.

MATIUS 7:11

Amun kamu diau ja'at pacak ngenjuak diau iluak ngan anak kamu, apau lagi Bapak kamu diau di sergau! Diau ka ngenju'i setu diau iluak ngan jemau diau mintak ngan Diau.

LUKAS 11:13

Kinak luak itu, amun kamu jemau diau ja'at pacak ngenjuakka setu diau iluak ngan anak kamu, apau lagi Bapak kamu diau di sergau! Diau ka ngenjuakka Rua Allah ngan jemau diau mintak ngan Diau.”

LUKAS 2:37

mbak kini diau la merandau. Umurau la delapan pulua empat taun. Diautu maju di Ghuma Allah. Diau puasau ngan bedu'a siang malam.

LUKAS 21:28

Amun gegalaunyautu mulai tejadi, bangunla ngan katangka palak kamu, karnau jerang agi kamu ka diselamatka.”

RUM 8:33

Sapau pacak ngaduka jemau diau dipilia, amun Allah la mbenaghkanyau?

KULUSI 3:12

Kamutu la njadi umat Allah. Kamu la dipilia njadi ha'Au ngan disayangiNyau. Karnau itu kamu mesti sial, iluak, ngaligh, ngensian, jangan geduak, jangan kejam.

1 TESALUNIKA 3:10

Siang-malam kami bedu'a nian, supayau kami pacak betemu ngan kamu endak namba diau gi kurang percayau.

2 TESALUNIKA 1:6

Allah itu adil. Diau ka mbalaska jemau diau mbuati kamu.

1 TIMUTIUS 5:5

Randau diau nian idup sughang ngan nidau bediau jemau nyayiau cuman ngaghapka Allah. Siang malam diau maju bedu'a ngan mintak tulung jak di Allah.

2 TIMUTIUS 1:3

Aku beterimau-kasia ngan Allah. Batan endak Diau aku bekerjau ngan ati diau beresia luak dikerjauka niniak puyangku senitu. Aku maju teghingat kaba dalam du'a ngan beterimau-kasia ngan Allah empuak siang empuak malam.

2 TIMUTIUS 2:10

Itula sebapau aku nanggungka gegalaunyautu ngan ngaligh batan endak jemau diau dipilia Allah, mangku ughangtu pulau pacak diselamatka Yesus Keristus ngan meghasauka keagunganNyau selelamaunyau.

TITUS 1:1

Jak di aku, Paulus. Akuni dijadika rasul Yesus Keristus ngan bekerjau batan endak Allah. Akuni dipilia ngan diajung batan endak nulung jemau diau dipilia Allah, supayau ughangtu tamba percayau. Akuni pulau mesti mbimbing ughangtu, supayau keruan ajaghan diau benagh luak diajaghka agamau kitau.

1 PITRUS 1:1

Jak di aku, Pitrus, rasul Yesus Keristus, batan endak jemau diau dipilia dijadika umat Allah diau tesebar di rantauan di daira Puntus, Galatia, Kapadukia, Asia ngan Bitinia.

2 PITRUS 3:9

Tuhan nidau lambat nepati janjiAu, empuak adau diau nganggap luak itu. Anyautu Diau ngaligh ngan kamu, karnau Diau endak, supayau jangan adau diau benasau. Diau endak, supayau gegalau jemau ngubai jak di dusaunyau.

PENGINA'AN 18:20

Riangla kamu, ui sergau, ngan kamu, ui umat Allah ngan nabi-nabi ngan rasul-rasul! Allah la ngukum diau karnau kamu.

PENGINA'AN 6:10

Ughangtu tepekiak ngan suarau nyaghing, kataunyau, “Ui Tuhan, Penguasau diau suci ngan benagh. Lamau beghapau agi Dighi nidau ngukum ngan nidau mbalas dagha kami ngan jemau diau mbunua kami?”

PENGINA'AN 7:15

Itula sebapau ughangni betegak di adapan kerusi Allah mangku sembayang nyemba Diau siang malam di Ghuma Allah. Mangku Allah diau duduak di kerusi rajautu ka ngantini ngan njagaui ughangtu.